مريت بمشاكل بين امي وابويا كتير من وانا صغيرة و...

مريت بمشاكل بين امي وابويا كتير من وانا صغيرة و فسته ابتدائي انفصلوا وانا حاليا ٢٨ سنه تعبت جدا من كتر الكره اللي امي شايلاه لابويا بالرغم ان بعد انفصالهم لحد الان بيعاملوا كويس مع بعض عشان خاطري انا واخواتي لكن ماما معانا بتكرهنا دايما فبابا وبابا من الناحية التانيه ببحبنا فيها رغم عدم حبه ليها .ابويا ناضج فالجزء ده عشانا لكنه صعب اوي فتلبيه احتياجاته لينا رغم انه مقتدر جدا ولكن هو بخيل اوي علينا وبنعاني وامنا هي اللي بتصرف علينا مش بتبخل باي حاجة لكنها عندها سوء ظن صعب جدا بالناس و عندها كمية غضب من الناس غير طبيعية وبطرق غير مباشرة بتحاول توصلها لينا وانا تعبت اوي اخواتي بيعرفوا يتخطوا الكلام ده لانهم متجوزيين انما انا اللي قاعدة معاها فالبالتالي فيه مشاكل كتير بيني انا وماما ومش طايقة القعاد معاها من كتر الضغط اللي بتولده عليا وانا كمان غصب عني بقيت عصبية جدا بسبب ده وبتعصب عليها .ملحوظة( ابويا وامي اما انفصلوا اني اتجوزت و بعدها اخواتي اتجوزوا وبعدها ابويا اتجوز وانا قعدت لوحدي فبيت ٥ سنين من غير اي حد كان الاتصالات فقط اما بيات فكنت لوحدي) انا بنت الحمدلله ربنا رزقني بجمال عالي ولكني اللي بيتقدملي مكنوش مناسبين ليا خالص و اتخطبت لواحد حبيته جدا وكان بيحبني ولكن فسخنا الخطوبة لانه اهمنلي بعد الخطبه كتير وبعدها باربع شهور اتقدملي شخص تاني وحاليا انا مخطوباله و لكني مش مبسوطة زي ما كنت مبسوطة بخطيبي الاول بالرغم من ان صفات خطيبي الحالي الخلقية والشخصية افضل بكتير من الاول ولكني دايما فضغط مستمر معاه لانه طول الوقت عايزني اكلمه واقوله كلام حب وانا مش الشخص ده ولو معملتش كده بيتقمص ويفضل يتهمني اني شخص مقصر فحقه . حقيقي انا تعبت من كل حاجة حواليا و مبقتش قادرة اطلع من الاكتئاب اللي انا فيه حتي شغلي اللي انا فيه دايما يقارنوني ببنات شغاله معانا رغم انهم اقل جمالا مني بكتير واقل حياوية وروحا ولكنهم يتعمدوا غيظي و مضايقتي ولا اعلم السبب رغم اني والله العظيم ما بعمل اي حاجة ومحترمة وذوق وكويسه مع الكل .ارجوكم ردوا عليا انا مفروض اشيل ضغط التفكير فكل حاجة ده ازاي وازاي اطلع من الهم اللي جوايا