انا متزوجه من ٩ سنوات وعندي ٤ بنات

انا متزوجه من ٩ سنوات وعندي ٤ بنات

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

كنت متزوجه في بيت عائله وكان حمايل من الناس القديمه له اسلوب معامله جارح والحق انه مش معايا لوحدي هو مع الجميل فهو يزعق ويشتم بالاب والام وحاولت ان افهمه انه حتى لو كان مع الجميع كده فانا بزعل ومش بستحمل كنت ابكي كتير في الاول واسكت ومقولش لجوزي وبعدين تدخل اهلي وابويا اتخانق معاه جامد فجوزي منعني من اهلي سنتين سافرت بعدها مع جوزي السعوديه وعدنا فتره ونزلنا وكانت المشكله ان جوزي كان مش بيصرف عليا ولا اولادي او بيصرف ولكن بصعوبه يجيب اكل البيت لكن ملوش دعوه باي مصاريف تانيه لا مدارس ولا لبس ولا اي شئ تاني. اضطريت اشتغل والحمد لله بقيت بجيب كل اللي محتاجينه لما حملت في بناتي التوام عملي خروج نهائي عشان الضرايب ونزلت عند اهلي وبرضه مكانش بيبعت مصاريف الا بالعافيه وكانت مبتكفيش. ماما شالت ولادي واشتغلت تاني عشان اكفي اولادي وقع بينا يمينين طلاق احداهما كان وانا حامل ودلوقتي واقفين على اخر طلقه جوزي عصبي ومن النوع اللي مع اي ضغط نفسي بكون انا المتنفس الوحيد اللي بيطلع فيه كده بابا جتله جلطه فنزلت من الشغل عليه وتاني يوم رحت عند اهله في شقتي وصحيت اتصل اطمن على بابا قبل منزل اعمل الفطار فباباه بهدل الدنيا واتخانق مع جوزي عشان انا اتاخرت في النزول والنتيجه ان جوزي موتني من الضرب فضل يضرب فيا ساعه ونص بدون توقف اما اولادي ووسط صريخهم ومكنش حاسس بنفسه اتصلت باختي وقلتلها الحقيني لما جت تاخذني ضربها على وشها وضربني في الشارع قدام الناس ومشينا بصعوبه بعدها بفتره اعتذر وقال انه غلط وعاوز يكمل عشان الاولاد وعاوزني اسيب شغلي وارجع اخدم اهله واعيش مع ابوه وانه فدلوقتي مش عارفه هل الطلاق هو الحل الصحيح ولا اسيب شغلي واخاطر عشان بيتي في علاقه مش مضمونه ومش عاوزه اظلم الولاد ولا اظلم نفسي لاني من جوايا عارفه ان العلاقه دي مسمومه وهتضرني انا والاولاد بس خايفه قدام ربنا اكون غلطانه