عندي استفسار

عندي استفسار

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

انا بنت عمري ٣٢ سنه مب متزوجه، عندي ٥ خوات و ٣ اخوان وكلهم معرسين الحمدلله بس ولا واحد فيهم شال مسؤولية البيت معاي ، والله اني راضيه اسوي كل شي لأمي وأبوي ومثل ما اسعد نفسي اسعدهم، بس الوالده تاعبتني يعني اغلب الاشيا البسيطه مثل اي بنت مب قادره اسويها ، انا طلعاتي محدوده ، طول الاسبوع فقط دوام ونادي وبيت، واذا قلتلها ابا ازور ربيعتي الي ما شفتها من ٣-٤ شهور تقول انتي تبين تفضحينا الناس شو بتقول، حتى لما خواتي واخواني ايون فالاجازه الاسبوعيه ماقدر اطلع وتقول عيب خوانج هني او بخبر ابوج اذا طلعتي ، والله يا شيخ حتى لو عندي موعد فالعياده تمنعني ، تعبت وانا اسوي كل شي عسب ترضى وانا مب لاقيه حد يرضيني ، قمت ادعي على عمري بالموت، اغراض الجمعيه علي ، مشاوير الوالده والوالد للعياده علي ، يوميا اطلعهم نشرب قهوه او شاي ، ارجع من الدوام اسير النادي وارجع ابا ارتاح تقولي شو مسويه عشان ترتاحين ، كرهت الطلعه وكرهت كل شي وماقدر اشوف حد كله قاعده في غرفتي ، حتى ما تبي حد يزورني .. انا تعبت