سلام عليكم ... عندي مشكلة .. انا متزوج وعايش في...

سلام عليكم ... عندي مشكلة .. انا متزوج وعايش في الخليج من 15 سنة وعندي ولد وبنت 9 , 7 سنين ومن اول ما تزوجت وزوجتي واولادي عايشين معايا وكنا بننزل اجازات كل سنة ولكن عملي من سنتين انتقل الى امارة اخرى غير ال كنت عايش فيها من اول جوازي وزوجتي من اول ما تنقل شغلي والاولاد بقى عندهم الدراسة اون لاين لظروف االكورنا والمشاكل كترت بينا جدا وفضلت انها تسبني وتنزل مصر من العام الماضي وانا الوضع ده لاقيته صعب عليا جدا اني اعيش لوحدي والادي بعيد عني وهي رافضه انها ترجع الا لما اخد سكن في الاماره ال كنت شغال فيها الاول وانا رافض لان الاماره دي بعيده جدا عن مكان شغلي وهي رافضه تماما فكرة الرجوع ع نفس الاماره ال مكان شغلي فيها بالرغم اني غيرت سكني فيها علشان تبقى في وسط البلد زي ما كانت عاوزه ورافضه حتى لو الموضوع وصل للطلاق وانا متاثر جدا نفسيا اني انا مش فارق معاها للدرجه دي ، وانا بنزل مثلا 10 ايام كل ما تسنح لي فرصه من العمل و قبل ثلاث شهور من اخر اجازه لي قد اختلفنا بسبب عدم سماحي لها باخذ الاولاد والذهاب الى فرح بصحبة امها وابيها وتاثرت نفسيا جدا وانقطعت كل الاتصالات بينا وقبل نزولي الاجازه الاخيره تصالحت معها لكي اتمم اجازتي في راحه وعند نزولي اكتشفت انها عند ذهابها لمصيف بصحبه امها لم تلبس حجابها ولم تخبرني بذلك كما انها ايضا ذهبت الى مقابلة عمل في احد البنوك وتواصلت مع الواسطه وهو رجل عبر الواتس اب وارسلت له صورة لها لكي يضعها بالسي في وكل ذلك علمته بالصدفه وحين واجهتها بكل ذلك اعتذرت لي وقالت اننا في ذلك الوقت مش بنتكلم مع بعض فخشيت من غضبي وهي تعلم ان ذلك الامور تزعجني كثيرا وتعهدت لي منذ ذلك الحين بمصارحتي بكل شيء حتى لو ذلك اغضبني وغيرت رقم هاتفها لارضائي ولكني بعد ذهابي للخليج ثارت في نفسي شكوك كثرة جدا وظللت ارقبها عن طريق مواقع التواصل الاجتماعي في اي وقت اون لاين واسائلها مع من تتحدث وما الى ذلك ولكني نفسيا غير متزن بالمره فما الحل لاتخلص من كل ذلك ؟؟