انا طالبه اولى جامعه وانا فتره الثانوى مكنتش احسن...

انا طالبه اولى جامعه وانا فتره الثانوى مكنتش احسن حاجه المهم لما طلعت النتيجه ونزل التنسيق تنيجه التنسيق بتاعتى كانت ابعد مما اتخيل مجتليش ولا كليه وجالى معهد برا محافظتى بكتير بعدها فتح الموقع للتحويل وكان افضل حاجه جايبها مجموعى معهد عالى ف سوهاج كنت مبسوطه انى امى قررت تدخلهونى خصوصا انى كامتها عنو قبل كده وهو مشكلته بس ان مصاريفه كانت عاليه علينا شويه المهم فعلا ماما حوشت ودخلت جمعيات ودخلتهونى وجبت لبس والحاجات الى محتجاها كلها للسفر جبتها ولما سافرت اول يوم حرفيا مكنتش قادره اقعد ثانيه واحده ف السكن ومش عارفه ابطل بكى مع انى من النوع الى بيستحمل وقوى امى رنت عليا ع المغرب تقريبا ومقدرتش امس نفسي من البكى ف قالتلى احجزى اقرب قطر وتعالى ف اللحظه دى حسيت كأنى رايحه الجنه و فعلا لبست ومشيت وقعدت اسبوع وحاولت اهدى نفسى ف الاسبوع ده واقول لنفسى عادى ده عشان البدايه وكده خلينى اتحمل وبعد كده سافرت للمره التانيه ولما قربت لمحطه سوهاج بدأ نفس الشعور يجيلى وبدأت ادمع نزلت وعرفت ازاى اركب المواصلات وحرفيا كنت هموت وابكى وكان نفسى محظش من اهلى يكلمنى عشان مش هقدر لما وصلت للسكن كان البنات الى معايا جه و كانوا كويسين يعنى قولت بقى ان شاءالله ده يساعدنى على انى اتأقلم قعت اكتر من سبوع وحضرت محاضرات وكان كل تقكيرى امتى همشى لدرجه انى كنت عايزه انزل كل سبوع صد رد للسكاشن و ف اليوم الى خلاص قررت انزل البلد زياره صدمونى بأنهم خلو السكاشن اكتر من يوم وانا حاليا جبت حاجتى وقاعده ف بلدى وقررت اروح ع الامتحانات انا بس عايزه افهم ليه حصل معايا كده مع انى كنت شايفه نفسى ف المعهد ده بس محبتش الاجواء هناك ولا الناس وحسيت انى بدل ما اعلى نزلت ومش حاسه نفسى هناك خااالص انا من اسوان ومتعوده ع المساحات والاماكن والناس ف انا عايزه اعرف ده ضعف منى ولا ده رحله كان لازم اعدى بيها عشان اعرف قيمه القعده هنا مع ان عندى ناس مغتربين اعرفهم وعادى الحياه معاهم انا عايزه اعرف مشكلتى و قرارى ده صح ولا بضيع نفسي وبتعب اهلى معايا .

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لاء

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لاء