انا عمري 23 سنة وزوجي 27 تزوجت منذ 7 شهور زواج...

انا عمري 23 سنة وزوجي 27 تزوجت منذ 7 شهور زواج صالونات واثناء الخطوبة التي استمرت سنة ونصف كان يشك في كل تصرفاتي وكنت بقول لنفسي انه عايز يطمن عشان لسه متعرفش بعض وعلى معظم خناقتنا كانت عن الشك وبعد الجواز تطور الشك إلى عدم احترام في التعامل وعلى طول عايز يفرض رأيه ويلغي شخصيتي في كل حاجة تخصني او تخص أهلي يعني لو قولت له عايزة اروح عند ماما يقولي ملوش لزوم او هروح مع ماما عند حالتي يقولي اه انتوا هتتشيكوا بقه وانتوا نازلين ومواقف كتير من دي هو مفيش اختلاط بين عيلته لكن انا أهل والدي ووالدتي بيتجمعوا كل فترة تجمعات عائلية وهو بيشوفها ملهاش لازمة رغم اني ممكن اكون وقتها في البيت لوحدي وهو خارج مع أصحابه المهم انه يحكم رأيه ويعارض وبس غير أنه معظم الوقت موده اللي بيتحكم في تصرفاته ممكن يصحى من النوم ناوي على الخناق ويتلكك لو مقلتش صباح الخير وأحيانا اما اتعب وأحب اروح الدكتور يقولي ظروفنا متسمحش وفي نفس اليوم ممكن يشتري لنفسه حاجة وتكون ماركة مشهورة انا مش حاسة اني ممكن اكمل معاه وكلمتوا كتير مش فارقة معاه ممكن يسمعني وبعد ما اخلص يقلب على ويتخانق مش عارفة اتعامل معاه ازاي هو شايف ان مفيهوش ولا غالطة وان لازم احمد ربنا عليه وانا شايفة ان تعامله مفيهوش احترام ولا ليا ولا لحد كبير ولا حتى لوالدته هل ممكن يكون في حل ؟