انا متزوجه .حلمت أن حد اتصل بيا وطلعت أقابله على...

انا متزوجه .حلمت أن حد اتصل بيا وطلعت أقابله على الطريق علشان يعطنى شىء ووقفت عربيه أجرة فيها ركاب بنات وست عجوزه شكلها طيب وبسال على اللى اتصل بيا وعايز يدينى حاجه لقيت الست دى واعطتنى شىء مغلف فتحته أنا والبنات اللى راكبين معاها فى العربيه لقيتها زجاجه ماء بملح وقالت لى رشى منها وانتى ماشيه فى اى حفره تقابلك وفى الطريق رشى شويه واشربى منها تقريبا انتى وجوزك وسألتها انتى مين والعربيه مشيت ومسمعتش الاسم كويس فزعقت عليا بصوت عالى وسمعتها بتقول أن اسمها رانيا عديت الحاجز اللى بين الطريق وكان حيطه اللى بتبقى وسط الطريق السريع ومشيت شويه صغيره لقيت حماتى ماشيه ورايا أو معايا وكان فى ناس عاملين حاجز فى الطريق(شبه الحاجز اللى عديته الاول) زى مايكون بيصلحو حاجه وعديت وكنت هقع بس وقفت وتماسكت ومسكت ايد حماتى لما عدت هى كمان ومشينا وجينا عند الطريق اللى جيت منه وكنت عايزه ارجع منه فحماتى قالتلى لا تعالى نرجع من الطريق المختصر دا ومشينا وبدأت انفذ كلام الست العجوز اللى قالتهولى وبقول لحماتى اشربى بق من الزجاجه اللى فيها ميه بملح وانا هشرب بق وفجاة لقيتها اتعمت ومسكت عينيها وقعدت تصرخ ووقعت على الارض فى ماء عكر وماسكه فى ايدى ومجمده وانا فضلت اشد فيها علشان اقومها وقلت الها قومى قربنا نوصل البيت( وكل دا وانا ماسكه الزجاجه فى ايدى التانيه ومجمده فيها )وقلتلها أنا هشوف اى حد معاه رقم جوزى وخليه يتصل عليه يقابلنا علشان أنا نسيت موبايلى فى البيت . ملاحظه ..أنا قبل ما انام واحلم الحلم دا كنت يدعى ربنا من جوايا يبعتلى رساله ولا اشاره تبين وتوضح اللى أنا فييه وإن كنت محسوده او فى حاجه زى كدا اعرف مين السبب وايه الحل لأنى علطول مخنوقه وتعبانه وعندى الم فى ضهرى ورجليا وكل أما اكشف او اخد اى علاج مبيجبش نتيجه معايا وكل فتره تعب مختلف وحاجه جديده تحصلى أنا متزوجه من خمس سنين وعندى بنت ومخلفتش تانى علشان فى شويه عكوسات فى الخلفه مع انها بسيطه جدا وتتحل بسهوله بس طولت وحتى بنتى كمان محسوده جدا