إسأل خبيرة العلاقات العاطفية الآن

مها سرور

مها سرور

خبيرة العلاقات العاطفية

الأسئلة المجابة 27615 | نسبة الرضا 98%

استشارات الحب و الزواج

كنت محتاجة اتكلم مع دكتور نفسي لإجابة بعض الاسألة

تم تقييم هذه الإجابة:
كنت محتاجة اتكلم مع دكتور نفسي لإجابة بعض الاسألة
مساعدة الخبير: هل راجعت دكتور نفسي من قبل؟ أو حاولت أي شئ آخر؟
لا
مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟
هل يحتاج لدفع نقدي

إطرح سؤالك

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%


تفضل أنت الأن بالقسم الخاص بالاستشارات النفسية والارشاد الأسري ويمكنك أن توضح استشارتك وأنا سأرد عليك بأسرع وقت.
يمكنك تحميل تطبيق جواب لمتابعة استفسارك مباشرة مع الخبير ، كما يمكنك التواصل مع خبراء مختصين في أكثر من 16 مجال. بالإضافة إلى مواضيع أخرى يومية من خلال الضغط على هذا الرابط :
تحميل تطبيق جواب

الرد من العميل

السلام عليكم ورحمة الله ، انا عندي ٢٠ سنة من مصر، مرتبطة بواحد بقالي ٥ سنين بعلم اهلنا بس مش رسمي عشان هو لسا طالب وليس متخرج، كل حاجة كانت كويسة لحد اخر فترة. تغير حاله معايا جدا وكان في الاول بيتعامل بتقصير جدا . لحد ما عرفت انه بيتعاطى الحشيش واعترفلي ب دا لما اصحابي شافوه بيتعدى حدوده مع زمائله البنات . وقفت جمبو ودعيت ربنا كتير جدا في صلاتي وصيامي وقررت اني اختم المصحف في رمضان لصلح الحال ويبعد عننا اي شر. كل حاجة اتحسنت وكل حاجة كانت كويسة وحسيت انها اشارة من ربنا كانه ربنا بيقولي كملي وانه اختبار من عنده او ابتلاء وحيعدي انشاءالله. لحد ما اكتشفت انه بيكلم عليا زمائله في الكلية وليس في حدود الكلية ابدا وبيراسلهم وبيتكلم معاهم وبيطمنوا على بعض ويدلعونا بعض. لما واجهته قعد يحلف كثير كذب عليا وانا متأكدة من اللي شفتوا ولما مسح كل الرسائل. بعد الحاح مني كثير اني عرفت كل حاجة وان الكذب مش حيجيب نتيجة خلاص اعترف انه بيتكلم وانه كان خايف يقولي عشان خايف على زعلي وخايف انه يخسرني. لكن كسر فيا ثقتي فيه وحاسة اني مش عارفة الشخص دا مين. فضل يلح عليا ويعتذرلي كتير جدا انه مش حيعمل كده تاني وانه اسف وانه بيحبني وعمره مش عايز يخسرني. ولما خوفته ان رصيده قرب يخلص عندي قال لي انا مش حقدر ابعد عنك واتكلم معايا وفضل يقولي انها فترة وحشة في حياته لأن اصحابه بيبعدوا عنه وانه متخانق مع اهله ومش عارف هو بيعمل ايه. انا مش عارفة اعمل ايه وسؤالي هو هل الشخص دا بيحبني بجد ولا هو كذاب ومينفعش اكمل معاه وهو كده . برغم الموضوع اتقفل ب انه انا مش حعرف ارجع ثقتي بسهولة وكان متقبل دا وقالي مش مهم انا حثبتلك عكس دا كله. انا بس مش عارفة انا موقفي ايه وحاسة اني مصدومة فيه عشان انا مش بعمل حاجة تضايقه وباجي على نفسي عشانوا كثير جدا. محتاجة رأي حضراتكم في موضوعي عشان تعبني نفسيا جدا وهل هو شخص يستاهلني رغم النزوات دي ولا محتاجة انتي الموضوع من عندي؟

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%

إن الارتباط بين الحبيبن يجب أن يكون ارتباط وثيق وقوي واي خلل يشوب هذه العلاقة قد يترك أثر سلبي في داخل احد الاطراف وقد يكسر قوة العلاقة وقد لا ترجع بنفس ما كانت عليه العلاقة، لذلك يجب عليكِ أنتي أن تعطيه فرصة لاصلاح نفسه وسلوكه وتصرفاته وفي حال اخطأ مره اخرى اخبريه لن تعود العلاقة بينكم لأنه يعطي مؤشر على انه يستطيع أن يستغني عنك وعن علاقتكم التي دامت سنوات ولهذا لابد ان يشعر بجديتك بما تتحدثي لأن الاستهتار بحضرتك وبمشاعرك قد يصل لطريق مسدود بشكل نهائي وكذلك يجب ان تنتبهي لمستقبلك بهدف تحقيقه بشكل صحيح وسليم.

