إسأل دكتورة نفسية الآن
عاليا احمد
دكتورة نفسية
الأسئلة المجابة 47975 | نسبة الرضا 98.1%
الزواج و الإرشاد الأسري
سلام عليكم بعد اذن حضرتك كان عندي استفسار . هو...
سلام عليكم بعد اذن حضرتك كان عندي استفسار . هو موضوع الي حد ما معقد شويه و ارجو من حضرتك تقرأ مشكلتي بصدر رحب حضرتك انا كنت متزوج زواج صالونات عادي من طرف واحد صديق ليا في الجامعه . و زوجته تبقي صديقه زوجتي . و المفروض انها و اهلها متدينيين جدا . اتعاملت معاها خلال فترة زواجي بما يرضي الله و مقصرتش في حقها في أي حاجه . بس هيا كانت دايما بتشتكي لاهلها و لاصحابها بحاجات مش موجوده فيا ولا ف بيتنا و لما عرفت وواجهتها كانت بتقولي عشان محدش يحسدنا . و اكتر من مره وضحتلها ان دي حاجه بتإذيني ووعدتني انها مش هتعملها تاني بس بقت تعملها من ورايا اهلها انا شوفت منهم أذي كتير و كنت مستحمل اذاهم عشان خاطر زوجتي . و ف مره صديقتها اللي هيا تبقي زوجه صديقي غضبت بسبب سوء معامله صديقي ليها . و كانت دايما يتتصل بزوجتي و تشتكي لها علي معاملته معاها . و عرفت منها انه كان بيخوض ف عرض زوجتي . كتير و بيخوض ف عرضي و كان بييجي يزورنا ف اابيت عادي و يضحك معايا ولا كأن اي حاجه حصلت و الكلام ده عرفته من زوجته لما سابت البيت و غضبت و اتأكد من الكلام ده بنفسي و سمعته بودني . وقتها انا كنت بمر بفتره نفسيتي مكنتش مظبوطه عشان كانت امي لسه متوفيه بعد سنه و نص اصابه بالسرطان و عانيت معاها في رعايتها . و لما عرفت اللي حصل من صديقي ده سعيت اني ااذيه في بيته زي ما اذاني و خاض ف عرضي و فعلا وسعت الفجوه بينه و بين زوجته شويه . و زودت الخلاف بينهم . من غير ما يعرف حاجه . زوجه صاحبي بعدها بدأت تثق فيا جدا و ف رأيي . و بعدها من ورا زوجتي قالتلي حاجات زوجتي بتقولها عليا و من ضمنها اسرار مينفعش تطلع نهائي و كانت بتتكلم عن علاقتنا الزوجيه بالسوء و كانت بتعيب فيا و بتقول حاجات مش فيا و عرفت كمان ان زوجتي اتكلمت عن والدتي بكل سوء و حاجات تانيه كتير . و بطريقه مباشره عملت مواجهه بين زوجتي و زوجة صديقي . و فعلا زوجتي اعترفت و قالت انها قالت عليا كده و قالت انها عارفه انها غلطت و عاوزه نفتح صفحه جديده .طبعا انا وقتها مقدرتش افتح معاه صفح جديده لان انا استحملت اذاها كتير و اذي اهلها لسنيين و مكنتش برد الاذي بأذي و كنت قافل بابي علي نفسي . بس بعد اللي عرفته من زوجتي و اللي قالته عليا و عرفت اللي صاحبي قاله عليا قررت وقتها انتقم منهم كلهم و للاسف الغضب عماني و حصل تجاوزات بيني و بين زوجة صديقي دى و كنت بسيب لزوجتي دليل انها تعرف عشان اجرحها بس كانت تجاوزات في شات مش في الحقيقه . زوجتي لما اتأكدت من الكلام اللي في الشات سابت البيت و غضبت. و راحت لاهلها و روحت بيت اهلها عشان احاول احل المشكله هددوني اني لو مطلقتهاش هيفضحوا زوجة صديقي و هيقولوا انها علي علاقه بيا . انا طبعا قولتلهم ان التجاوزات كانت شات بس و الغرض منها كان ايه بس هما صمموا . انا خوفت علي سمعه زوجة صديقي لان مكنتش حابب الامور توصل لانها تتفضح . و فعلا طلقت عشان بيتها ميتخربش و اكتفيت بإن بيتي انا اللي يتخرب . و كان الاتفاق اني هطلق بالمعروف و كل واحد فينا من طريق . بعد ما طلقت لقيت فيضان مشاكل و فضايح حصل و اتهموني بالزنا في زوجة صاحبي و راحوا لصاحبي و قالوله اني زنيت في زوجته و انهم معاهم ادله كتير بس مش عاوزين يخرجوها . و فضحوني عند اهلي ووسط اصحابي و اتهموها بالزنا وسط اهلها و اهل زوجها اللي هو صاحبي ده غير محاولتهم لسرقه العفش مم غير ما يدوني القايمه و قضايا ف المحكمه و حاجات كتير . انا اكتفيت بإني اسكت و احط.