إسأل خبيرة العلاقات العاطفية الآن

مها سرور

مها سرور

خبيرة العلاقات العاطفية

الأسئلة المجابة 24637 | نسبة الرضا 97.6%

استشارات الحب و الزواج

انا عندي ١٩ سنه ومرتبطة بشخص عنده ٤٠ سنه، ايطالي،...

تم تقييم هذه الإجابة:
انا عندي ١٩ سنه ومرتبطة بشخص عنده ٤٠ سنه، ايطالي، عايش في مصر بقاله سنه وشوية عشان شغله. انا بحبه جدًا جدًا وهو اهم بني ادم في حياتي؛ وهو على طول يقول انه انا اهم واحده في حياته ومنغيري يضيع وكلام من ده، بس المشاكل بينا مبتنتهيش، هو بيحاول يصالحني على طول مع ذلك هو عمره ما كان اسف فعلا.. كذا مره الاقي عنده ديتنج ابلكيشنز ونتخانق ونسيب بعض وتبريره هو انه بيكون مضغوط من الشغل وبيكون عايز يفك عن نفسه!!!! اخر انفصال كان بنفس السبب كنا مسافرين ومبسوطين كام يوم وقالي انه بيحبني تاني يوم اكتشفت عنده تيندر انهرت وطلبت نمشي ولما رجعنا القاهرة انفصلت عنه وانا قلبي مكسور، قعدنا شهر ونص وصاحبتي رجعتنا لبعض عشان احنا الاتنين حالتنا كانت وحشه منغير بعض، كان بيفضل يبعتلي ويقولي انه بيتعذب منغيري وانا كنت بتجاهله بس في الاخر رجعنا، واتكلمنا ووضحلي انه لما بيعمل الفعل ده بيكون بهدف التشتيت من شغله الصعب، قلتله اني موجوده عشان اسانده واساعده في شغله الصعب وانا اللي بعمل كل حاجه في الدنيا عشانه واتفقنا انه خلاص مش محتاج الهبل ده تاني، بقالنا شهر ونص او شهرين راجعين، اول امبارح كنت عنده في البيت وبنتفرج على حاجه راح مسك موبايله واول ما فتحه لقيت في الهومسكرين تيندر وبامبل "dating apps” تمالكت نفسي وواجهته المره دي، قلتله تيندر عندك بيعمل ايه؟ قالي just chatting nothing big قلتله عايزة اقرا، قالي لا، بعد محايله وتهديد اني همشي لو مقرأتش الشاتس خلاني اقرا كام مسج من كام شات بسرعة…. كان بيتغزل في البنات، بيقولهم عنيكي حلوة وشكلك اتراكتيف، حسيت اني بنهار فعلا وقعدت اعيط بشكل هستيري لقيته حضني وفضل يعيط ويقولي انا مش عايز اجرحك، اتخانقت وفضلت اضرب دراعه اللي حاضني واحاول ابعده وهو ماسكني جامد عشان مقومش وبيعيط وكنت فكراه عامل نفسه بيعيط اصلا. فضل يعيط وانهار بجد انا اول مره في عمري اشوفه كده، قالي انا عمري ما فكرت ابدلك ولا اشوف غيرك، انا بس كان نفسي احس اني لسه مرغوب، وفضل على ركبه يعيط ويقولي اسف، وانا كل ده بعيط بصمت وقالي لو سبتيني دلوقتي انا هموت، ولما لبست الجزمة وخدت الشنطه وكنت همشي خلاص انهار على الارض يعيط بشكل هستيري انا مقدرتش اشوفه كده رحت قلتله قوم وحاولت اشده يقوم مقامش قالي متمشيش ارجوكي رحت قعدت على الارض وقلعت الجزمة وقلتله خلاص مش ماشية قوم، قالي ان هو اصلا ملوش صحاب هنا غير اتنين زمايل وانهم هينقلوا وهيرجع لوحده، وانه قرف من العيشه هنا وانا الحاجه الوحيدة اللي فاضلاله هنا، ان مفيش حد بيحبه وهو مش فاهم انا بحبه على ايه قالي انا مش عارف بتحبيني على ايه انا مفيش اي حد بيحبني وقعد يعيط جامد. فضل يقولي سامحيني بترجاكي تسامحيني انا مش هعمل كده تاني انا عمري ما اترجيت حد كده انا اسف سامحيني. انا في النص جالي شبه انهيار عصبي قعدت مهنجه باصه حواليا بعيط وبقول اعمل ايه تاني عشان اكون كفايه انا عملت كل حاجه عشان اكون كفايه هو شافني كده قعد يعيط اكتر. حسيت اني بحبه اوي واني مش مستحمله اشوفه كده، راح جاب مايه ورجع كنت انا على الارض لسه راح مدلي ايده فـ خدتها وقومت معاه فضل باصصلي قلتله حتى لو كلهم سابوك انا مش هسيبك وحتى لو كلهم مش بيحبوك انا هفضل احبك حضني وهدي، وفضلنا قاعدين ساكتين واتفقنا على الصلح واني اسامحه، عدى يومين، بنتصرف كأن الليله دي محصلتش، مع ذلك انا دلوقتي حاسه اني مشوشه، حاسه بعدم الامان، مع ذلك هو صعب عليا جدًا بسبب قلة ثقته في نفسه اللي تكاد تكون معدومة وبيتظاهر طول الوقت بانه العكس. انا اتأذيت كتير اوي منه، عيطت كتير اوي بسببه، اتكسر قلبي كتير اوي، مع ذلك It seems like we can’t get away from each other، انا مش فاهمه هو ليه بجد صعب عليه انه يعززني؟؟ هو مش مقتنع انها خيانه وبرغم انها كانت السبب في انفصالنا سبعتلاف مره وكل مره بشرح بالتفصيل الممل قد ايه بتجرحني، هو برضو بيكرر الاغلاط ويقولي مش فاهم مشكلتك. انا تعبت، اعمل ايه؟

إطرح سؤالك

إجابة الخبير: مها سرور

مها سرور

مها سرور

خبيرة العلاقات العاطفية

الأسئلة المجابة 24637 | نسبة الرضا 97.5%

من الواضح لوصفك له بأنه إنسان غير متزن بداية فشخص بهذا العمر يجب أن يكون مرتبط ومستقر ولديه عائلة.
أنت لم توضحي ما نوع العلاقة التي تربطك به لتتواجدي ببيته وهذا خطأ يجب أن تتوقفي عنه.
فارق السن كبير جدا بينكم وإختلاف الثقافات كبير أيضا هناك عدة موانع تحول دون إرتباطكم فالأفضل أن تنسحبي من حياته بشكل تدريجي وتخففي من تواصلك معه لحين الإنسحاب الكامل من حياته.
اذا كنتم تلتقون بشكل يومي فخففي عدد الساعات بداية وبعدها يوم بعد يوم وهكذا لحين قطع لقائك به بشكل تام.
فلا يوجد معه أمل أو مستقبل.

إسأل خبيرة العلاقات العاطفية

مها سرور

مها سرور

خبيرة العلاقات العاطفية

الأسئلة المجابة 24637 | نسبة الرضا 97.6%

  • 100% ضمان الرضا
  • انضم الى 8 مليون من العملاء الراضين
المحادثات تتم ضمن هذه البنود

في الأخبار