الرد من العميل

طيب ازاي اقدر ارجع الثقة تاني وازاي اعرف ان الشخص دا هو المناسب لحياتي عشان طريقته وكلامه ليا وتمسكه ليا رغم اني قولتله انه حيخسرني كان واضح جدا من نحيته وقال لي اني مش حسيبك ومش محتاج وقت افكر في دا. ف انا متلخبطة جدا بسبب كل دا.

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%

إن عوة الثقة تحتاج لوقت ولسلوك حسن يظهر منه وكذلك يمكنك الاستدلال انه المناسب من عدمه من خلال سعية لتحقيق النجاح لمستقبله والنجاح في التمسك بحضرتك وان تلمسي التغيير الحقيقي في سلوكه واخلاقة وكلامه ونجاحاته وعندها يمكنك أن تعيشي باجمل لحظات الثقة والاختيار المناسب أم ان تستمعي للكلام دون وجود أي فعل فهذا غير مقبول.

الرد من العميل

السلام عليكم يا دكتور، حصلت تطورات جديدة وكنت عايزة اخد رأي حضرتك فيها، حصل مشاكل في بيته وفي عز المشاكل دي للأسف اكتشفت حاجات اكتر كان مخبيها عني، زي انه كان بيكلم نفس البنت بس المره دي كان بيقولها كلام حب وكلام انا وهو بنقولوا مع بعض لي علاقة بالحب وانه بيحبني واني عنده حاجة كبيرة جدا. وكنت مصدومة من اللي حصل وبرغم كل دا انا واجهته. حصلوا مشاكل في البيت في نفس اليوم قبل ما اعرف كل دا وكلمني وهو بيعيط وكان صوته تعبان ومضايق جدا وفضل يقولي انا مش عايز غيرك و عايز بس اتعامل معاكي وصعب عليا وقلت اني حنسى اي حاجة عشان بس اقف جمبو. لحد ما شفت اللي شفته وواجهته رغم الظروف اللي عنده وقعدت الومه على كل حاجة وكان طبعا بيبرر كل دا وملام كتير من دا بس اعتذرلي وقال لي انه الفترة اللي فاتت مكنش عارف هو بيعمل ايه في حياته وبوظ كل حاجة كويسة وقولتله لو هو عايز يكمل معايا حيعمل الشروط اللي حقول عليها انه يقطع مع الشخص دا واللي حيجمع بينهم كلية ودراسة و بس وقال لي في الاخر انه اسف جدا على اي شيء صدر منه وانه بيحبني والكلام دا. النهاردة شفته وكان شكله تعبان جدا وباين عليه التعب وان نفسيته وحشة جدا وكنا بنتكلم وقعد يعتذرلي كثير ويبرر اللي صدر منه وكان حيعيط وقالي انه مش عايز يخسرني. اتكلمت معاه بهداوة جدا ووعدني انه حيتغير في كل دا وانه هيا بس فترة وحشة عليه وعمل فيها حاجات غلط كتير. صعب عليا عشان حاله وغيرنا الموضوع. بس انا لسا شايله جدا منه وكل شوية افتكر اللي شوفته ومش قادرة اصدق حاجة بيقولهالي بسبب كسر الثقة اللي عملها معايا . نفسيتي تعبانه جدا ومتلغبطة دلوقتي اكتر من الاول وحاسة اني مش عارفة اتصرف خالص. ملحوظة بس هو كان بيتعالج نفسيا عشان عنده وسواس قهري بس بقاله فترة مبطل انه يروح للlife coach اللي كان بيروح يتكلم معاه. اتمنى من حضرتك المساعدة.

الرد من العميل

دكتور كنت محتاجة حضرتك تشخص حالتي عشان انا بقيت بتعب نفسيا جدا بسببو وبسبب الحاجات اللي بيعملها عشان متعلقة ليه جدا ومش عارفة. بفكر كتير جدا في اي حاجة بيعملها من قبل حتى ما كل دا يحصل. وبيبقى دائما عندي الخوف بتاع انه يسبني في يوم من الايام. الحاجات والمشاكل الكبيرة اللي زي دي لما بتحصل مش بعيط فيها كتير قد ما بعيط على حاجات متستهلش. بحس اني من كتر الصدمة مثلا من حاجة طلعت منه مش بعرف اعيط ولو عيط بيبقى مش كتير بس يبقى مخنوقة جدا وبفكر كتير مش بعرف انتم مش بيكون ليا نفس اكل او اشرب.

