شكيت ان في وحده ف حياته وسألته و انكر تماما بس لما...

شكيت ان في وحده ف حياته وسألته و انكر تماما بس لما سيبنا بعض مقدرتش اسكت وفضلت أتابعه لحد ماعرفت ان فعلا معجب بزميلته ف الشغل و كلمته و واجهته قالي اه انا بحبها و متكلمنيش تاني و ف لحظه كل الحب الي كان ليا بقا ليها ، هي رفضته و سابته وهو لحد انهارده و بقاله ٧ شهور هيموت عليها مع العلم احنا سايبين بعض من ٩ شهور هو ملحقش يرتبط بيها حتي شهر علي بعض بس حبها و بيفضل يقول عنها كلام ل اصحابه و بيكتب علي النت قد ايه متأثر ببعدها وبجد كلامه بيقطع قلبي ازاي الزعل دا عليها هي مش عليا انا !!!! احنا الي بينا كان كبير اوي معقول كان بيتهيئلي !! الي هيجنني ان هو الي حبني و فضل كتير علي مااهلي وافقوا و كان فعلا بيحبني ومتعلق بيا فوق الوصف كل دا اتغير ١٨٠° ، موجوعه اوي اني متزعلش عليا مع انه قبلها ب فتره لما بس اتناقشنا اننا ناخد بريك كام اسبوع كان ميت م العياط و مش قادر يبعد عني و بيقولي قد ايه ميقدرش يعيش من غيري، بس فجأه قدر !! مبيفتكرنيش ابدا !!! مع العلم ان كل خناقتنا كانت بسبب الغيره منهم كانت خناقه كبيره جدا عشان بس فكرت اقلع الطرحه يوم فرحنا والغريب والي مش فهماه ان البنت الي حبها بعدي مش محجبه اصلا !!! انا عارفه اني طولت بس انا جوايا حاجات كتير مش قادره اتخطي الموقف ابدا ، مش حبا في بس ممكن تكون هتبقي ازمة ثقه ! السؤال الي عندي والي اتمني الاقيله اجابه ، معقول ميكونش حبني و اول ماشافها حبها !!!! ولو دا حقيقي الي بينا كان ايه ؟! من كتر الحلو الي كان بيعملهولي معتقدش في حاجه زياده او جديده هيقدر يعملهولها .. ممكن يكون بينساني بيها ؟ طب ليه لما سابته فضل هيموت عليها هي بردو مش انا !! طب انا هثق ف اي مخلوق تاني ازاي ! دا واحد ف يوم و ليله قالي انا بحب غيرك و قدر يبعد عني بعد ماكان روحو فيا ، طول فترة خطوبتنا ماشوفتش الا كل الكلام الحلو والدلع و الحنيه و مكبرني قدام اهله قبل اهلي ، مين ممكن يقدم ايه تاني واثق في بعد الي حصل ! والسؤال الي هيموتني و بقالي ٩ شهور قلبي بيتقطع بسببه ، ازاي يمحيني من تفكيره كدا ، نسيني و حبها!!!!