انا طالبه ولسه بدرس وأنا كنت ممتازه فى دراستى و...

انا طالبه ولسه بدرس وأنا كنت ممتازه فى دراستى و بحب اذاكر بس دلوقتى مش بستحمل انى اذاكر و عندى مشكله انى بنحب جارى من الطفوله بس وانا صغيره الموضوع كان عادى بحبه بس بذاكر والعب واضحك وكان عيال عمى بيحبونى وكانت حياتى جميله ولكن دلوقتى انا على طول زعلانه وبنفكر فى جارى ده ومامته وعيلته كلها وساعات كنت افتح صفحته علشان اعرف حاجه عنه انا عمرى ما كلمته فى حياتى اصلا انا كنت بنتكسف ابصله حتى وانا فتحه صوره صفحته مش ببص على صورته انا ومن سنه تانيه اتدائى حوالى ٨ سنين وانا بحبه و دلوقتى انا دخله على ١٩ سنه والله العظيم من اول ما دخلت الاعدادى وانا بدأت اكون كئيبه ومش حبه ولا العب ولا واضحك ولا بقيت مستحمله أى حد خالص وبنفكر فيه هو وانا مش عارفه افتح الموضوع ده مع أى حد لانى هكون محرجه منه وفضلت كده لغايت الولد ده خاد كل تفكيرى ووقتى وبقيت على طول بنعيت مش عارفه على اه وأحاول أشجع نفسى والغريب اكتر من كده انى اصلا كنت بنلعب من صغري مصارعه حره للبنات وبطلتها علشان مكانش عندى وقت مناسب ليها كان واخد مكانه درس حالتى بعد ما بطلت اسودت اكتر من الاول حضرتك عارف اه اكتر حاجه مزعلانى من الموضوع ده انى عارفه انه عمرى ما هنكون معه او كده حضرتك عارف ليه لانى اسره متوسطه وعندى بيت كامل عادى بس هو شاء الله غنى مامته عضو مجلس شعب عندهم كذا فله حتى انا متوسطه فى الجمال ولكن هو ابيض منى بكتير واحلى واصلا العلاقه بين عيلتى وعيلته وحشه خالص ايوا احنا جيران فعلا بس عمر ما حد مره من عيلته او من عيلتى سلم على التانى انا حاولت انى اتكلم مع كذا شيخ الأول بس كل ما روح الجامع اول مره لقيت الشيخ ولكن هو كان عنده حاجه كده شكلها مهم ومشى بسرعه هو حتى مالحقش يبصلى فرحت جامع تانى فى يوم تانى ومالقتش شيخ خالص فى الجامع فمشيت وروحت اليوم ده و كان بابا وماما موجودين فى البيت مارحوش الشغل فقولتلهم مش انتوا من زمان بتسألونى كده يابنتى دايما زعلانه فقالولى ليه فأنا مقدرتش اقول حاجه واتحرجت خالص وبعدان قولت انا عايزه اروح عند دكتوره نفسيه انا مش عايزه حتى راجل لانى طول عمرى خجوله ومش بعرف اتكلم مع حد وخاصه لو كان راجل وموضوع شبه ده ماتستغربش انى دلوقتى كتبه الكلام ده دا بس علشان انا مش شايفه حضرتك وانا حاليا المفروض بعد بكره عندى امتحان قبول فى الجامعه الاهليه والمفروض انى اراجع إللى خته فى ٣ ثانوى انا لسه مخلصه انا مش بحس بحالتى دى إلا لما اروح اذاكر انا بكون مش طايقه أى حاجه تبعدنى من التفكير فيه حضرتك حاول تساعدنى بجد لانى دلوقتى لو مالقتش حد يرحمنى من إللى فيه انا هموت نفسى وارتاح لانى خلاص الحياه كلها بقيت حزن دايما كل يوم على نفس الوضع وكل يوم هقول بكره اكبر وافهم وهبطل تفكير فيه وطبعا الكلام ده بقاله ست سنين على كده حضرتك ارجوك تساعدنى ارجوك

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا انا عمرى ما رحت عند دكتور نفسى اصلا لما طلبت من بابا يودينى ضحك عليا ومافيش حد فأتمنى.

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لا