اكتشفت من فترة مش طويلة ومش قصيرة يعني أن بابا على...

اكتشفت من فترة مش طويلة ومش قصيرة يعني أن بابا على علاقة بامرأة أخرى غير امي ولكني لا اعلم ما هي العلاقة بالتحديد كل ما اعرفه أنها متزوجة ولديها اولاد وهو ايضا وانا ابنته، امي مريضة قلب وامراصض أخرى الله يشفيها يعني وكتير بتتعب في البيت وهيك، نحن حالتنا المادية بسيطة كتير، حالتنا الأسرية والاجتماعية مع بعض صفر، هاد من وجهة نظري، ابي طباعه ما بيعرف يتعامل معنا من واحنا صغار، انا خصوصا في حساسية في تعاملي مع أبي وما بعرف اتعامل معه متل اي بنت وباباها طبيعي، ما بتذكر حتى انتى اخر مرة حضني فيها ابي، طول حياتي بتمنى يكون ابي حنون علينا وكتير محتضن النا واعرف اتعامل معه بحرية مع احترامي إليه بس هو ما تكوني هاي الفرصة ابدا، من وانا صغير وانا بطبعي بدقق في التفاصيل وباخد بالي من كل شيء تقريبا بطبعي بحب القراءة وعلم النفس وانا بعرف أن علاقة الاب لأبنائه ابدا ما بتكون هيك ابدا، من فترة امي مرضت كتير وبسبب إن كان فيه شيء بمثابة مشروع هيك كانوا بيراعو طيور واني اللي كانت بتراعيهم بس لما مرضت ابي اضطر أنه يبعد بالبيت وما يروح الشغل لبعض الايام يعني، ابي بطبعه مو مدمن بالهواتف ولا السوشيال ابدا يعني، بس خلال هالفترة لاحظت أن ابي ما ببفارق هاتفه مع أنه ما كان بيعرف مكانه اساسا لانه كان بيحطه في أي مكان هيك وما يهتم يعني في البيت بس ما كان بيفارقه ولما بتفح واتس عندي يلاحظ اوقات كتير أنه اونلاين بس انا حاولت اتغاضى عن هالموضوع يعني وقلت عادي، قبل ما امي تشفى بيوم فتحت هاتف ابي بالصدفة هيك لأن يكون بحاجة اني ارسل بعض البيانات خلال الواتس ولكن بالصدفة لاحظت اسم امرأة وابي بيحكي معها ويتصل بيها كتير حاولت اني ما اهتم بس فضولي خلاني افتح الشات وأشوف مين هاي وكمان ابي دايما كان يحكي امي أنه رح يتزوج وهيك بس امي كانت تاخدها مزحة بس ما بعرف انا ليش ما كنت هيك اول شيء خطر ببالي اصلا هو هاد الشيء قرأت المحادثة بينهم واتصدمت كتير بعرف اني عملت شيء غلط بس ما بعرف هيك صار والله، ابي من كلامه معها كتير بيعاملها بطريقة مختلفة عمري ما شفته بيتعامل هيك مع امي أو حتى معي أو اخوتي ابدا، وبيحكوا كل الوقت تقريبا مع بعض ما كان بايدي شيء وقتها غير اني ابكي بس، صرت تقريبا أقرأ محادثاتهم كل يوم وأبكي وحياتي كتير اقتصرت استبدلت من بنت طموحة كتير وكل يوم كنت اتعلم شيء جديد الى بنت سرحانة دايما وتايهة وما بتعرف شو بيصير اصلا كل يوم ما كنت بعرف اتعامل مع أبي اكتر من اليوم اللي قبله لدرجة اني كنت انام قبل ما هو يرجع البيت واصحى بعد م يروح صليت كتير ما اشوفه بس ما دام هاد كتير وكل أما بشوف تبي بيصير بدي ابكي، امي متزوجة ابي من 20 سنة صارت مع عائلته 15 سنة وفي خدمتهم لحد ما تعبت وكانوا أحد الأسباب في مرضها وابي أيضا هيك، هي ضحت كتير عن جد وهو حرمها من اشياء كتير بسبب عاداته وطباعه، من وانا صغيرة كنت يلاحظ كتب مواقف بتصير لحد هلأ فاكراها امي كانت