أهلا بك، كيف يمكنني مساعدتك في سؤالك عن الشريعة...

أهلا بك، كيف يمكنني مساعدتك في سؤالك عن الشريعة الإسلامية ؟ السلام عليكم انا بس كنت داخله اسئل حضرتك سؤال محسسني بالذنب الشديد... و انا هسيب المسدج هنا و ارجو الرد لان حرفيا دماغي خلاص تعبت من الموضوع دا. .. .. . وربنا يجازيكم كل خير دلوقتي انا عندي ٢٠ سنه و عايشه مع والدتي و اخويا وامي ليا اخت متجوزه و مخلفه٤ اطفال..المهم حضرتك انا ولدتي دي ست صالحه وطيبه جدا جدا وهي من صغري بالنسبه الام و الاب والام سوا ف من شده تعلقي بيها ابويا بيغير جدا و بيقعد يزعقلي لما يشوفني قاعده معاها أو ببرها و بعملها ال هي عيزاه غير اني بحب امي انا بخاف عليها لأنها مريضه قلب و ضغط و لما بتتعب ببجيلها جلطات و بتدخل العنايه و بتبقي طول الوقت علي جهاز الأكسجين المهم امي هي ال جهزت اختي الكبيره و هي ال عملالها كل حاجه من باب ربنا ابويا دا مهنش عليه يجيب لها حتي ستاره لبيتها.. احنا كنا عايشين في بيت ورثه بيت بابا و عمي.. ف البيت دا اتباع و طلع منه ربع مليون جنيه حق ابويا كانت امي بتتحايل عليه وتقوله طلع زكاه الفلوس مكنش بيرضي ابدا وكل ما تجيب له سيره الموضوع دا كان بيتعفرت و يضايق.. المهم تقوله طيب جيب اي قرش اجيب للبنت تلاجه غساله اي حاجه يقولها وانا مالي هي مش ملزومه مني هاتيلها انتي ف طبعا أنا كنت اسمع الكلام دا أتأثر جدا جدا.. أن في والد صاحبتي كدا حنين جدا معاها وطيب ما شاء الله وانا والدي بالشكل المرهق للنفسيه داه ف المهم كنت بسمع كلام كتير منه من صغري زي بكرهك انا عمري ما حسيت انك بنتي كنا مثلا نبقي قاعدين بناكل كلنا علي الغدا والاقيه بيطردني يقومني من الغدا يقولي قومي منتيش واكله انا بكرهك ومش عايز اشوف وشك كانت ولدتي تقعد تقوله ليه كدا هي عملت فيك ايه يقولها انا مبحبهاش ولا عمري حبيتها نقوله ليه دا هي بتعملك ال انت عاوزه يقعد يقولها انا مبحبهاش انا بحب محمد ابني وبس نرجع للربع مليون جنيه راحوا فين! راحوا علي اخويا برضوا حسبي الله ونعم الوكيل فيه.. هو وبابا لان هو ال وصله ل كدا..ابويا كان بيسيب اخويا ف الشارع مع الناس ال مش كويسه بيببعوا حاجات محرمه كانت ولدتي تشوفه كدا تنقهر ف تمسكه تضربه يروح ابويا ماسكها ضاربها ويقعد يقولها دا ابني و يعمل ال هو عايزه قالتتله دا ابنك بيبع مطاوي للناس اتقي الله الولد هيطلع مفسود قالها و ماله لما يكسب في الحته ٢٠ جنيه سبيه وكان ف الوقت دا اخويا عنده ١٦ سنه... ابتدت الحكومه تدور عليه لأنه اتشهر و بالفعل مسكوه ابويا قوي قلبه لدرجه انه مبيخافش من حد حتي من ربنا استغفر الله العظيم يارب .. وصله حضرتك أنه يزني و يسرق و يبيع حاجات مش كويسه المهم دلوقتي الفلوس دي ضاعت كلها علي مشاكل اخويا..