انا ولدتي توفت بسبب بابا لانك كان طبعه شكاك جدا...

انا ولدتي توفت بسبب بابا لانك كان طبعه شكاك جدا وكان بيضايقها كتير وجالها الكنسر وتوفت وبعديها هو كان مسافر برا مصر واحنا كنا بنتين تؤم وولد اكبر مننا ربونا عماتي التلاته كل واحده كام سنه وهو كان سايبنا اه بيدفعلنا حق المدراس بس مكنش حنين خالص علينا ولما كان بينزل اجازه مكنش حتي بيحضنا وكان بيتمنا يسافر تاني اتجوز واحنا ف ابتدائي احنا اصلا عايشين في بيت عمي مدينا شقه فيه هو اتجوز فالشقه دي واتهم مراته في عرضها وبعديها سافر عقابا ليها علي حسب ظنه وانه افتكر انها هتبيع العفش من وسوسته قعدنا كلنا ف شقه فوق الشقه دي كلنا ع سرير واحد ومراته ع سرير وتلفزيون وبوتجاز صغير وسبنا كده ، ابتدي اخويا يتخنق من معمله عمتي لينا ولمرات ابويا ابتدي يتصاحب ع ناس مش كويسه جرو لسكه وحشه وابتدي ينتقم من بابا انه يغرمه فلوس كتير ابتدي يشرب ويسرق ويعمل مصايب ويتعالج ويرجع تاني لحد مكبر وبقي عنده ٢٩ سنه ومات منتحر بسبب ضغط بابا ، طبعا قبل كل ده مرات بابا مقعدتش معاه كام شهر وسبتله البيت ومشيت واطلقت ،، هو بردو مسألش فينا انا كنت باخد سندوتشات صحابي فيالمدرسه وبستلف من المدرسين فلوس ، عمتي دي الكبيره كانت بتاخد مصروفنا وعمتي الصغيره كانت بتضربنا لو حد كل زياده وعمتي الوسطانيه كانت بتقعد تعايرنا وخصوصا انا لاني جتلي حاله نفسيه وابتديت اعمل حمام ع نفسي لحد سن ١٦ سنه تقريبا ، عدت الايام واتوليت انا مسؤليه اخواتي لحد مخلصت ثانوي وقسمت المسؤليه عليا انا واخوتي وابتديت المعاناه مع اخويا لحد متوفي ، تيجي لاختي اتخطبت مره والتانيه اتجوزت وكان سبب فركشت الموضوع بابا وجليطه فالتعامل مع الناس واهانتهم والجوازه بتاعتها كان نكد ونكد عليها يوم حنتها وكانت هتنتحر بسببه واتجوزت وانا كنت مخطوبه اول مره وهو بردو بوظ الموضوع عشان هسكن في كمبوند مكنش عاوزنا سعده خالص اتخطبت تاني لصاحب جوز اختي ، تاني يوم فرح اختي بعتوني اجبلها حاجات وراحوا اتصلوا عمتي وبابا من ورايا باهل خطيبي وقالوا عاوزين نفركش الموضوع عشان بنتنا مش كويسه بس بلفظ بزيء طبعا انا سمعت كده وانهرت وسبت البيت بصراحه وكانت اول مره اعملها لان خلاص اخويا مات واختي اتجوزت ومفيش مشاعر حب لبابا خالص سبت البيت اسبوعين ورجعت وربنا خدلي حقي وقالولي سمحينا عمتي جالها كنسر وتوفت وبابا جاله خراج كان رجله هتتقطع وانا وقفت جمبه وخدمته ، بعديها عمتي توفت وهو ابتدي يعمل حاجات غريبه عشان يجذب النظر ليه والناس تهتم بيه المهم دخل المستشفي وهو كان طبيعي بس خرج منها مش طبيعي اتعود انه ميمشيش وكده وبعدين عملناله علاج طبيعي والدكتور قال انه كويس ابتدي بقي رجع البيت سنديني شيليني اكليني وهو كويس والدكاتره كلهم قالوا انه كويس ابتدي يضغط عليا من ناحيه تانيه بقي يمشي عادي فالبيت ويجي قدام قوضتي ويقع كان بياكل كل محد يجيله يروح ميكلش ويقولهم مش بتاكلني ولا بتديني الدوا انا بجد تعبانه اوي وانا لوحدي وهو بيتحرك بس مستسلم اوي اني اخدمه وانا معنديش مشكله اني اخدمه بس هو اولا مالوش مشاعر عندي ثانيا مش بيساعدني وهو كويس ومش عارفه اتصرف ازاي وابتدين ازهق من حياتي وحاسه اني حياتي بقيت وحشه لانه كمان مش بيحبنا نخرج ولا نتأخر ولا نشوف الناس انا حاسه اني مكتومه اوي وهو مستستلم جدا وانا مش قادره انسي انه اذانا احنا الاربعه انا وامي واختي واخويا ،، اتصرف ازاي

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

انا عندي ٢٩ سنه ومقري فتحتي بس لسه جوازي كمان سنتين وكل موضوع جواز يتعقد ،، يعني عمتي دي ماتت يوم مكنا هنجيب الشبكه قولت الحمدلله لسه هنروح نجيب الشبكه كمان كام يوم بابا بقي رافض الاكل وبيقلد موتت عمتي وهو كويس واعصابه كويسه بس مش عارفه هو بيحب التعب ليه