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%

أنا اخبرتك بضرورة ان تتعاملي معه بشكل عقلاني ومنطقي وليس عاطفي لانه لم يدع للعاطفة اثر بينكم ولهذا لابد منك أن تحددي معه العلاقة بمحددات كما وضحت لك وان لا تتركي العلاقة كما كنت بالسابق وان تتابعيه بمدى التزامه بحبك والعمل من اجل الارتباط بحضرتك وانتي ايضا اعملي على اشغال وقتك وعدم الجلوس لوحدك والتفكير به وبموضوعاته وتجاربتك معه وكذلك فكري بمسقتبلك وكيفية تحقيق طموحاتك التي ترغبيها والتي تحبيها من اجل ان يبقى تطلعك لمستقبلك.

الرد من العميل

مساء الخير يا دكتور، في تطورات جديدة حصلت. للاسف مشكلة اللي عنده من ناحية اهله مش بتتصلح وبتبوظ اكتر وهو نفسيته مش احسن حاجة واحتمال يستقل ويأجر شقة يقعد فيها بسبب انهم مش عايزينوا خلاص ومشاكل كبيرة صعب حلها. للأسف المشاكل دي حاصلة مع عدم ثقتي فيه من اللي حصل وكل شوية افتح نفس الموضوع وبرغم نفسيته وكده بيفضل يقولي انه انا عملت كده عشان ليا زمائل في الكلية وكلام كثير من دا وبينتهي الموضوع ب ان خلاص هو زهق من كتر الكلام واني بقوله اني منستش ومستنية انه يثبتلي عكس اللي شفته ف يفضل يقولي انه خلاص انا بدأت اعمل كده وكلو حد فيهم كلمني حقولك وكفاية الموضوع دا وان نفسيته زي الزفت ومش قادر اصلا يتعامل مع حد عشان يتعامل مع البنات دي وكده. بعد ما بيخلص الموضوع والكلام دا بيفضل لسا الشك فيا لما يبقى فاتح واتس او حاجة بفضل اسأله بتكلم مين او كده غصب عني ف هو يفضل يتعصب ويقولي خلاص مش كل شوية تسألي انا مش عيل صغير وانا خلاص اديتك كلمة. امبارح بليل كان فاتح وكنت بكلمو مش بيرد عليا خالص ف يعني قعدت اقولو بتعمل ايه وكده ف بعتلي فويس وهو بيزعق وبيقولي ابويا يا سارة عايز يعملي مشاكل كبيرة وبيزعق جدا وقالي نامي متكلمنيش تاني ونامي وكده بزعيق جامد. انا مش عارفة اتصرف يا دكتور خالص . كانت دائما بتحصل مشاكل مع اهله وكنا بنعديها سوا بس المختلف المرة دي ان هو عمل حاجات ضايقتني جدا مش قادرة اقف جمبو زي ما بعمل كل مرة بحب وكده. ممكن حضرتك تقولي اعمل ايه ، ايه المطلوب مني اعملوا ازاي اتصرف وازاي اتعامل عندي خوف اني او اتعاملت كويس معاه زي الاول ينسى انه عمل اللي عمله وكأني مخدتش موقف منه وكأن محصلش حاجة وكده . وفي نفس الوقت مش قادرة اتعامل زي الاول لسا فاكرة كل حاجة كأنها لسا حاصلة من شوية . اعمل ايه يا دكتور انا نفسيتي تعبانه حاسة انه مفيش امل؟

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%

إن الطريقة الصحيحة التي يجب ان تتعاملي معه بها هي أن تبتعدي قليلاً وان لا تتدخلي في مشاكله مع أهله لطالما انه لا يريد أن تتدخلي وهكذا هو إن اردك سيرجع ويتواصل معك ويتقرب منك وإن لم يريد فهو من طلب منك أن لا تتحدثي معه ولابد من حضرتك أن لا تبقى تسأليه مطلقاً مع من تتكلم ومع من تتحدث والخ لأن الأمر يستفز ويخرج عن اطار الاهتمام بالحب والحبيب وقد يصل لدرجة الشك وقد يشعر بذلك هو ولذا لابد من تغيير طريقة الحديث معه وان تفتحي معه بداية جديدة بقلب صافي وعقل وذهن غير مشتت بكل الماضي بل منطلق نحو مستقبل افضل.

