دكتور احمد صالح

الرد من العميل

مساء الخير يا دكتور.... انا حكايتي طويلة شوية... انا اسمي ميرنا عندي ١٩ سنة من مصر و اتولدت ف الامارات و عايشة حاليا ف الامارات.... عايشة مع ماما و بابا و اخواتي الاولاد الاثنين عايشين ف شقة في عمارة عادي و لكن لظروف مادية احنا بنأجر اوضتين للناس عشان فلوس الايجار تساعد في سداد ايجار الشقة ككل بسبب الحاجة دي انا و اخواتي الاولاد بنام ف الصالة كل واحد طبعا على سرير و ماما و بابا بيناموا في اوضتهم عادي(الشقة عبارة عن ٣ اوض و صالة).... زي ما قولت لحضرتك انا عندي ١٩ سنة و هتم ال ٢٠ قريب ف انا مبقتش مرتاحة نفسيا هنا في الدولة بسبب ان مفيش اوضة ليا كبنت و مفيش خصوصية يعني و عايزة ارجع مصر و اعيش هناك و اكمل دراستي الجامعية هنا...ولكن ماما رافضة بسبب خوفها عليا مع اننا هيجي اليوم اللي و هننزل فيه مصر للابد بس انا مبقتش قادرة استحمل و مبقتش مرتاحة.... مع العلم ان اخواتي الكبار محدش متجوز منهم... سؤالي هو ساعديني اقنع ماما و بابا ازاي اني محتاجة اعيش حياتي انا حياتي اللي اختارها انا محدش يخترهالي و اني محتاجة اكون مستقلة و اعتمد على نفسي و اني عايزة ده و مش خايفة.. و شكرا