انا متزوجه . حلمت أن حد اتصل بيا وطلعت على الطريق...

انا متزوجه . حلمت أن حد اتصل بيا وطلعت على الطريق علشان يعطنى شىء ولقيت عربيه وقفت فيها ركاب بنات وفيهم ست عجوزه شكلها طيب اعطتنى زجاجة ماء بملح وقالت لى رشى منها وانتى ماشيه فى الطريق وفى اى حفرة تقابلك واشربى منها انتى وزوجك تقريبا وسألتها اسمك ايه والعربيه مشيت ومسمعتش الاسم كويس فضلت تزعق عليا بصوت عالى وسمعت بتقول أن اسمها رانيا واخدت الزجاجه وروحت وعديت الحاجز اللى بين الطريقين (هو طريق سريع)ومشيت شويه وفجأة لقيت حماتى ماشيه ورايا أو معايا وكان فى مثل حاجز فى الطريق عديت لوحدى وكنت هقع بس تماسكت ووقفت ومسكت ايد حماتى علشان تعدى ومشينا واحنا ماشيين جيت ارجع من الطريق الذى جءت منه قالت لى لا تعالى هنروح من طريق تانى مختصر وبدأت انفذ وصية الست العجوزه انى عايزه أرش ميه فى الطريق وانا مروحه واشرب من الزجاجه وبقول لحماتى اشربى انتى بق وانا بق وفجاه لقيتها اتعمت ووقعت فى الارض فى ماء معكر وكانت ماسكه فى ايدى وانا بحاول أشدها واقولها قومى احنا قربنا نوصل البيت أنا هشوف اى حد معاه رقم جوزى يتصل عليه ويقابلنا علشان أنا نسيت تليفونى كل دا وانا ماسكه زجاجة الماء بالملح فى ايدى التانيه ومجمده فيها