تنام تبكي بس ما حد يلاحظ لأنها كتير كتومة بس انا كنت يلاحظ لاني متلها بالضبط، بحكم اني يقرأ كتير وعلى معرفة واسعة بعرف كنت دائما اشوف أن ابي ما بيعانل امي بطريقة منيحة أو مو بطريقة معاملة الزوج الحسنة لزوجته، ما كنت بشوف التفاهم ولا أنه يراعي مشاعرها وبيجرحها بكلامه، بس انا ما الي دخل، يمكن انا اكتر اخواتي اللي متأثرة بسبب معاملة بابا وهيك واني دائما كنت اريد ابي غير هيك اريد أن يعاملني بحنية كتيير ويهزر معنا وانا اعرف اتعامل معه بس اللي بيصير عكس هيك تماما، لما عرفت هيك صرت متلغبطة وما بعرف كيف اتصرف بعدين لاحظت أن ابي صارت معاملته مع امي أسوأ من وجهة نظري ابدا ما بيراعي مرضها امي اوقات بييجي مرض الصداع النصفي هاد مع مرض قلبها وبتتعب شوي بس هو ما يحط في دماغه هيك بس لما بشوف محادثته مع هاي المرأة بس مجرد انها عندها برد أو ما بعرف شو كان كل يوم يطمن عليها ويسألها كيفك أما امي كان دائما يجيب سيرة الموت وأنه بده تموت كأنه بيمزح بس والله امي بتزعل بس ما بتبين وانا بزعل كتير، في الفترة الأخيرة صارت تصير مواقف امامي كتير تخليني اقول كيف الي بيعمل هيك وليش تعمل هيك مع امي اللي عملت كل هاد واللي استحملت اشياء كتير بسببك ليش، ما بيراعي مثلا انها ممكن تكون مضايقة من شيء ابدا، حتى في مرة امي كانت كتير مضايقة من أسباب كتير انا كنت بعرفها بس لما بابا رجع البيت صار يحكي في كلام يضايقها فهي غصب عنها على صوتها هيك هو ما راعى هيك ولا حتى سألها شو بك لا صار يسمعها كلام وهي راضته بالآخر انا دايما بعرف أن الزوج والزوجة هدول بيكونوا متفاهمين وبيراعوا بعض والزوج يحتوي الزوجة بس هاد ما شفته ابدا مع ابي، معاملته مع امي ومعنا عكس معاملته تماما مع هاي المرأة وانا لحد الان ما بعرف شو علاقته بيها وهي متزوجة اساسا ما بعرف كتير عقلي مشتت، لحد امس ما كن فيه حد بالبيت غيري وهو رجع للبيت ودخل الغرفة وصار يحكي مع حد وانا طبيعي مو مهامه يعني بس بسبب أن ما فيه ولا صوت بالبيت سمعته وعرفت أنه بيحكي معها وسمعت كلامه وكأنها عن جد زوجته وبيطمنها أنه رجع للبيت واتفقوا انها رح.تحكب معه بعدين واكتشفت أن ابي بيصحى من النوع مخصوص في نص الليل ليحمي معها وأوقات بيسهر بس ليحكي معها ولأنه بيصحى بدري شوي بيصحى مضايق لانه ما بيكون نايم منيح وهاد بيطلع على امي بسببها، امي كتير بشوفها وهي نائمة ودمعتها على خدها، وأوقات كتير امي تدافع عن أبي في شيء أو تتحمل على نفسها وهي مريضة لتعمل له شيء وانا بقول في حالي كيف انت بتعملي هيك وهو بيخونك هيك، كتير قصرت بدراستي بسبب هالموضوع وما بعرف انام وكل ما بنام بضل افكر وانا نايمة لدرجة اني صرت ابكي من قلة نومي وبمرض كتير بسبب هيك وما حد بيعرف السبب وكل أما حد يسألني اقول ضغط من كتر الدراسة بس ما بيصدقوا شوي لاني بحب كتير الدراسة وما كنت ابدا اشتكي منها، انا ما بعرف شو اسوي والله وبعد ما صار أمس قلتلهم اني رح اقعد عند جدتي ام ماما فترة هيك واجيت لعندها بس لحتى ما اشوف ابي