الرد من العميل

مساء الخير يا دكتور، كنت عايزة اخد رأي حضرتك في اخر تطورات حصلت معايا ، الدنيا احسن كتير يا دكتور الحمدلله، هو اتصالح مع اهله ورجع البيت الحمدلله بعد معاناه كبيرة بس اهله الحمدلله اعترفو انهم مقصرين في حقه وصلحوه الحمدلله وكله عنده بقى تمام، بس هو طبعا لسا عنده مشاكل نفسية زي ما قلت لحضرتك كان بيتعالج نفسيا بقاله ٤ سنين او حاجة. المهم دلوقتي المشكلة هيا فيا انا ، الموضوع الاساسي بالنسبة لي هو اللي شفته عليه في مواضيع البنات واني مش قادرة ارجع زي الاول ومش عارفة ازاي اتصرف معاه ولما جيت افتح معاه الموضوع اتعصب وقالي انا اعتذرت ووعدتك وايه المطلوب مني اعملوا اكتر من كده واتعصب جامد فضل يقولي انتي محسساني اني خاين ومع ذالك اعتذرت بس انتي بتحبي تتكلمي كتير اوي والموضوع عدا عليه اسبوعين وانتي لسا بتفكري فيه وبرضو انا فيا الا مكفيني وفضل يقولي كلام من دا كتير اوي وانا كنت بشرحله نفسي اني ايه كده وليه بعمل كده. المشكلة يا دكتور اني مش عارفه انسى مع اني شخص بينسى بسرعة بس الموضوع دا اثر فيا اكتر حاجة وتعبلي نفسيتي جامد اخر فترة. ف انا المفروض اتصرف ازاي دلوقتي ايه اللي المفروض اعملوا معاه و مع نفسي عشان انسى الموضوع دا واعتبره ماضي خلاص واسامح. غير كل دا اني مش مستعدة اروح الكلية بعد الاجازة عشان هو معايا في الكلية والبنات معاه وبتوتر جدا لمًا بشوفهم عموما عشان دائما بيبصولي وحش اوي وانا اصلا معرفهمش. ولو شفتو واقف معاهم حتى لو في اطار الكلية حضايق جدا. خايفة اواجه بصراحة يا دكتور وخايفة يكون بيضحك عليا وبيقولي انه حيبطل وهو بس عشان خايف يخسرني ف بيقولي كده. مش عارفة اعمل ايه يا دكتور ومش عارفة ازاي لما ارجع الكلية اواجه البنات دي ويبقى عندي ثقة في نفسي كده.

إجابة الخبير: سعيد نبهان

سعيد نبهان

سعيد نبهان

اخصائي نفسي

الأسئلة المجابة 9664 | نسبة الرضا 98%

لابد من حضرتك أن تبتعد عن الشكك به وأن تواجهي نفسك وان لا تهتمي لنظرات احد وان تتقربي منه وتبقى كما كنتي وان تطلبي منه لو وقف مع احد من هؤلاء الفتيات ان لا يقف معهن حتى لا تنزعجي منه وعليكِ ان تهتمي به وان تراعي نفسيته وان لا تفتحي معه هذا الموضوع وان تهتمي بدراستك ومستقبلك وان لا تجلسي لوحدك حتى لا تبقى تفكري بهذه الموضوعات وهذا ما يزيدك تعب وارهاق ويجعل الافكار السلبية تسيطر عليكِ ولهذا فكري بكل شيء جميل بينكم وفكري بالنظر للجانب الايجابي بمستقبلك.