حد للمشاكل و مردش ولا اخد أي ردود فعلا و قولت كفايه اللي حصل .و الكلام وصل لصاحبس و هددني بحاجات كتير بس ف الاخر معملش حاجه و مرضيش يطلق مراته و اهل طليقتي فضلوا يضغطوا عليه عشان يطلقها بس هو مرضيش . و طليقتي نفسها بقت ترشدهم و تدلهم يأذوني ازاي . و حاولوا يستغلوا ابني بكل الطرق انهم يساوموني بيه اني ادفع نفقه كبير يا اما مش هشوفه و لما رفضت المساومه دي بالفعل مخلونيش اشوفه و دلوقتي بقالي سنه مش بشوفه . و دلوقتي حضرتك طليقتي كلمتني و فضلت تعاتب فيا و كان كلامها انها بتطلب اننا نرجع بطريقه غير مباشره و كانت بتقولي اد ايه هي تعبانه.طبعا كل اللي وقفوا جنبي ضد اهلها رافضين رجوعي ليها تماما بعد اللي شافوه من اهلها و اللي عملوه معايا لان اهلها استغلوا اني لوحدي و ان والدي ووالدتي متوفيين و اهلي مش بيسألوا عني بسبب مشاكل ورث و كانوا مستقويين عليا . و دلوقتي اخويا و اصحابي اللي وقفوا جنبي قالولي لو رجعت مش هنقف جنبك ف اي مشكله تانيه هتحصل . و طليقتي عاوزه ترجع بس عاوزه انا اللي اطلبها من اهلها تاني . و اهلها بيسعوا انهم يتواصلوا معايا و يقعدوا معايا يس انا رافض لان ملهومش كلمه .فانا دلوقتي مش عارف انا المفروض اني ارجع ولا مرجعش ولا هيا غلطت و انا غلطت و دي قصاد دي و خلاص بس الفكره اننا مبقيناش واثقين ف بعض ولا اهلها واثقين فيا ولا انا واثق فيهم . بعتذر جدا جدا علي الاطاله علي حضرتك
مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟
لا
إطرح سؤالك
إجابة الخبير: عاليا احمد
عاليا احمد
دكتورة نفسية
الأسئلة المجابة 47975 | نسبة الرضا 98.1%
من بداية اارساله وهناك اخطاء كبيره تحدث وللاسف ان الخطأ يتم الرد عليه بخطأ اكبر ، فعندما علمت ان صديقك يخطئ بحقك ويتحدث عنك بدلا من حل المشكله او مواجهته او حتي الابتعاد عنه قمت بالانتقام منه وايذائه في علاقته بزوجته ، ويجب ان تعلم ان الانتقام لا يؤذي الا صاحبه ، فهو مازال مع زوجته حتي بعد ماحدث لان هذا هو الطبيعي، ان يتم مناقشة المشكلات وحلها بين الزوجين والافضل عدم تدخل اي اطراف اخرى حتى لا تزداد المشكله
ثانيا عندما علمت ان زوجتك تتحدث عنك من صديقتها اولا هي ليست صديقه فهي تفضح صديقتها وتخونها مع زوجها فكيف تثق بها وكان الافضل ان ترجع لزوجتك وتحل مشاكلك معها وتمنعها من التحدث مع اي شخص عن حياتكم وحتى لو بها عيوب تواجهك انت مباشرة لان حتى الحديث عن العلاقه الزوجيه غير الخطأ فهناك حرمانية في ذلك
وبعدها سعيت للانتقام مره اخرى وكما رايت لم ياتي من الانتقام اي شئ غير خراب البيوت
وللاسف ان ما حدث من الاهل بعدها ابشع لانهم ايضا سعوا للانتقام في وقت الغضب والان بعد ان انتهى كل شئ ولانك احسنت في عدم الرد نهائيا على اي اساءه فان الامور بدات تستقيم
