السلام عليكم ورحمة الله وبركاته ،،، انا عندي قضيه...

السلام عليكم ورحمة الله وبركاته ،،، انا عندي قضيه طويله مع واحد نصاب ،،، نصب علي ب ٢٠٠ الف ريال وقال انه بيشغلها في الفورفكس والانسان هذا طلع مشهور انه نصاب في البلده عندنا ،،، المهم ماعرفت انه نصاب الا بعدين ،،، واعطيته المبلغ نقدا ،،، المهم اعطاني شيك وبعدها اخذ مني الشيك وقال اننا ثقه ،،، وبعد وقت طويل طالبته اني اخذ راس المال ،،، المهم قال لي تعال المكتب ،،، ورحت له المكتب وطلب مني الورقه اللي خلاني اكتب فيها انه اخذ مني ٢٠٠ الف بعد ما اخذ الشيك ،،، طبعا قلت له اول ليش ما تكتب انت قال لي انه خطه ماهو حلو ،،، المهم يوم رحت له المكتب انا اول ما دخلت شغلت جوالي وسجلت ،،، المهم قابلني وقال وين الورق واعطيته الورق ،،، وقال انتظرني وراح اجيب الفلوس لك من داخل ،، المهم انتظرت ويوم رجع قال تعال بعدين ،،، وانا رفضت اطلع الا والورقه معاي ،،، وهو شافني اني اصريت على الورق اخذه قام وطردني من المكتب وقال مالك شيء عندي ،،، وفي نفس اللحظه طلعت جوالي وقلت له انه مسجل كل شيء ،،، وهو عرف هالشيء … وبعدها اتصل في الوالد وصارت ايضا جلسة صلح راح عند رجال مشهورين وشيوخ عشان حل المشكله ،،، والشيخ المشهور استدعاني وسمع كلامي وكلامه وقال له الشيخ ان ضروري ترجع المبلغ لصاحبه وانا اختلفت معاه على الزمن ورفضت هذا الحل لاني اعرف الرجال كاذب والشيخ صراحه كان جدا محترم وشهد بالحق ،،، عموما انا وكلت محامي بالقضيه ،،، وصارت جلسات كثيره ،،، وان هذا الشخص حكم عليه الشيخ بالحق العام نصب واحتيال ،،، وبعدها طالبت المحامي يرفع قضيه تأديبه وايضا يرفع قضية استرجاع المبلغ ،،، جلست الحق الخاص احتمال بعد شهر ،،، ولكن فيه جلسه اخرى بعد اسبوع اللي هي حقت تاديبه ،،، المهم انا حضرت احدى الجلسات وان الشخص انكر هالكلام ويقول انه كذب ،،، والشيخ يقول التسجيل مو واضح مع العلم ان الشيخ الاول سمعه وكان واضح ،،، والشيخ الجديد سمع من الطرفين وايضا سمع المحامي الخاص فيني وبعدها طالب الشيخ ان يحضروا الشهود في جلسة الصلح عشان يسمع منهم ،،، انا راسلتك يا سيدي عشان اعرف وش اسوي بالضبط وكيف اتعامل مع الموضوع هذا ،،، لان هذا الشخص نصاب كبير وعنده اسلوب قوي بالرد وضحك على ناس كثيرين