السلام عليكم ورحمة الله وبركاته في بداية الموضوع...

السلام عليكم ورحمة الله وبركاته في بداية الموضوع انا شاب مصري عندي 34 عام ومتزوج ولدي ولد 10 سنوات وبنت 6 سنوات ومقيم في السعودية اتحدث عن مشكلة لا اعرف لها حل ولا اجد لها حل واعيش في كابوس من كثر المشاكل والزعل اللي بين زوجتي واهلي في بداية الامر انا متزوج من 2011 ونظرا لظروف أهلي ( والدتي كفيفة و والدي به امراض القلب والعين وبعد المفاصل ) ولدي أخ وأخت توفاها الله في عام 2015 بداية الموضوع انا سكن فيي محافظة واهلي في محافظة المسافة بينهما 23 كيلو تقريبا وان زوجتي منذ الزواج بدأت تشتكي من عدم اهتمام أهلي بها وعدم المجئ لزيارتنا مثلما تري جميع الاقارب او الجميع يهتمون بزوجة الابن من مجئ واتصالات ابلغتها ان ظروف أهلي ووالدتي ووالدي لم يسمح لهم بالمجئ قالت طيب علي الاقل اتصالات بالتليفون ابلغتها طيب اتصلي انتي وهما يتصلوا وهكذا بدأ المشاكل هما يتصلوا لما انا اتصل - اهلك مش بيسألوا عليا وكذلك خلفت اول ابني كذلك نفس المشاكل اهلك مش بيتصلوا حتي يسالوا علينا ولا حتي علي ابنك طب حتي علي الاقل ييجوا يشوفونا وكذلك المشاكل حتي سافرت السعودية وتركتهم سنة ونصف لوحدهم في مصر عند بيت أهلها وكذلك المشاكل اتصالات من اهلي قليلة جدا جدا جدا وتشتكي كثير انت ليه مش بتاخذ موقف مع أهلك ده حتي مش بيسالوا علينا ولا بيكونوا مكانك وانت مش مسافر طب علي الأقل يراعو ابنك عشان يعرفهم حكيت معها اكثر من مرة ظروف اهلي وقالت ماشي ميقدروش يجيوا بس علي الاقل تليفون واتكلم مع اهلي يقولوا ازاي لا هيا اللي لازم تتكلم وهيا اللي لازم تيجي وتخلينا نشوف ابنك وهكذا المشاكل بدات تروح وتيجي لغاية سنة 2018 لما زوجتي تسافر من السعودية لمصر اجازة وتقولي اهلك المفروض يتصلوا علي اي حد جاي حمدالله علي السلامة ويطمنوا علي ولادك لاكن مفيش حتي اتصال واحد واكلم اهلي يقولوا هيا المفروض تتصل بينا ومش بتراعي ظروفنا وانا اللي بكون الضحية في النص مابين اهلي ومابين زوجتي ولما بنزل اجازة باخذ زوجتي وبروح عند اهلي مرة او مرتين بالاولاد ووتشوف كده تقول طيب علي الاقل يجي يسلموا علينا قبل مانسافر وسافرنا من غير ما اهلي يجيوا وعرفت زوجتي بعدها ان اهلي سافروا القاهرة اسبوع ومن ساعتها بدات المشاكل يعني اهلك بيعرفوا يتحركوا ويسافروا ويروحوا ويجيوا وميجيوش حتي يطمنوا علي ولادك ولا يعرفهوم انهم موجودين ومن سنة 2018 لغاية الان لم يحدث اي اتصال بين اهلي وبين زوجتي ولا حتي بين اهلي وبين الاولاد لاكن بكلم اهلي عشان صلة الرحم وبقول ليهم عشان خاطر ربنا سهلوا الموضوع وخليه يتحل قاموا حالفين مش هيتصلوا بيها ولا بيهم الا لما هيا تتصل الأول ويقولوا هيا مش عايزة تجيب العيال وتيجي تشوفنا ولابتراعلي ظروفنا ولا بتشوف اللي احنا فيه و........ وزجتي تنزل مصر اجازة مرتين مع العيال ويجي رمضان والعيد ولم يحدث اي اتصال بين اهلي وزوجتي ولا حتي الاولاد من 2018 ولغاية الان رغم تدخلات والد زوجتي مع اهلي ويروح ليهم ويقول لهم طب حقكم عليها اعتبروها بنتكم الصغيرة ومخها صغير احنا كبار لازم نستحمل وفاهمين منخليش المواضيع الصغيرة دي توصل لكده في اولاد لازم يعرفوكم.ولغاية دلوقت ابني 10 سنين وبنتي 6 سنين ميعرفوش مين اهلي ولا حتي اخويا ولا حتي اي علاقة بيهم والموضوع كل مازوجتي بتسالني بتكلم اهلك بقول ليها اه بتقولي طب انت قابل الوضع ده ازاي تكلمهم ومش بتاخذ موقف في الموضوع ده ازاي حتي لما ابنك يسالك فين جدي ولا فين هتقولهم ايه ده حتي مرفعوش سماعة التليفون يسالوا علي عيالك مش عايزة يسالوا عليا بس ولادك يعني انت لو حصلك حاجة ولادك ليهم يتنسوا محدش يسال عليهم ولا يقولهم انتو فين حتي وزوجتي تقول انا مش مانعة ولادي عنهم عايزيين يجيوا يشرفوا في اي وقت البيت مفتوح لاكن انا مرحش عندهم ولا اتصل بيهم والموضوع فضل كده لغاية دلوقت اهلي منشفين دماغهم ان زوجتي لازم هيا اللي تيجي وتخلينا نشوف العيال وتتصل بينا والناحية الثانية زوجتي منشفة دماغها ان اهلي هما اللي لازم يجيوا ويشوفوا الاولاد ومشااااااااكل بقا والضحية الاولاد وانا انا مش عارف اعمل ايه بجد تعبت من كثر المشاكل وخايف اتكلم مع اهلي او اخذ منهم موقف في الظروف اللي فيها دول يحصل لوالدي حاجة او والدتي يحصلها اي حاجة من المرض وفي نفس الوقت اجي اتكلم مع زوجتي خناقات ومشاكل لاحصر لها وانا في غني عنها مش عارف اعمل ايه انا تعبت بجد ونفس حد يرشدني اعمل ايه او الموضوع يتحل ازاي

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

لا هذا فقط