إسأل دكتورة نفسية الآن

إيناس بارود

إيناس بارود

دكتورة نفسية

الأسئلة المجابة 22925 | نسبة الرضا 98.7%

الزواج و الإرشاد الأسري

السلام عليكم انا مخطوبة منذ ٣ سنوات لواحد صلة...

تم تقييم هذه الإجابة:
السلام عليكم انا مخطوبة منذ ٣ سنوات لواحد صلة قرابتي بيه من الطرفين من الاب والام هو مسافر من قبل ما نتخطب واتخطبنا وهو برا كلامنا جدا قليل انا ما بعرفش اتكلم في التلفونات غير مريحة ليا فكنا بنتكلم بس لمدة ٣ سنوات واحنا ما نعرفش بعض كويس.. وعلشان احنا قرايب كان كل طرف من اهالينا بيحاول يمشي الموضوع وما كانوا بيتفقوا على اي شئ كل كلامهم كان اهل العريس ان اللي انتوا عاوزينه هانعمله وافرحوا ببنتكوا واعملولها وسولها واحنا كمان كنا عارفين ظروفه وانه بقاله ٣ سنين متغرب بدون شغل وكنا بنعذره ونقول خير وان شاء الله بتتعدل.. ومن اول السنة دي بدأ يشتغل ونوينا خلاص ان الفرح راح يكون السنة دي غير كده هو ما عملش بيت هنا في بلدنا زي ماهو متعارف المفروض الشقة او البيت يكونوا جاهزين قبل الفرح كلمونا اهله وقالولنا بلاش بيت السنة دي جوزوهم وبعدين البيت يعملوه بعدين يعني نتجوز واسافر معاه على البلد اللي بيشتغل فيها قلنا خلاص تمام ومشينا الموضوع.. وبعدها بفترة لقينا ام العريس بتقول طيب بلاش شبكة علشان هو مش معاه فلوس الفترة دي واحنا كان اتفاقنا غير الكلام اللي بيقولوه ده رفضنا وقلنا لا لازم شبكة .. راح اهل العريس قالوا خلاص بلاش هو ينزل ويعمل شبكة قلت لا.. لان وانا من اول ما بدأنا خطوبة وانا بقول للكل سواء اهلي واهله وهو كمان انه لازم نعمل تحاليل قبل الزواج انا وهو لاننا قرايب من الطرفين وغير كده ابويا وامي قرايب وجدي وجدتي كانوا قرايب فقلت لازم ينزل ونعمل تحاليل ضروري وشبكة وفرح وكتب كتاب زي ماهو متعارف وزي ما اتفقنا .. رجعوا قالوا خلاص هاينزل ويعمل زي ما انتوا عاوزين .. هو من كام شهر غير شغله واشتغل شغل جديد وقالي انه هايحجز تذكرة علشان ينزل يتجوز ورحت اتفقت على كل حاجه للجواز من فستان وتصوير وميك اب واهله حجزوا قاعة .. ودلوقتي رجع قال لأهله واهلي ان الشغل الجديد قاله مافي نزول الا بعد سنة من الشغل واهله بيقولوا راعوا ظروفه واحنا والله مراعين ظروفه جدا من اول ما بدأنا العلاقة دي عمرنا ماقولناله ولا هو ولا اهله ليه ما عملتوش وماسوتوش ومراعين ربنا فيه وفي ظروفه .. دلوقتي هما بيطلوبوا مننا انه ماينزلش وان نعمل كتب كتاب وشبكة واسافرله وانا ضد كده كليا لاني مش ها اتجوز بدون تحاليل للوراثة و انا عاوزة اهلي يفرحوا ويعملوا فرح ويفرحوا ببنتهم وانا اول واحدة يجوزوها في بناتهم .. المشكلة كمان ان ام العريس شايفة اننا ما بنقضرش ظروف ابنها ولما لالت لأبي كذا قالها لو ناس غرب وغيرنا عمرهم ما كانوا وافقوا باللي بيحصل ده وان كل شوية تخلونا نتنازل عن حاجه .. وفي خيار كمان واننا نأجل الفرح لمده سنة كمان بس مش عارفة هل بعد السنة دي في حاجه هاتتغير ولا ها يفضلوا يحطوا اعذار كده ع طول .. واخت العريس كانت زي اخت بالنسبة ليا من ساعة المواضيع دي بتقلي قدري ظروفه ومش مهم تعملي وتعملي .. الخ .. وانا دايما ما كنتش برد عليها وانا اتخنقت منها لانها مابتقدرش ان اهلي عاوزين يفرحوا بيا زي ما اهلها فرحوا بيها وجوزوها وتقولي كلميه كويس وماتضغطيش عليه وانا ماردتش عليها برضو لان مش من حقها تقولي اتعامل معاه ازاي وتحط نفسها مكاني وانا حاليا برضو لسه ما ردتش على العريس في موضوع التأجيل او اني اسافرله واتنازل عن الفرح والكلام ده ياريت بجد تساعديني لاني تعبت ومش عارفة اتصرف الكل حاطط عليا الحمل وانا تعبت .. هل اتنازل عن حقوقي علشان ظروفه بس ممكن افضل ندمانه طول عمري اني مافرحتش ولا فرحت اهلي ولا نأجلها سنة وانا حاليا عندي ٢٧ سنة هل السنة تأجيل هاتفرق في حاجه مع الناس دي وانهم يحققوا مطالبنا ولا ايه ؟ والله ما اعرف رجاء افيديني حضرتك ماذا افعل ؟؟؟

