أهلا بك، كيف يمكنني مساعدتك في سؤالك عن الشريعة...

أهلا بك، كيف يمكنني مساعدتك في سؤالك عن الشريعة الإسلامية ؟ كنت عاوزني استفسر عن حاجه، انا بابا ونام متجوزين بقالهم ما يعادل ٢٢ سنة وبابا كان حارمها بالطريقة والمعامله انها متزورش اهلها وهما بينا وبينهم ما يعادل ال١٠ دقايق والله وطبعا انا واخواتي ٧ بنات واولاد،مقربناش من اهل ماما غير لما حصل ليا خطوبة فبابا دعاهم لحضور الخطوبة ولم الشمل مرة تانيه بعد السنين دي كلها ، ومن اسبوع بالضبط والد ماما اتوفى وماما راحت ووقفت جنبهم ليلة وفاته وتاني يوم ولاكن بابا منعها برضو بالطريقة انها متروحش حتى زيارة المقابر وحاليا عمال يزعق وانتي شكلك هترجعيلهم تاني ومبقاش في حد ف دماغك غيرهم وبيزعق وبيضغط عليها بطريقة حقيقى مظلومه فيها، طبعا كلنا فترة ال٢٢ سنة دي لا عارفين اننا لينا خالة ولا شكلها ازاي ولا لينا خيلان وماما مستحملة كمية الاهانات والظلم طول السنين دي دلوقتي انا مخطوبة وخطيبة ربنا يهديه محترم وابن اصول وكل حاجه ولاكن لما اتوفى جدي حسيت منه بأنه مش عاوز يخليني ازور جدتي ولا اقف جنبها وبرضو قبل وفاته منعني اني اروح ازوره ف المستشفى مع اني كنت هموت واشوفه كنت حاسه انه هيموت ولاكن منعني ومنعني من اني اروح مقرأة ختام القرآن وبابا برضو منع ماما منها، انا حكيت تفاصيل مختصرة جدا، استفساري هنا هل اللي بيحصل معايا ده نفس اللي حصل مع ماما وهل حياتي هتكون زيها كده انا خايفة ليكون ذنب وربنا بيخلصه عشان الدنيا سلف ، انا عوزاكم وفي امس الاحتياج لردكم والله وجزاكم الله خيرا