السلام عليكم ورحمة الله وبركاتة كان عندي سؤال ان...

السلام عليكم ورحمة الله وبركاتة كان عندي سؤال ان ليا جدي توفي وزوجته موجوده حاليا وتعاني من مرضالسكر المزمن وجدي له ثلاث ابناء ذكور وبنت واحده وهي امي وانا ووالدتي واختي بقالنا حوالي اربع سنين وجدي لما كان عايش كنت بروح اساعده واعمله شغل البيت بحكم انه كبير في السن وكنت انا ووالدتي متوليين اموره وبنبدل مع بعض علشان نبقي حواليه اكبر قدر بس هو توفي بسبب مرض الكورونا ويعلم الله اننا كنا معاه لاخر لحظه لما توفي دلوقتي المشكله في جدتي هي ست كبيره وعصبيه وموجوده في بيت جدي وواحد من اخوالي قال انه هيتكفل بيها ويقعدها معاه يراعيها بس قعد معاها شهرين بالظبط وزهق منها وزوجته بتعاملها بطريقه صعبه شويه يعني بترد عليها دايما فبتتعصب وتقعد جدتي تبكي من اسلوبها جدي عنده البيت اللي هي موجوده فيه دلوقتي بس حاولنا ناخدها عندنا في البيت اي حد من اخوالي بس جدتي مش راضيه تسيب البيت بس بحكم ان كل واحد وراه شغله ومش قادرين نوفق ونروحلها هي عاوزه حد بصفه دايمه جنبها ومحدش من اخوالي يقدر يسيب بيته ويقعد معاها في بيتها ففي واحد منهم اللي كانت قاعده معاه ده عاوزها تكمل معاه بالرغم من المعامله السيئه ليها هي بتقبض معاش ليها فانا اقترحت ان ممكن نجيب حد يرعاها ويقعد معاها بصفه دائمه علشان يشوف احتياجاتها هل ده صح ولا لا وثانيا اخوالي كانو عاوزين يبعتوا لاهلها انها تعيش معاهم ويبيعوا البيت هل في ذلك اثم وراي الشرع في حل الموضوع مع العلم ان جدتي دي اخت جدتي الاصليه الله يرحمها هي ام اولاد الزوج وكنت عاوزه اسال برضوا لو البيت اتباع وفي خالتي متوفيه وكان لها ولد وبنت وتوفت قبل وفاه الاب اللي هو جدي هل لهم ميراث او لا

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

انا ووالدتي بنشتغل علشان نصرف علي اخواتي لان والدي متوفي فبنبقا مشغولين دايما واخوالي بيشتغلو بس زوجاتهم مش بيشتغلوا ربنا يعلم الموضوع مؤثر قد ايه واسفه جدا علي الاطاله وربنا يجازيكم كل الخير دنيا واخره