و مبقاش في أي فلوس حتي ماما كانت تقوله طيب اشتريلنا اي حاجه نقعد فيها كان يقولها اتصرفي انتي لغايه ما بالفعل اتصرفت و جبتنا هنا في ورثها من باباها في بيت باباها نفسه و بنت البيت من باب الله و ادينا قاعدين ابتدي ابويا يتغير اكتر.. حتي لدرجه انه بقا يشتم أهل البيت ال هما خيلاني اخوات امي و جدي الله يرحمه .. في يوم حصلت خناقه بين اختي الكبيره واخويا و كان هيموتها ف خلاني طلعوا يشوفوا في ايه راح بابا طاردهم وقالهم ملكوش دعوه لو قتلها ملكوش دعوه هات يا محمد الآلي من جوا و غربلهم هات الطبنجه و اقتلهم و قعد ينفخ في محمد لغايه ما بالفعل كان هيرتكب جريمه الولد ماشي ورا بابا منه لله بقا.. الحمدلله أن امي هي ال ربتني انا واختي. المهم حضرتك.. والدي جاله السكر ابتدي إنه صحته تضعف امي هي ال نزلت اشتغلت و هو قعد في البيت من حوالي٧ سنين بالضبط طبعا الفتره دي من أسوء فترات حياتي لان والدتي مش معايا و مبشوفهاش نهائي انا انام هي تيجي هي تنام انا امشي علي دروسي و مدرستي.. وابويا كان بيوريني ايام سوده... و اخويا طبعا ف مشاكله وكل شويه هربان من الحكومه و يتمسك حبه و يهرب و يرجع تاني يهدي و يرجع تاني يتمسك و يهرب و هكذا .. وانا ال متمرمطه واختي الكبيره مبترضاش تيجي علشان هي مبتحبهوش .. انا ال كنت معاه وكنت بخدمه واحده واحده مشيت الغرغرينه في رجله قطع صوبع في التاني لغايه ما قطع رجله كلها من تحت الركبه.. طبعا صعب عليا رغم كل الاذي النفسي ال هو مسببهولي وكنت بقعد اعيط عليه و اروح اجيب مناديل و ابلها و اغسله وشه اغيرله اكله اوضيه علشان يصلي اسنده يدخل الحمام اشيله من الكرسي علشان اسنده علشان يقوم حاجات كتير مهما ذكرتها مش هتخلص وده حقه عليا ولكن برضوا مكنتش بسمع كلمه حلوه واقول لوجه الله وكنت بسكت و بستحمل و مبقولش حاجه انا اه عمري في حياتي ما حبيته بسبب ال هو عمله فيا وفي اني امي دي قصتها قصه لوحدها ولكن امي معوداني أن اي حاجه نعملها ..لازم نكون راضيين و في نيتنا انها لوجه الله مش للي قدامنا وكنت بعمل كدا بالفعل.. طبعا حصل مواقف اكتر من الكتير مش هقدر اني اذكرها ولكن حبه حبه جه بتر رجله التانيه .. حقيقي متهزتش ولا صعب عليا ابدا ولكن برضوا كنت بخدمه لوجه الله بالنسبه أن احنا عايشين ازاي ف ولدتي بتقبض معاش كل اول شهر هو مش كتير ولكن الحمدلله علي كل حال وفي ناس أهل خير اوقات بيساعدوها وابويا طبعا أهله بيبعتوله فلوس كتير لكن بيبخل علينا بيبها واول ما اخويا يجي بيديهاله لأنه بكل ما تحمله الكلمه من معني بيخاف منه.. ماما قالتهاله والله قالتله هو دلوقتي صغير و محتاجلك تربيه تربيه صحيحه علشان لما تكبر انت ال هتبقي مكانه و هتصغر و هتضعف هتبقي محتاجه جمبك يسندك كان بيضربها و يزعقلها وبقولها مالكيش دعوه اعتبري ملكيش ولاد وامي مكنتش راضيه تتطلق علشان ظروف بيت اهلها ضعيفه شويه و محدش منهم حتي رغم كل ال هي فيه محدش قالها هنطلقك لا سيبنها بحرقه دمها كل يوم .. موضوع الفلوس دا حضرتك ابتدي .. إن اخويا من ال بابا منه لله عمله فيه بقا بيبع مخدرات..