السلام عليكم انا محتاجه مساعدتكم انا بنت عمرى٢٥...

السلام عليكم انا محتاجه مساعدتكم انا بنت عمرى٢٥ سنه مخطوبه لشاب عنده ٣٠ الحقيقه إنه نعم الرفيق وطيب جدا وحنية الدنيا فيه المفروض جوازنا اخر السنه اللى جايه واحنا مخطوبين بقالنا سنه ماشوفتش منه غير كل خير خصوصا أن والدي ربنا يرحمه ويغفر له توفاه الله من سنه ونص وهو من بعده سند وعون ليا من اسبوع كان فى الشغل وتعب جدا كان بيصلى العصر ووقع وزمايله نقلوه المستشفى تطلع عنده جلطه فى القلب وزابحه صدريه قعد فى العنايه المركزه يومين تفضلو يعملوله اشاعات وفحوصات لحد ما اطمنوا عليه وخرج لكن الدكتور قاله أن شرايين قلبك شغاله بكفأة ٧٠٪ فقط وأنك لسه صغير مع تقدم عمرك ممكن تحصلك مضاعفات هو طلب منى افكر ف الموضوع وأنى لو سيبته دا هيبقى من حقى وأنى لازم اخاف ع نفسي وان مستقبله ف علم الله انا بصراحه رديت عليه انى مش هسيبه وان اللى ربنا كاتبهوله هنشوفه سوا واحنا مع بعض وان محدش ضامن ربنا شايل ايه بكره يمكن تتحسن مش تسوء ربنا اعلى واعلم والموضوع اتقفل لكن النهارده اخواتى البنات بيكلمونى وبيقولولى انك كدا بتظلمى نفسك وأنك هتتحملى مسؤوليه اكبر منك حتى فى العلاقه الزوجيه بعد كدا ممكن ماتتحمليش اوى مشكله او خناقه هتتطري انك تيجى ع نفسك ومتعبريش عن غضبك عشان هتكونى خايفه عليه أو أنه يتعصب وان انا مش هتعمل كل دا بعدين وبكدا انا بظلم نفسي انا حقيقي مش عارفه اعمل ايه انا قررت أسأل حضرتكم لانى حقيقي مشتته جدا وضايعه انا بحبه وكمان محدش غيره واقف جنبي وبيدعمنى دائما وخصوصا انى معنديش اخوات ولاد هو انا يسأله ع كل حاجه وباخد رأيه فى كل حاجه وانا من جوايا مش عايزه اسيبه وحاسه أن دى حاجه بتاعة ربنا يعنى لو كنا اتجوزنا وحصل اللى حصل كنت هتطلق عشان حاجه ربنا هو اللى ابتلاه بيها مش بأيده وكان ممكن يبتلينى انا هو كان وقتها هيسبنى من فضلكم انا حقيقي محتاجه مساعده لانى مضغوطه جدا وشكرا واسفه ع الاطاله

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

لا