السلام عليكم و رحمه الله و بركاته مشكلتي حضرتك هيا...

السلام عليكم و رحمه الله و بركاته مشكلتي حضرتك هيا ف الوسواس ف كل حاجه يعني الموضوع تعبني نفسيا اول حاجه كان وسواس في الطهاره و في الصلاه و الوضوء و النيه ف الصلاه و ف الطهاره ان انا شايفه كل مكان مش نضيف او ان صلاتي ناقصه او ان وضوئي غلط و ان انا لازم أكرر النيه اكتر من مره و اطور معايا الموضوع اكتر بعد جوازي من شهر الوسواس زاد معايا ف موضوع الجنابه ان كل حاجه بعد العلاقه مش نضيفه حتي ان امسك حاجه او باب الاوضه مش بحب امسكه قبل م اغسل ايدي مثلا او ان جوزي يلمسني قبل م يغسل ايده او الهدوم اللي هيا قبل العلاقه حتي جوزي بدأ يضايق من الموضوع و بعد كدا بحكم المكان اللي عشت فيه بعد جوازي يعني قريب ل نظام الريف كل بيت هنا ليه برندا و حوش و هنا الكلاب موجوده ف الوسواس زاد عندي لما بقيت اشوف الكلب مثلا ف البرندا و اقرف من الاحذيه اللي بتكون قدام البيت او اي حاجه موجوده قدام البيت ان الكلب يكون لحسها او شمها و اشك فيها حتي جوزي من فتره رمي رغيف عيش للكلب ثواب يعني ع السلم هيا خدت الرغيف و مشيت تأكله بعيد بس قرفت ان هيا ممكن تكون لحست السلم ف سألت ف الموضوع ده من ناحيه الدين قالوا ان الموضوع طول م هو شك يبقي مفيش حاجه و ان الشك لا اصل له و ان لازم اكون متأكده من ان الحاجه اللي قدامي نجسه او مش نضيفه ان الأصل ف الاشياء الطهاره و الشك ملوش لازمه وأن ده وسواس و علاجه الصلاه و قراءه القراءن و الأذكار وانا الحمدلله بعمل كدا و كمان بوسوس بكل كلمه بتتقال قدامي و اقعد افكر فيها كتير يعني جوزي من فتره بهزار قالي احلفلك بالطلاق منك ع حاجه يعني ف انا اتعصبت و فكرت ان كدا طلاق ف هو قالي انا محلفتش ان بقول احلفلك ف انا من الناس اقل كلمه بتأثر ف نفسيتي بطريقه بشعه او عرفت معلومه معينه سواء ف الدين او ف الحياه عموما بفكر فيها كتير لدرجه متعبه ف اخر مره كلمت فيها شيخ قربنا بسبب موضوع الكلاب بحكم انه موضوع جديد عليا لان ف المدينه مفيش كلاب ف قالي انتي موسوسه زياده عن اللزوم قولتلوا انا يجاهد نفسي اتخلص منه بس فيه حاجه غصب عني بتخليني افكر قالي ده الشيطان او بقا انتي عايزه تروحي دكتور نفسي قلت الحمدلله انا م وصلت لدرجه دي ف قالي خلاص ف حد نصحني بحضراتكم ف عشان كدا دخلت اكتب مشكلتي و اسفه علي التطويل بس انا بجد تعبت و وضعي ميسمحش اروح دكتور نفسي لان كل اللي حواليا مش فاهمين مشكلتي و شايفين ان انا ببالغ و اللي بيسمع مره مش بيسمعني المره التانيه

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا ابدا لكني عانيت من فتره اكتئاب و محاولات انتحار

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لا شكرا