من حوالى ٧ اشهر سافرت انا وابنة وزوجى الى دولة...

من حوالى ٧ اشهر سافرت انا وابنة وزوجى الى دولة اجنبية. فى بداية السفر كان ابنى يبكى عندما نخرج و ينام على الارض ف الشارع و ( يزن) بشكل مش طبيعى.فسرت ده وقتها انه متضايق لانه مش بيخرج و مش بيلعب و بعد كدة دخل حضانة فى البداية كان مبسوط منها جدا و بيحب يروح وفى البداية كان فى بنت بتفهمه وحيدة فى الحضانة و كان بيلعب معاها. و لكن ده مستمرش كتير و بدء يقول انه مش بيحب الحضانة و فى مرة قبل ماانزل اجازة لمصر باسبوع كان فى حفلة عنده حضرتها انا وباباه لاحظت انه بيحاوا يجرى ورا الاطفال عشام يلعبوا معاه و مش عارف يتعامل معاهم ومالوش اى اصحاب. مع الملاحظة انه فى الفترة من بداية دخوله الحضانة لحد قبل ماننزل كان بيعمل تويلت كتير فى الهدوم و كان دايما فى الاول بيحاول يلفت انتباه الاطفال و المدرسين ليه انه يغنى يعمل اى حركات عشان يبصوله وهكذا لحد الحفلة دى انا لاحظت انه مش عارف يتعامل مع الاطفال و انا وباباه بس اللى كان عايزنا طول الوقت و بدء يبقى عنيف جدا فى البيت و يعلى صوته و يضربنى. حاليا انا وهو فى مصر لظروف مش بنخرج وهو للاسف بيتفرج على الكارتون هنا مع جدته دايما و بقى بيحب اى حاجة فيها عنف. لما بيكلمنى لو قلت لا يضربنى او يحدف اى حاجة فى الارض. النهاردة رمى ريموت و كسر تليفزيون بيعيط بشكل دايم لحد اللى عايزه مايتعمل و طبعا نانا بتعمله. انا عايزة اعرف اولا من حضرتك ازاى اتعامل معاه عشان العنف ده مش طبيعى و اعاقب ولا ازعق ولا اكتفى انى مكلموش لما يعمل اى حاجة مش صح وهو عارف اننا اتكلمت فيها قبل كدة و هى غلط. هو سنه ٤ سنين ومالوش اخوات ولما شاف اطفال فى مناسبة لما جه كان مستغربهم و بيقولهم انتوا بتعملوا غلط و مش عارف برضوا يتعامل معاهم.