لكن الامر الان بيدك فلو انك تحب زوجتك وتريدها فيجب ان تعود ولكن يجب ان تتفقا وتحذرها من عدم تدخل الاهل مهائيا بينكم ، وعدم البوح باسرار بيتكم لاي شخص مهما كان وان تعود اليك في اي شئ لا تشعر فيه بالراحه فانت الزوج والصديق والحبيب ولا تثقوا ثقه مطلقه في اي شخص مهما كان فان كنت تثق بنفسك فتاكد ان الاخرين ليسوا مثلك ابدا
واذا رجعتم فلا تدخل من الاهل وهي تخبرهم انها ستعود اليك برغبتها وطبعا تاخذها من بيت اهلها احتراما لعلاقتكم فقط ولكن تشترط اعليهم عدم التدخل نهائيا بينكم وان كرامة زوجتك وحقها هي كرامتك ايضا وانها بامان معك
وتخبر اصدقاءك واخيك انك ستعود من اجل حياتك واسرتك وابنك وانهم لو اصدقائك حقا سيكونون الي جوارك داءما ويتمنون لك الخير وان الخطا الذي حدث ستحرص علي ان لا يحدث مره اخرى ، ولكن علم الغيب ليس بيديك فمن حقك ان تحاول انقاذ اسرتك فربما ماحدث يعيد علافتكم الي الافضل وتجد السعاده معها
اما اذا كنت لا تستطيع ان تثق بها نهائيا فالافضل الاتفاق علي ان تكون العلاقه بينكم جيده من اجل ابنكم فقط
يمكنك تحميل تطبيق جواب لمتابعة استفسارك مباشرة مع الخبير ،كما يمكنك التواصل مع خبراء مختصين في أكثر من ١٦ مجال بالإضافة إلى مواضيع أخرى يومية من خلال الضغط على هذا الرابط
تحميل تطبيق جواب
ثانيا عندما علمت ان زوجتك تتحدث عنك من صديقتها اولا هي ليست صديقه فهي تفضح صديقتها وتخونها مع زوجها فكيف تثق بها وكان الافضل ان ترجع لزوجتك وتحل مشاكلك معها وتمنعها من التحدث مع اي شخص عن حياتكم وحتى لو بها عيوب تواجهك انت مباشرة لان حتى الحديث عن العلاقه الزوجيه غير الخطأ فهناك حرمانية في ذلك
وبعدها سعيت للانتقام مره اخرى وكما رايت لم ياتي من الانتقام اي شئ غير خراب البيوت
وللاسف ان ما حدث من الاهل بعدها ابشع لانهم ايضا سعوا للانتقام في وقت الغضب والان بعد ان انتهى كل شئ ولانك احسنت في عدم الرد نهائيا على اي اساءه فان الامور بدات تستقيم
لكن الامر الان بيدك فلو انك تحب زوجتك وتريدها فيجب ان تعود ولكن يجب ان تتفقا وتحذرها من عدم تدخل الاهل مهائيا بينكم ، وعدم البوح باسرار بيتكم لاي شخص مهما كان وان تعود اليك في اي شئ لا تشعر فيه بالراحه فانت الزوج والصديق والحبيب ولا تثقوا ثقه مطلقه في اي شخص مهما كان فان كنت تثق بنفسك فتاكد ان الاخرين ليسوا مثلك ابدا
واذا رجعتم فلا تدخل من الاهل وهي تخبرهم انها ستعود اليك برغبتها وطبعا تاخذها من بيت اهلها احتراما لعلاقتكم فقط ولكن تشترط اعليهم عدم التدخل نهائيا بينكم وان كرامة زوجتك وحقها هي كرامتك ايضا وانها بامان معك
وتخبر اصدقاءك واخيك انك ستعود من اجل حياتك واسرتك وابنك وانهم لو اصدقائك حقا سيكونون الي جوارك داءما ويتمنون لك الخير وان الخطا الذي حدث ستحرص علي ان لا يحدث مره اخرى ، ولكن علم الغيب ليس بيديك فمن حقك ان تحاول انقاذ اسرتك فربما ماحدث يعيد علافتكم الي الافضل وتجد السعاده معها
اما اذا كنت لا تستطيع ان تثق بها نهائيا فالافضل الاتفاق علي ان تكون العلاقه بينكم جيده من اجل ابنكم فقط
يمكنك تحميل تطبيق جواب لمتابعة استفسارك مباشرة مع الخبير ،كما يمكنك التواصل مع خبراء مختصين في أكثر من ١٦ مجال بالإضافة إلى مواضيع أخرى يومية من خلال الضغط على هذا الرابط
تحميل تطبيق جواب
إسأل دكتورة نفسية
عاليا احمد
دكتورة نفسية
الأسئلة المجابة 47975 | نسبة الرضا 98.1%
- 100% ضمان الرضا
- انضم الى 8 مليون من العملاء الراضين
المحادثات تتم ضمن هذه البنود
