السلام عليكم ورحمة الله وبركاته انا زوجي اتوفي في...

السلام عليكم ورحمة الله وبركاته انا زوجي اتوفي في الحجر الصحي بسبب الكورونا في ٢٠٢١/٢/٢٦ ولما جابولي من المستشفي تليفونه لقيته باعت لزميله علي الواتس قبل ما يتوفي بيوم واحد انه يجيبلي الفلوس بتاعته اللي كان شغال بيها مع العلم اني عندي ثلاث بنات واحدة في كلية التجارة والتانية في ٢ طب جامعة خاصة وكان ابوها الله يرحمه بيدفعلها من الفلوس دي مصاريف الكلية ٢٠٠٠٠٠ في السنة علي قسطين والتالتة في ٢ اعدادي وانا ربة منزل الفلوس اللي زميله جبهالي حطتها في البنك باسم بنتي الكبيرة علشان من الربح نعيش وبحاول احوش لبنتي اللي في طب قسط الكلية . بس فيه ناس قالولي ان عمهم ليه نصيب في الفلوس دي هل ده صحيح انا مش عارفة حاجة وممعيش حد يساعدني اتصرف المبلغ مليون ونصف والارباح اللي بيطلعها ١٣٠٠٠ في الشهر اعمل ايه ولو اخوه ليه يبقي ليه كام والمبلغ حطيته في البنك في شهر ٧ معداش عليه سنة اخوه ليه فوايد علي المدة دي بالله عليك يا شيخنا الفاضل ترد علي جزاك الله خيرا