إطرح سؤالك

إجابة الخبير: إيناس بارود

إيناس بارود

إيناس بارود

دكتورة نفسية

الأسئلة المجابة 22925 | نسبة الرضا 98.7%

لاشك ان الزواج يحتاج للاختيار الصحيح والتوافق والوضوح بين الطرفين وذلك منذ بداية الخطوبة وقبل الزواج فذلك يساعد في نجاح العلاقة الزوجية واستمراراها بسعاده واستقرار،
ومما لاشك فيه ان كل اثنين يتزوجوا ليعيشوا بسعاده وراحه واستقرار نفسي واجتماعي ومادي وغيره من المشاعر الايجابية ولكن ان كانت تلك الاحاسيس غير موجودة منذ البداية فهنا يجب ان تكون وقفة وتفكير متعمق وتفاهم ووضوح اكثر بين الطرفين،
فاعلمي ان تلك الحياة هي حياتك وان الاختيار اختيارك وانت من ستتحملي تلك الحياة وذلك الاختيار ، ولايجوز التنازلات الاكثر من اللازم فايضا للفتاة والزوجة حقوقها التي لابد وان تراعى منذ البداية ،
فيجب ان ياخذ كلا منكم فرصة وفترة للتفكير من جديد بعيدا عن اية ضغوط من اي طرف بل التفكير بنفسه والاختلاء مع ذاته وتقدير الموقف واتخاذ القرار المناسب اما باتمام تلك العلاقة او تأجيلها بشكل محدد واختيار موعد يتفق عليه جميع الاطراف والالتزام بذلك الاتفاق ويكون حلا وسطا ،
ايضا من المممكن ان يساهم اكثر من طرف في التعجيل في ذلك الجواز وتقسيم الاحمال على المقربين كمساعدة للطرفين للقدرة على الزواج،
الصراحه والشفافية بين جميع الاطراف في تلك التفاهمات وحسن تقدير المواقف وتحديد مدى قدرة الشاب الفعلية على الزواج والالتزام بالحوارات التي تحدث ولاتفاقات بتدخل اطراف اخرى مقربه.

يمكنك تحميل تطبيق جواب لمتابعة استفسارك مباشرة مع الخبير ،كما يمكنك التواصل مع خبراء مختصين في أكثر من ١٦ مجال بالإضافة إلى مواضيع أخرى يومية من خلال الضغط على هذا الرابط التالي

تحميل تطبيق جواب

إسأل دكتورة نفسية

إيناس بارود

إيناس بارود

دكتورة نفسية

الأسئلة المجابة 22925 | نسبة الرضا 98.7%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار