أكون في مكان كبييييررر أخضر بحيث ما أقدر أشوف...

أكون في مكان كبييييررر أخضر بحيث ما أقدر أشوف نهاية الأفق، ما فيه شي غير العشب وشجرة كبيرة ما لها فاكهة ولا زهور، بس أوراقها خضراء، وفي غصن فيها طير لونه أبيض وطير ثاني جنبه لونه أسود، والسماء صافية فيها شوية غيوم، كنت لابسة لبس أسود، وكنت أبكي وأصرخ وايد كأن في حد يخنقني أو يعذبني، وفجأة سمعت صوت بنت، كان صوتها وايد رقيق وناعم وحلو، قالت لي: لماذا تبكين؟؟ هل أنتِ وحيدة؟؟، صرت أبكي أكثر، بعدين قالت لي انظري للخلف، شفت وراي لقيت بنت طويلة ونحيفة، عيونها وشعرها أسود نفس الظلام، وكانت بشرتها أبييضض وايد، وجهها أنيق، حرفياً كانت بنت حلوة وايد، محد شاف جمال زي جمالها، كانت لابسة لبس أبيض جميل، لما شفتها رحت حضنتها لا إرادياً وصارت تواسيني وتربت على راسي، قالت لي: كل شيئ سيكون بخير، لا تحزني ولا تبكي. ابتسمت لها، صارت تيجي لي في الظهر أو الصبح أو بعد المغرب لين بعد منتصف الليل وتخليني أنام بهدوء، ولما أحيانا كنت أقوم في الليل من دون سبب كنت أحسها تحضني من وراي بس هي فعلاً مو موجودة، بس أحس فيها حتى لما أكون زعلانة شوي، البنت ما كان لها اسم، ما كنت أعرف أي شي عنها، قلت لها شو معنى الطائرين الأبيض والأسود؟؟ قالت لي: ستعرفين قريباً، وللحين ما عرفت شو معناهم، وقالت لي: سمّيني، يعني تباني أعطيها اسم لها، وبس