الرد من العميل

مساء الخير يا دكتور اتمنى تكون فاكرني. انا المشاكل بالنسبة لي بتزيد مش بتقل وبيزيد معاها تعبي النفسي جدا وبدئ يأثر عليا في طريقة تعاملي مع اهلي واصحابي وكل دا. بعد اخر حاجة حكيتها لحضرتك كل حاجة ضبطت وهو ادرك الاذى النفسي الي سببهولي وبدئ يحسن من نفسه كثير وكان تغيير واضح. وكان كل حاجة تمام وحتى مبقتش اشوفو واقف مع البنات اللي سببولنا مشاكل وكده. لحد يوم الاربع اللي فات اكتشفت انه عامل اي اني مشفش الحاجات اللي بينزلها على فيسبوك او كده وواجهته لما عرفت وقال لي انه اسف وانه بيحاول يتفادى طريقتي من ناحية اني ممكن اعلق مثلا على فيديو نزلوا او كده اقولوا دا كان امتى والكلام دا كله. ف انا كنت بكلمه بكل هداوة عادي وقولتله ان دي حاجة بضايقك قولي وانا حبطلها بس عيب اعرف كده من نفسي وكده . بعد كده لقيتو اتغير معايا ولقيتو مش بيرد عليا ولما رد قالي انه محتاج بريك لمدة سنة لحد ما يجي يكلم اهلي وكل حاجة لينا تبقى رسمي لأنه او كمل كده معايا حيخسرني وانا حكره وكلام مش مفهوم . وقالي كمان انه كده بيضلمني معاه وبيضلم نفسه وقالي انه والله موضوع انو يكلم اهلي دا الموضوع الوحيد اللي حيسعى عشانه الفترة الجاية وان دا وعد بيني وبينك عشان انا بحبك وعمري ما حجب حد زي ما حبيتك ف احنا صحاب قريبين بنشوف بعض عادي وبنسلم على بعض وكأن مفيش حاجة اتغيرت بس عشان محتاج فترة مع نفسه. ف انا رفضت طبعا اني اخد البريك دا عشان انا مقدرش استغنى عنه ابدا وان في حلول كثيرة وساعتها بعتلوا وكنت بعيط. لقيتو بعتلي متأخر بليل انه بيحبني ومش قادر يستغنى عني ومش عارف هو بيعمل معايا كده ليه وانو كان شارب وندمان على كل حاجة عملها معايا ف جا وقالي الكلام دا بس هو مش قده ومش حيقدر يبعد عني يوم وانه ايه بحبه كل دا وهو اصلا يعتبر شخص وحش وكل الكلام دا . انا كان رد فعلي ان انا مش لعبة وعيب اللي بيحصل دا ان الصبح كلام ودلوقتي كلام ومش عارفة احنا المفروض نعمل ايه وكده. واحد تاني يوم الصبح كان بيقولي انه مش حيقدر يستغنى عني ف رديت عليه قولتله انا كمان. من ساعتها اختفى مردش ولا كلمني اصلا و بعتلوا قولتله اني مش موافقة على البريك ولازم نشوف حل تاني وكان بيتهرب من الرد لحد ما قولتله عيب انك متهتمش ب حاجة مهمة زي دي قالي انه محتاج فترة كبيرة مع نفسه وبعدين قالي انه قالي كل حاجة عايزها خلاص ومعندوش الحيل انه يعاتب ويتعاتب وانه مش قادر يتعامل وانه على وعده ليا وخلاص. ومن ساعتها قطعنا ولما بيشوفني حتى مش بيجي يسلم عليا ولا في اي كلام بينا ولا سلام ولا اي حاجة. انا اصلا معرفش موقفنا ايه دا بريك ولا احنا سبنا بعض ومش عارفة ايه اللي المفروض يتعمل. بشوفو في الكلية بيقف مع البنات وبيتطاول معاهم ساعات ومره شد واحدة من ايدها قدامي ودائما لما يشفوني يبصولي ويستفزوني ويفضلوا يضحكوا وبيلعب ب نفسيتي وحاسة ان وجودي اتلغى مش عارفة ازاي اتعامل وازاي انساه ولما اخدت رأي صاحبه قالي انه عايزة يعيش حياته و شبابه بس في الاخر يجي يتجوزك انتي . ف انا محتاجة مساعدة عشان انا محتاجة يعرف اني لو اتقفلت منه مش حرجع ابدا مهما حصل نفسي افهم احنا ايه دلوقتي وهل اكلموا تاني ولا اعمل ايه ؟ اتمنى يا دكتور تساعدني انا نفسيتي تعبانه جدا جدا

إجابة الخبير: مها سرور

مها سرور

مها سرور

خبيرة العلاقات العاطفية

الأسئلة المجابة 27615 | نسبة الرضا 97.8%

لا يوجد إنسان يحب إنسان ويطلب منه بريك سنة كاملة هو فقط يريد أن يبتعد عنك وبنفس الوقت يضمن وجودك بحياته عندما يحتاج ذلك ودون أي إلتزام منه.
ومن الطبيعي لا يوجد أي فتاة تقبل على نفسها مثل هذا الوضع لأنه غير مقبول على جميع الصعد أساسا .
الأفضل بأن تقفلي وتبتعدي عنه وبشكل نهائي لعدم وجود أمل منه .

إسأل خبيرة العلاقات العاطفية

مها سرور

مها سرور

خبيرة العلاقات العاطفية

الأسئلة المجابة 27615 | نسبة الرضا 98%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار

أحصل علي إجابات سريعة من الخبراء في أي وقت!

أضف إلى Chrome و أحصل علي إجابة الخبراء مجاني!