سلام عليكم انا عندي مشكله مع امي مو بس انا حتى...

سلام عليكم انا عندي مشكله مع امي مو بس انا حتى اختي احنا بنتين وعايشين مع امي ، وامي مريضه نفسياً عمرها ٤٣ سنه واهيا عانت واهيا صغيره من تعنيف وضرب من امها وهذا الشي ينعكس عليها الحين من تصرفاته وقرارته إلي كله غلط وتبي تمشي علينا هالاغلاط واهيا معقده ،وانا كنت اكثر وحده من ما أنا صغيره تنظر إلي اني ملفته وانا لم اكن محجبه وتقول لي غطي رقبتج لانه رقبتي فيها طول وانا بعمر ١١ سنه وكثير امور غريبه تشوفها ملفته وانا بهل عمر الصغير وكنت تضربني احياناً إذا لم اطيعها بأمور المنزل ولانها لم تكن تعرف كيف تتصرف او تربي اطفال هذا الشي جعلني انفر منها وهالشي كان متعبني معاها من انا صغيره ، وانا الحين بعمر٢١ سنه والحين احس فيها تغار وشي إلي جعلني أشعر بشيء هذا لانها تقول دايما انتو صغار وحلوين والعمر جدامك ولكم حياة وانا مالي حياة وتبكي ، اول الايام كنا نواسيها لم نكن نفهما لكن بعد ذلك فهمنا انها منقهره وكانت تقول مو بس انتو مراهقين بتعيشون حياتكم انا بعد بصير مراهقه وبأسلوي اشياء موبعمري وكانت تكلم شباب وانا واختي نسمعها تتدلع عليهم ونسمع صوت الرجل إلي يكلمها طبعاً شعور مقزز بنسبه لي ولاختي وتبي الحين ترجع حق السوالف الوصخه مره ثانيه بس لانها صارت سمينه وكبرت موواثقه بنفسها ولكنها إذا ظهرت مره من البيت تجلب معها كل المشاكل وعادي نلقاها مخفر لانها انسانه مو طبيعيه والحين انا واختي تعبانين منها ومع هذا بكل زوايه من البيت تظهر لنا لكي تضايقنا واهيا تحب الاستفزاز تعبت منها ، في شي اخر لم اذكره كان لدي اخ وتوفى قبل ٣ سنوات وكانت تميزه عنا لانه ولد واحنا بنات وكانت تحبسنا بالمنزل طول فتره دراستنا ايام الثانويه وكانت قاسيه علينا لدرجت دخولها علينا غرفتنا وصراخ علينا بشكل غريب وانا واختي يومياً بشكل مجنون فعمق نومنا لكي نقوم نظف المنزل كالخدم وفي مره صارت مشكله وضربتي على وجهي بأصح على عيوني الاثنتين واصبحوا منتفخات ولونهم بنفسجي وعند هذا ولم تجعلني على الاقل اغيب عن المدرسه، ذهبت بهذا الوجهه وانا منهاره من ضيع ومن شكلي المرعب ، وبعد وفات اخوي فهمت امي انه لايوجد لها غير البنات الان فأصبحت تعاملنا مثل ماكانت تعامل اخي من قبل ودارت الدنيا ،والكل العائله ينفرون منها لانه فيها كمية ازعاج واستفزاز لناس موطبيعي دايماً تحب تستفز الناس وتقول انا ماسويت شي وتحب تعيش دور المظلومه واهيا بالاصح العكس والحين طالعه بطلعه انا الام وانا إلي اتحكم من بعد ثلاث سنين من اهمال منها كبير بنسبه لنا وبسنه للحياة كأكل كالمسكن ،احنا انا واختي واخوي الله يرحمه لمدة ٧ سنين ندفع الاجار من ورث ابوي الله يرحمه وإلا الان ندفع ، تجي اهيا وتقول هذه شقتي وانا اسوي فيها إلي ابي لادرجه انه اهيا مادفعت بالبيت دينار واحد ولا عمرها حتى لمست البيت ولانظفته وحتى اثاث غرفتها من فلوسنا ومع هذا مايبين بعينها شي وبعد هل ثلاث سنين من نوم منها والاهمال صحت الحين تبي تدور الاشياء إلي تستفزنا وتموتنا عن قريب لاني تعبت منها بموت اهيا كلا ابالي وإذا شلتها من بالي اهيا تجيني لي غرفتي تدور المشاكل ، ابي حل مع هالتوتر وهالتعب