مساء الخير انا متزوجة من ١١سنين قبل الزواج كان...

مساء الخير انا متزوجة من ١١سنين قبل الزواج كان والدى يخاف عليا مكنتش بعمل اى حاجه خالص ولا خروج ولا اى حاجه غير الدراسة وزيارة الاقارب فقط والاقارب المجاورين كمان بس زوجى لما اتقدم ليا وافقت علطول لان كان اخر سنة دراسة وكنت خايفة من والدى اقعد فى البيت وكنت هحس بخنقة اكتر المهم زوجى اتقدم ووافقت علطول من غير ماافكر ومكنش عندى اى خبره بالحياة وافقت لمجرد الخروج من المنزل بالرغم الفرق بينى وبينه كان ١٥ سنه بس مفكرتش فى اى حاجه بصراحه بس انا والدى طيب جدا جدا هو شديد بس زوجى كان لوحده باباه وماماته توفوا كان بيصعب على بابا جدا فى النقطة دى لدرجه ان بابا مرضيش يغير حاجات كتير فى الشقة غير انه جاب غرفة نوم وتلاجة وغسالة واحنا جبنا الباقى وكان والدى يصر عليا متضغطيش عليه عشان مفيش حد يساعده سمعت كلام بابا وبالفعل تساهلنا وهو كان بيحبنى وكتب قايمه على بياض وكله تمام ووعد بابا قاله بالكتير اوى ٥ سنين وهشترى شقة كبيرة لان اللى اتجوزنا فيها ايجار قديم بتاعت اهله بابا وافق وهو عنده اخوات بنات هما اللى قعدوا وعنده اخ كان مسافر والبنات متجوزة محدش راضى يقعد معاه يتكلم فى تفاصيل ويبقى مسئول بابا مركزش قال خلاص مفيش مشكلة واحنا بنشترى راجل المهم اول حاجه عملها لما كنا بنشترى غرفة النوم اخترت واحدة ولما جت الشقة اكتشفت انه غيرها بواحدة رخيصة جدا ومش حلوة خالص كخشب يعنى قولت مش مشكلة ممكن عشان مش معاه فلوس واتحرج متكلمتش معاه فى حاجه بس عرفته انى واخده بالى واتجوزنا وكان بيطلب منى اعمل اكل من تانى يوم برضه قولت عادى يمكن عشان والدته متوفيه من زمان ومشتاق لاكل البيت ابتدت المشاكل من اول اسبوع زواج كان بينزل ويسيبنى ويبات بره مع اصحابه لحد تانى يوم الصبح كلمته كتير بس مش بيسمعنى لدرجة كنت بغضب واروح لاهلى كان يخلص اجازة الاسبوع ويجى يصالحنى اخر يوم هو يوم السبت وطبعا الحوار مع بعض كان بينتهى بالضرب والاهانه بالاهل ومرة اهانه وكان بيعاملنى معامله فيها قسوة بمعنى مفيهاش حنية ولا طيب خاطر بيقولى معلش على كل حاجه واى حاجه عشان يعدى الموقف ولما نرجع نتكلم فى ساعه صفاء يقولى اصل انا محدش علمنى ومحدش قالى اعمل اية قبل كدة كنت بقولة طبطب عليه اتكلم كويس نقعد سوا المفروض اننا اول الجواز المهم كان يقولى حاضر ودى اخر مرة وطبعا اتكررت كتير وكان نفس الرد ونفس الكلام بقيت حامل بعد شهر من الزواج كان بيكلم والدتى يقولها بنتك مش بتعمل اكل يرضيكى ماما تقوله لا وتيجى هى تعمل الاكل وتقعد معايا المهم ربنا رزقنا بفلوس واتثبت فى شغله وانا حامل قالى تعالى نسافر لانه كل حياته قبل مااعرفه كانت سفر واصحابه بس حتى اخواته مكنش بيودهم دة اللى عرفته بعد كدة وهما كانوا بيتجنبوه عشان اسلوبه المهم لماجت الفلوس وقالى يالا نسافر قولتله لا نشترى عربية مانوال حتى عشان بنتنا واحنا نروح ونيجى بيها وبالفعل عمل كدة وكنت بقوله نعمل جمعيات ونشيل عشان نشترى شقة ابتدى يحس ان تجميع الفلوس حاجه حلوة واتبسط بيها بقى يفكر طول الوقت ازاى يجيب فلوس كنت بفرح بقول بيفكر فى مستقبلنا وكان مش حنين اقول ابقى ركز معايا