عمري 22 سنة وأول ما تميتها شعري بدأ يخف ويقع كتير...

عمري 22 سنة وأول ما تميتها شعري بدأ يخف ويقع كتير وكنت ساعتها في فترة الدراسة وكانت أون لاين فا مكنتش بنزل كنت بفضل قاعدة في البيت فترة طويلة وكنت في الشتا ومكنتش بشوف الشمس كنت بحس أن بقالي فترة كبيرة مشوفتش الشمس وبعد كدا بقيت بتعب كل شوية وبقى عندي وساوس من المرض كل شوية ببص على إيدي ورقبتي طلع فيها بقع غريبة مكنتش فاهماها وشعري بيقع وده أثر على نفسيتي جامد بخاف أسرحه أو أني أستحمى والماية تيجي عليه ويقع وبعدين روحت لدكتورة جلدية بعد ماخلصت إمتحاناتي راحت الدكتورة قايلالي أنه ده صلع وراثي قالتلي كدا من غير ما تطلب مني ولا تحليل ولا حتى سألتني ده حصل في عيلتي قبل كدا ولا لأ وكتبتلي علاج وقالتلي خلي بالك لأنه ده لو استخدمتيه ووقفتي استخدامه شعرك هيقع أكتر ولازم تستخدميه مرتين في اليوم بعد ما أغسل شعري وأفضل مستمرة عليه على طول وبعد اسبوعين اقلل مرة لو لاحظته بيقع تاني ارجعها وكلامها خلاني حسيت بخوف أكتر قالتلي ممكن يخف أكتر من كدا ولما اشتريته وروحت البيت خفت استخدمه وبقيت بعيط كتير لأني كمان عارفة نفسي أني مبعرفش أستمر على حاجة كدا كل شوية وكل يوم وبزهق ساعات ومبحبش آخد العلاج فترة طويلة وده بيتاخد على طول وبعد ما اشتريته سيبته زي ماهو وبقيت بقول لنفسي يمكن هو كان بسبب ضغط الدراسة أو ضغط نفسي أو في ڤيتامينات ناقصة هي مطلبتش مني ولا تحليل واحد هي شخصت على طول بقيت مابين شعورين أني مش مصدقاها وفي نفس الوقت شعري بيخف وبيتقصف وبفتكر كلامها وبحس بخوف اتخنقت جامد وعلى طول شعري حان مسببلي عقدة في حياتي لانه شعري مكنس ناعم ومش بيبدأ من أول راسي مبعرفش أكون طبيعية في وسط أي تجمع بنات وبقلق من فكرة انه حد يشوفه ويتريق عليا ولما بقى بيقع ويخف بقيت بتضايق أكتر انا حاليا اتخرجت وقاعدة في البيت دايما ومش بعرف افكر تفكير فيه وساعات نبعرفش اركز في الصلاة وساعات بفوتها عشان افضل كل سوية اشوفه في المراية وبقيت حاسة بخنقة على طول وكل شوية بعيط وحاجات كتير عايزة أعملها ومش عارفة أعملها وكله بيجي على بالي مرة واحدة مش عارفة أطلع من المود ده ومش عارفة أكون تمام دايما بفكر اني عايزة اكون ناجحة واعمل حاجة مهمة في حياتي واني نفسي يكون شكلي مقبول على الاقل ومحدش يتريق عليا انا خفة شعري مش بتضايقني أكتر من تفكيري اني لسة صغيرة وبيحصل معايا كدا ومين هيحبني وأنا كدا ومش عندي صحاب أو حد أقدر أشتكيله حاجات كتير أوي محتاجة تتصلح ومش عارفة أعمل إيه