انا من فترة طويلة كنت مش ببقى عايزة اقوم من السرير...

انا من فترة طويلة كنت مش ببقى عايزة اقوم من السرير او اعمل حاجة غير اني اقعد على الموبايل ولما كنت بسيبه كنت بسرح كده بس بقوم برضه مع بداية الدراسة بدأت اقوم بس تركيزي ضعيف جدا وبفهم بصعوبة وأيام كتير مش بعرف انام كويس مش بحس اني مرتاحة ف حياتي بشكل عام بعمل خطط وما بقدرش اعملها في خمول فظيع والموضوع ده زاد الفتره دي بس هو ليه اكتر من سنة بعيط احيانا من غير سبب كنت متعودة اني المشجع الوحيد لنفسي ف دراستي دلوقتي مش عارفة اشجع نفسي ومشعارفة اذاكر واركز خالص خالص كنت بحب الرسم زمان وبطلت ارسم كنت بحب اتفرج علي حاجات معينة بطلت اسمعها كنت بحب الأعمال اليدوية وبطلت اعملها وكنت بحب الكتابة والموضة وحاجات كتير حاولت ارجع اذاكر بس مش بعرف كويس وحاولت ارسم بس مش قادرة مع انه بيجيلي افكار بس مش قادرة اعمل حاجة اغلب الاحيان مش ببقى حاسة بحاجة احيانا موقف بتزعل مش بزعل فيها او بتفرح مش بفرح فيها وبعيط كتير من غير سبب بس بيبقى بالليل قبل ما انام ودي مشكلة لاني بالنهار بقعد عادي واضحك واهزر مع عيلتي وبعدين ارجع اوضتي اعيط مع اني مش بقدر اندمج برضه مع كل الناس وببعد اصلا اغلب الاحيان بس لو قعدت معاهم ببقى باينة مبسوطة بس الحقيقة انا مش ببقي حاسة بحاجة مش عارفة اركز او اعمل حاجة خالص بس بحس بعدم رضا عن حياتي بشكل عام تعبانة جدا ومش عارفة اللي بيحصل ده ايه انا عندي ١٥ سنة وكمان احيانا بيتهيألي اني سامعة حاجات مش بتبقى موجودة زي احيانا ببقى ف اوضتي وبسمع صوت التلفزيون عالي بطلع اوطيه بلاقي التلفزيون مقفول مش عارفة دي هلاوس ولا ايه وكمان اخر حاجة اني بتخيل طول الوقت حاجات مش حقيقية وسيناريوهات بتخيلها وبتبقي بقصد مني بس مش عارفة ابطل ده او أوقف نفسي عنه مش عارفة اللي بيحصل ده كله ايه بس انا تعبانة جدا وحاسة اني عايزة ابكي واصوت

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لا