مراتي غضبت عند اهلها بسبب ان والدى قالها انزلي كلي...

مراتي غضبت عند اهلها بسبب ان والدى قالها انزلي كلي معانا يابنتي انزلي وهي مرضيتش تنزل ف بعدها بيوم بيسالها يابنتي منزلتيش ليه كنتي انزلي كلي معانا ردت وقالت انت زعقتلي وانا ابويا مبيزعقليش ابويا ادايق ونزل بقولها انزلي قوليله مقصدش حاجة بس عشان الموضوع يعدي ومنكبرش الموضوع قالتلي لا ووديني عند اهلي راحت قالت كل اسرار بتحصل في البيت من مشاكل وكل حاجة روحت لابوها في نفس اليوم قالي ولا حد يكلمها وهي لو عاوزة تنزل تقعد معاهم تنزل وانا كدة كدة مش بجبرها تنزل بس بطلب منها ومش بترضي فبزعل روحت لحمايا تاني يوم يا عمي خليها ترجع معايا انا قولت لابويا ولا حد هيرن عليها ولا حد هيزعجها خالص قالي هشوفها بعد كدة حماتي اتصلت بيا وقالتلي لا ابوك ييجي عشان فيه شروط هتتحط جديدة قلتلها بلاش عشان الموضوع ميكبرش ولا حد يتكلم كلمة تدايقه انا ابويا نفسه عزيزة عليه بزيادة كلمت ابويا قلتله يابويا نروح قالي عنيا وابويا كلم حمايا قاله هنقعد نتكلم انا وانت بس وبمعني عام كدة مراتك متتدخلش في الكلام قاله تمام وبالفعل روحنا راح قاله والله ما زعقتلها وبعاملها زي بنتي وادام دة اللي هيرضيها انا ولا هتكلم معاها عاوزة ترمي السلام هرد مرمتش براحتها راحت حماتي اتدخلت في الكلام وقالت لابويا انت كدة عاوز تخرب البيت قال لحمايا انا قلتلك انا بكلمك انت بس راحت قالتهالو تاني وحمايا قالي بنتي مش هترجع ابويا رد دة اخر كلامك قاله اه قومنا ومشينا راحو علي البيت ولمة شنطة هدومها فدخلت بكلم مراتي هتسيبيني راحت حماتي قالتلي انت مش راجل قلتلها شكرا مش هرد عليكي فبتقولي هات مفتاح الشقة قلتلها لا دى شقتي قالتلي عشان هاجي الم حاجت بنتي ومش مدياكو امان قلتلها بلاش الكلام دة خلي في ود قالتلي لا هو مفيش ود خلاص وفضلت تزعق ابوك خرب البيت ابويا طلع علي الصوت قال لحمايا بعد اذنك الصوت بس يوطي شوية عشان الناس مبتسمعش صوتنا راحو قعدو يزعقو لا دة بيتنا ومراتي تقولي انا ال عملتك انت مكانش معاك حاجة انا اللي موضبة الشقة بفلوسي مع ان احنا كنا شركاء في مشروع سوا راح ابويا قعد يقولهم احترمو نفسكو روحت انا مغمي عليا ووقعت في الارض ابويا من الخضة عليا قالهم اطلعو برا ينعل ميتين اليوم اللي دخلتي في البيت مع انها عمرها ما غسلت كوباية في البيت عند ابويا حتي امي كانت ايديها مكسورة عمرها ما نزلت ساعدتها عارف انه مش فرض عليها بس حتي زوقيا وهي تعبت من اسبوعين امي طلعت غسلتلها المواعين وكانت عاوزة تغسلها الغسيل دلوقتي هي عند اهلها مش عارف اعمل اي ياريت تقولي هل اطلقها ولا اعمل اي