السلام عليكم ندي مشكله مع زوجي ومش عارفه اكمل ولا...

الرد من العميل

انا متجوزه حديثا من شهور ومن الخطوبه وانا بعاني من فكره ان هو عنده بعض العيوب في شخصيته انا مش قادره اتأقلم معاها وعايزه حل بس زادت ظهورها بعد الجواز مع الاحتكاك اول نقطه مثلا عنده ego رهيب كل حاجه اقولها مش بيتقبلها عشان الكبر ده مثلا انتقاد مرفوض او حتي لو قولتله علي حاجه مضايقاني بطريقه لطيفه جدا برضو بيقفل ومش بيتقبلها ومش بيكمل الكلام وتقلب خناقه وانا عصبيه ولما بتخانق بقول كلام مش حلو وهو طبعا مش بيتقبله تماما عشان الكبر فالموضوع بيعلي اوي منناتاني نقطه انا حد حساس جدا فوق الوصف واي حاجه ممكن تضايقني وهو شخص ناشف ومش لين فالكلام والكلام الحلو وكده وبارد الاعصاب شويه فعلي طول بطلب منه الحنيه وبيعملها لما بطلبها وبعد كده ينسي لانها مش طبعه واتخنقت من طلب الحنيه وحتي لو سكتت وكتمت مبيحسش ان كده هو مضايقني لا عادي يقولي هتفكي لوحدك وانا مبطقش الشخص لما ميهتمش لزعليثالثا كنت مره بتفرج علي طبيب نفسي اتكلم عن النرجسيه لقيت ان فيها حاجات فيه بالصدفه هو متحكم في كل حياتي وحتي اهلي بحس انه مضايق لو حس انهم قريبين مني لازم هو يبقي رقم واحد وانا علي طول بحسسه بكده عشان اريحه ومضايقوش بس ده ضاغط عليا حتي لو بتكلم شات مع اهلي او صحابي يقولي هو انتي طول اليوم بتتكلمي شات مع اني ممكن اكون مبزودش عن خمس دقايق حرفيارابعا مش بيزور اهلي غير لو اتخانقت معاه عشان ييجي معايا برغم ان علاقته بيهم كويسه ومفيش اي مشاكل بينهم لكن بيقول مبيحبش الاجتماعيات مع انه بيعمل كل حاجه تجاه اهله وزياده عن اللزوم كمان وانا علاقتي باهله كويسه جدا وبزورهم من غير ما يطلب مني اصلاانا اتكلمت معاه كتير في كل النقط دي اوقات يتخانق واوقات يقول انه هيتغير او هيحاول يراعي النقط دي لكن للاسف مفيش تحسن واحنا بقالنا ست شهور متجوزين واحنا مأجلين الخلفه بالاتفاق فهل فيه حل ولا انا هفضل اعاني العمر كله لاني من ضعفي النفسي مش بعرف ابعد عنه لما بنتخانق بنرجع تاني