شوية يقولى انا بحاول اجمع فلوس عشان لما تحتاجوا حاجات السنين الجاية اجبهالكم كلامه كان منطقى ووقفت جمبه واستحملنا وفعلا شيلنا فلوس من الجمعيات وشغله وكان دايما ياخد الفلوس يحطها فى البنك فى نفس اليوم وفيه مره جاب فلوس بعدها بيوم بيعد الفلوس لقاها ناقصة اتهمنى ان خدت فلوس من وراه قولتله ازاى تفكر كدة انا مخدش حاجه دور كويس وطبعا شتمنى وقال كلام كتير ولما دور كويس لقاهم فعلا واقعين فى الدولاب وكلمته المعتادة معلش ولما طنا بندفع الجمعيات فلوس الشهر كانت بتخلص كان بيقولى انزلى بيعى حاجه من الدهب وفعلا كنت بنزل وبديله الفلوس والشبكة بتاعتى كلها اتباعت كدة قالى دى هرجعهالك تانى وفعلا بعد ٦ سنين زواج رجعلى فلوسها بس رجع بعدها بسنتين خدهم تانى وانا كنت موافقة عشان بقف جمب جوزى بساعده عاوزة اشوفه كويس ومستوانا كويس بس مشاكلنا كترت وبقى يستخصر فيا الفلوس ولما اتخانق معاه يقولى روحى اخلعينى ومش هتطولى منى جنية انتى اصلا موقفتيش جمبى انا بيكى او من غيرك كنت هعمل كدة وطبعا كنت بروح لاهلى ولما يتكلموا يكذب ويقول حاجات مش بتحصل فى البيت عشان يطلع نفسه صح بس الحاجه الوحيدة اللى كان بيقولها صح ان انا صوتى عالى فى المشاكل بس انا مش بزعق غير لما يغلط فى اهلى او يهينى فعلا بعلى صوتى المهم ابتدى موضوع الضرب قدام الاطفال لدرجة انهم اوقات كانوا بيصرخوا تعبت من الخناق والمعاملة وزعلت ان عمره ماقدر حاجه عملتها معاه دلوقتى انا مش قادرة اكمل وللاسف هو بيعند معايا ويقولى انا هنا اللى باكلك وبشربك يبقى تسمعى كلامى اقوله اسمع كلامك فى اية يقولى المفروض متناميش متاخر وتصحى بدرى كنت برد اقوله اهم حاجه بتيجى تلاقى كل حاجه مظبوطة ميردش عليا ويقولى انتى مش زى الستات ودايما بيتهمنى بالتقصير مع ان اولادى ماشاء الله منهم٤ المتفوق ومنهم بطل فى الرياضه اخر مشكلة حاولت ادخل اخوه لانه رجع من السفر رافض يقعد واخته بس الكبيرة هى اللى موافقة واخته للاسف واقفة معاه لدرجه ان رحت عند اهلى ببنت واحدة والتانية معاه بعدها بيومين البنات نفسهم يشوفوا بعض خدتها ورحت اخدها من البيت يقعدوا فى النادى وقولتله هرجعهالك بالليل رفض وزعقنا سوا لدرجة خبط ع الجيران وقولتلهم هم غلطوه واتفقوا معانا ان الجاره دى فى مقام والدته وهى هتبقى الكبيرة بتاعته قولتلها بس هو فى كل خناقة بيقولى انا مليش كبير قالتلى لاء المرة دى غير كل مرة هتشوفى سمعت كلامها وخدت البنتين وقعدتهم فىىالنادى ورجعت بيتى على اتفاقى معاها انه هيغير معامله معايا وهيغير حاجات فى الشقة لان الشقة اصبحت غير اداميه للعيش كل حاجه مكسرة ومش بيرضى يصلح حتى كل حاجه مهمه فى البيت متهالكة وبالفعل طلعت وهو معملش اى حاجه فى الشقة وقالى اوعى تفتكرى لما تحكى للناس هعمل اللى قالوا عليه انا دلوقتى مش عارفة اعمل اية وطبعا انا مش بشتغل اقدر اصرف على اولادى لو انفصلت عنه وكمان مش قادرة اسيبهم وامشى واروح عند اهل والدى صعب التعامل جدا جدا واللى كان بيعمله معايا هيعمله فى بناتى اسفة للاطاله وارجو ارجو الرد

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

طبعا فيه تفاصيل كتير محكتهاش بس حاولت اقول اكتر الحاجات