عمري 24 متقدملي شخص عمره 39 بس السن مش باين عليه...

عمري 24 متقدملي شخص عمره 39 بس السن مش باين عليه نهائي الشخص ده كان محامي اختي الاكبر لقضية طلاقها بعدها عرف اهلي واتعرف علينا انا كنت شاكه ف وجود علاقه حب بينه وبين اختي فغصب عني سألته فهو قاللي انا خدت عهد ع نفسي هحكيلك كل حاجه حصلت رغم اني لو حد غيرك حط السكينه ع رقبتي مكنتش هحكي كلمة الشخص ده صارحني انه عرف اختي عن طريق صديقه ليها وان اختي بعد طلاقها كان صديق طليقها بيهددها وكان عايز يعملها مشاكل فهي طبعا خافت تحكيلنا فلجأت للمحامي ده لانه حد تقيل وواصل وهو وقف معاها وبعد الشخص ده عنها وسترها المهم انه حكالي ان طليق اختي كان شخص مش راجل تماما وخلى اختي عملت علاقة مع صاحبة ده مقابل فلوس وكمان جوزها جابلها بنت الشقه وعمل علاقه معاها ومع البنت !!! كمان حكالي ان اختي كان عندها ميول للهرب مع بناتها خارج مصر نظرا انها مش حابه العيشة هنا ولا الناس ولا تعامل المجتمع معاها كمطلقة ، والمحامي ده نجح يخرج من دماغها الفكرة كمان قاللي ان اختي قالتله انها عايزة تتجوز من بره الصعيد وراحت عرضت عليه يتجوزها ولو يوم واحد او فترة المهم يخرجها من الصعيد وهو صدها بإنه قالها انه قاري فاتحة بنت عمه وعرفت قد ايه هو ياما ساعدها تكون احسن وكان بيبعتلها فلوس كل شهر ليها ولعيالها كمان واخد عهد ع نفسه انه لو انا هتجوز فجهازي كله هيجيبهولي دلوقت الشخص ده عايز يتجوزني وبيقوللي انا مرتاحلك وعايزك واللي انتي عايزاه هعملهولك وكل حاجه ف الشقه عليا وهو مش فارق معاه اي حاجه حصلت وان ده ماضي ف حياة اختي وهي اتعلمت وندمانه ونسيت لانه الحوار من كذا سنة انا طول مكالمته معايا كنت منهارة من العياط بسبب اللي حكاه عن اختي مصدومه بجد انها عملت كل ده سواء بالإرادة او بالغصب انا مقدرتش احكي كلمه من اللي قالها لاخواتي البنات او لماما ده ممكن يموتوا فيها انا مش عارفه اعمل ايه خصوصا ان مامت العريس كلمتني دلوقت اول نقطه هل السن حاجه تمنعني اوافق عليه النقطة التانية هل هو شخص لا يصلح للجواز نظرا انه صارحني انه سبق وعمل علاقات جنسية زمان لكن تاب وبطل النقطة التالتة هل لو اتجوزته هيعايرني باختي الرابعة هل مينفعش خلاص اوافق عليه طالما عارف الحاجات دي عن اختي من الاخر الشخص ده في العموم حد شهم وستر اختي ووقف جنبها كتير اوي بس هل بعد كل ده  هينفع اتجوزه ؟