السلام عليكم دلوقتي انا طالبه فاولي كليه السنه...

السلام عليكم دلوقتي انا طالبه فاولي كليه السنه اللي فاتت كنت ثانويه ازهريه كنت بعاني فالثانويه من احساس بالذنب متواصل ولسه ملازمني لحد دلوقتي علي الرغم من ان عيلتي كلها مكنتش بتضغط عليا نهائي حتي مامتي كانت بتقولي ادخلي اي كليه وميهمكيش عادي بس انا كنت عاوزة ادخل علوم والنصيب اني مدخلتهاش الحمد لله طبعا علي كل حاجه ولكن كانت من ضمن احلامي يعني قبل امتحانات الثانويه ب ١٠ ايام والدي اتوفي والدي كان عنده اكتئاب وكان سنين بيتعالج واتوفي منتحر فالاخر انا عرفت ده وكنت في حاله من حالات الصدمه المتوقعه يعني كان متوقع بابا يعمل حاجه فاي لحظه بس كان بدا يتحسن عن الاول معرفش ازاي حصل كده المهم اني دخلت الامتحانات وانا عندي بردو من المشاهر شويه من ناحية اللي حصل حتي كل عيلتي كانت بتعيط كتير اوي افتكر اني كنت بعيط عليه فالفترة ديه ٣ مرات بس كانت حاله من حالات اللوم عليه لانه سابني فوقت زي ده او مثلا ان ليه الوقت ده بالذات ومكنتش عارفه الومه فنفس الوقت لان مش بايده ، امتحانات كانت مش احسن حاجه وماتش افضا حاجه عندي وده سببلي ضغط نفسي كبير جدا ومازال اني معرفتش اوصل لحاجه انا نفسي فيها خصوصا اني كنت مخططه حياتي علي الكليه انا مكنتش عارفه اتخطي بعض ليالي الامتخان اللي جالي فيها انهيار بسبب المواد واني مكنتش قادرة استوعب حرف كمان ، المهم ان كل ده عدي وانا دلوقتي فجامعه مشكلتي الحاليه اني عندي ارق مستمر وعلي طول ببقي قلقانه ومتوتره بسبب او من غير سبب ده مبيظهر عليا ولا علي شكلي من جوايا ببقي حاسه اني مش متطمنه خالص ده غير اني بقعد اتكلم مع نفسي فدماغي كتير اوي وبعمل نقاشات كتيره مع اي حد نفسي اقوله الكلام ده بس مبعرفش يعني مثلا بقعد اتكلم مع بابا فدماغي واساله ليه عمل كده وحاجات زي ديه كتير اوي مع اختلاف المواقف ، ديه مشكله وفي مشكله كمان اني علي طول مش متطمنه ولا حاسه بامان نهائي ، وانا وشي بقي باهت خالص وجسمي بقي مليان عن الاول كتير ومبقتش حابه شكلي وببص لنفسي ببقي زعلانه اوي ان ملامحي عامله كده لاني مكنتش كده ابدا فحياتي ، كنت بتعرض للتنمر كتير من صحابي والمدرسين علي سبيل الهزار علي نضارتي وكانو بيقعدو يقولولي يا تيتا ولكن كذا مرة اقول ان حاجه زي ديه بتضايقني بس محدش كان بيهتم وده غير ان مامتي كل شويه تقولي انتي تخنتي ومتكليش كذا علشان متتخنيش وانا اساسا مباكلش وبتخن علي الفاضي ومعرفش تخنت ليه او ازاي انا كل ده طبيعيه قدام كل اللي حواليا وتمام وبنزل وبخرج ومبسوطه لكن صاحبتي لما بشتكيلها حاجات هي مضايقاني فشكلي او انا حاسه اني وحشه او كده بحسها بتبقي فرحانه جدا اني حاسه بكده الفكرة ان هي بتقعد تهون عليا بالكلام واللي هو لا انتي جميله ولازم تحبي نفسك زي مانتي وكده بس احساسي ده جالي بسس ان هي طبيعيتها انطوائيه شويه وانا كنت اجتماعيه جدا جدا وانا كنت بخليها تتعرف علي الناس وتبقي احسن وتبقي اجتماعيه لحد ما حياتي انهارت فجاه فقدت القدرة علي التواصل مع الناس زي الاول لسه بتكلم عادي لكن مش زي الاول خالص ومن يومين كنت بقولها علي فستان كنت عايزة اجيبه قالتلي لا الستايل ده مش هيليق علي الناس اللي معندهاش وسك زيك كده وحسيت اني اتضايقت اوي من اللمه خصوصا انه مكنش وقته وكمان عشان انا كنت فرحتنه بالفستان اوي هي فالطبيعي طيبه جدا جدا بس ليها تصرفات كتير اوي بتحسسني ان هي مش عايزاني ابقي كويسه تاني زي الاول بخاف تطلع كده فعلا لانها صاحبتي من ٩ سنين مش مستعده اخسرها انا عايزة ابقي كويسه من تاني بس وابقي زي الاول علي الاقل يبقي عندي ثقه فنفسي وفشكلي انا حتي بدات ادرس لغه جديده وانزل مع ناس واتعامل معاهم ونزلت تمرين سباحه مجرد ما كل ده بيختفي وبرجع من نفسي الارق بيرجع والتفكير الزايد بيرجع وبحس اني غير مرغوب فيا بالرغم من ان عيلتي بتعمل كل اللي بطلبه وزياده خايفه يبقي عندي حاجه زي بابا وتطور بجد ، اسفه جدا لو طولت انا عندي حاليا امتحان بكرة اخر امتحان فاولي جامعه ومش قادرة اتعافي لسه من اللي حصلي فامتحانات الثانويه ولا قادرة اتعافي من اللي حصلي بحاول والله علي قد ما اقدر بس مش عارفه .

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا ديه اول مرة اتكلم مع حد غير صاحبتي

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

ماما بعد وفاة بابا مباشرة كانت عايزة تتجوز وفي حد اتقدملها فوقت امتحاناتي ثانويه عامه وانا اعترضت اكتر من ١٠٠ مرة وهي مصممة تصميم بشع ده خلاها تقل من نظري غصب عني والله بس بابا كان لسه ميت مبقالهوش ٢٠ يوم واحنا حالتنا النفسيه كانت صعبه جدا وضغط الامتخانات ده كله كان سببلي ازمه . صاحبتي متعرفش ان بابا مات منتحر ولا تعرف انه عنده مشاكل نفسيه نهائي لو هيتم التواصل معايا اتمني يكون بكرة بليل او الاربع علشان اعرف اتكلم