إسأل دكتور الشريعة الآن
دكتور اشرف ابو الهيجاء
دكتور الشريعة
الأسئلة المجابة 16290 | نسبة الرضا 98.8%
دكتور الشريعة
السلام عليكم.. انا عاوزة اعرف رأيكم في مشكلتي انا...
السلام عليكم.. انا عاوزة اعرف رأيكم في مشكلتي انا مش لاقيالها حل. انا متجوزة من سنتين وعندي طفل عنده سنة ونص.. المشكلة بدأت معايا انا وزوجي من أول الجواز اني اكتشفت أن زوجي بيحكي أدق تفاصيل حياتنا لأهله كلهم وأبوه وأمه واخواته هم اللي بياخدوا قرارتنا في حياتنا واكتشفت انه كذاب دايما بيتكلم ويحلف كذب وكثير الشكوى لأهلي ولأهله وانا بصراحة كنت مضايقة جدا ومنت بتعصب جدا وبتخانق وازعق لاني مهما اتكلمت مافيش حاجة كانت بتتغير وكنت حامل بعد الجواز بشهرين وده خلاني عصبية اكتر ومش مستحمل اللي هو بيعمله. حتي الأكل اللي بيدخل بيتنا اهله اللي كانوا بيبعتوا بقيت الغدا بتاعهم أو انا بشترى من مالي الخاص وصرفت كتير اوى عليه وعلي البيت وعلي ابني وانا ماكنتش مضايقة اني بصرف انا اتضايقت لما في مشكلة من مشاكلنا دخل اهلي وجوز اختي واهله لقيته بيتكلم عني اوحش كلام وماكنش طامر فيه أي وقفة وقفتها جمبه. لحد ماكان في يوم شهر عشرة اللي فات كنا المفروض رايحين فرح متفقين عليه بقالنا شهور المهم يومها اتخانقنا لأنه غير رأيه وقرر اني اروح لوحدي الفرح منغيره وبعدها قالي مش حاتروحي خالص وانا كنت اصلا زعلانة لاني كنت عاوزاه ييجي معايا. المهم الموضوع كبر وكالعادة كلم اهله وأهلي وجميع البيت انا كنت مضغوطة جدا فاطلبت من والدى اني عاوزة اتطلق وطبعا لأن والدى ماكنش حابب الطلاق فاطلب منه أنه يبعد عن البيت شهر لأنه كان بيفكر أن بكدة حاتهدى النفوس وحانرجع عادي. المهم والده ووالدته لما وصلوا يومها فوجئت بوالده عمال يزعقلي ويتكلم بأسلوب وحش مع والدى وكان مصمم أن انا اللي انزل وآسيب البيت وكان طريقته مش مريحة وانا مارضتش انزل يومها وفضلنا متخانقين وقاعدين احنا الاتنين في البيت تاني يوم الصبح شوفت بياخد ورق يخص الشقة واخد شهادة ميلاد الولد لما شوفته بعد اللي حصل وتصميم ابوه انه ينزلني من البيت وفضل كل يوم يروح من الشغل يقعد عند اهله طول اليوم منغير حتي مايجيب أكل وشرب في البيت وكان يبقي طول اليوم عندهم ويرجع بليل علي البيت علي النوم وصحي الصبح يروح الشغل فضل كدا كذا شهر المهم انا رفعت قضية نفقة ليا انا وابني وعملت تمكين من الشقة علشان مايطردونيش تاني وفوجئت أن احساسي كان صح وطلع كان مغير عقد الشقة وكاتبه باسم والده من سنة كاملة وانا لسة حامل . ولما عملت تمكين باباه رفع قضية طرد بالاتفاق بينهم وكتبوا عقد إيجار وهمي مالوش أساس من الصحة أن هو مجرد الشقة من باباه وخلص عقد الإيجار وبيطرده طبعا ده كله علشان عاوزين يطردونا من الشقة وانا لسة علي زمته ويبيعوها وماتبقاش شقة حضانة للولد . ده غير أني اكتشفت انه عمال يتكلم عليا في مكان عملي لأن انا وهو بنشتغل في شركة واحدة وخلي كل الناس تجيب في سيرتي وكل اسرارنا خلاها علي المشاع. المهم انا كل ده ماكنتش رفعت قضية طلاق لاني مش عاوزة آخرب البيت علشان ابني المهم والدى قاله ماينفعش المكان اللي تكونوا عايشين فيه يكون مصدر تهديد لازم الأمان في العيشة اكتب الشقة بالنص باسمك واسمها وهو رافض تماما ويقول لا احنا نرجع لبعض منغير شروط وطبعا انا مش مامناله لاني ممكن فجأة الاقيه جاي ينفذ عليا طرد انا وابني واحنا معاه عادى وبيقول أن احنا باصين لشقة وفلوس وانا اصلا عمر ماحد طلب منه يكتب الشقة بالنص بيني وبينه غير لما هم عملوا موضوع الشقة ده وانا اصلا كنت بصرف علي البيت اكتر منه وعمر ماكنت باصة لفلوس وبابا قرر دلوقتي انه يرفع قضية طلاق لأن ابوه قال مش حايطلقها غير لما تبريه من كل حاجة طيب انا ابريه وكمان ياخدوا شقة الحضانة طيب اصرف علي الولد ازاي واخليه يعيش فين . المهم انه بيجي يقولي انا مش عاوز اطلقك نبدأ من جديد بس انا مش حاكتب الشقة بالنص يعني ينفع ارجعله كدة منغير أمان ولو وافقت ممكن في اي مشكلة ينفذوا حكم الطرد يعني مفيش أمان في الرجوع ده غير أن اهله وحشين اوي وهم اللي مقويينه علي الشر . انا مش عارفة اعمل ايه حضرتك شايف ان طلب والدى انه يكتب الشقة باسمي واسمه علشان أعيش في أمان ده غلط . ولو رجعتله منغير مايعملي كدة مفيش ضمان انه مايغدرش بيا وخصوصا انهم طلعوا بادئين الغدر من سنة كاملة قبل المشكلة الاخيرة
مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟
شكرا
إطرح سؤالك
إجابة الخبير: دكتور اشرف ابو الهيجاء
دكتور اشرف ابو الهيجاء
دكتور الشريعة
الأسئلة المجابة 16290 | نسبة الرضا 98.8%
الحمد لله والصلاة والسلام على رسول الله أما بعد فاعلمي سددك الله أن كثيرا من الأزواج لايدرك معنى اسرار الزوجية، وخصوصي البيت.
ولكن:
الصلح خير.
فرجوعك إلى بيت الزوجية افضل من تسجيل نصف الشقة باسمك.
فالواجب على الرجل تأمين مسكن للزوجة.
سواء كان مسجلا باسمها او مستأجراً، المهم أن يكون بيتا يتحقق فيه السكنى.
وعليك فإذا خشيت الطرد فاطلبي منه أن يستأجر بيتا غير هذا البيت.
واشتري عليه أن يكتم اسرار الزوجية.
واحتفظي بمالك الذي تجمعين من عملك احتياطا أن غدر بك.
رلاتنفقي على البيت ليشعر بالمسؤولية.
فارجعي إليه افضل لك ولولدك.
والله تعالى اعلم
ولكن:
الصلح خير.
فرجوعك إلى بيت الزوجية افضل من تسجيل نصف الشقة باسمك.
فالواجب على الرجل تأمين مسكن للزوجة.
سواء كان مسجلا باسمها او مستأجراً، المهم أن يكون بيتا يتحقق فيه السكنى.
وعليك فإذا خشيت الطرد فاطلبي منه أن يستأجر بيتا غير هذا البيت.
واشتري عليه أن يكتم اسرار الزوجية.
واحتفظي بمالك الذي تجمعين من عملك احتياطا أن غدر بك.
رلاتنفقي على البيت ليشعر بالمسؤولية.
فارجعي إليه افضل لك ولولدك.
والله تعالى اعلم
الرد من العميل
هو حيغدر بينا انا وابنه حايطردنا من البيت ولو استأجر بيت حايسيبنا فيه ومش حايدفع الايجار انا مش واثقة فيه ولا في اهله والدى طلب نصف الشقة باسمي لأنهم غدارين ومالهومش وعود ولا أمان انا مش عاوزة اتطلق لكن ماينفعش أعيش عمرى وانا مش متطمنة والخطوة دى كانت حاتحسسني بالامان
إجابة الخبير: دكتور اشرف ابو الهيجاء
دكتور اشرف ابو الهيجاء
دكتور الشريعة
الأسئلة المجابة 16290 | نسبة الرضا 98.8%
يصعب استباق الشر قبل حصوله، إن كان يريد الإصلاح فلابد من إعطائه فرصة.
على كل
اطلبي نصف البيت، فإن أصر على الرفض فتنازلي انت، واشتري عليه أن يدفع إيجار سنة كاملة.
والله تعالى اعلم.
على كل
اطلبي نصف البيت، فإن أصر على الرفض فتنازلي انت، واشتري عليه أن يدفع إيجار سنة كاملة.
والله تعالى اعلم.
إسأل دكتور الشريعة
دكتور اشرف ابو الهيجاء
دكتور الشريعة
الأسئلة المجابة 16290 | نسبة الرضا 98.8%
- 100% ضمان الرضا
- انضم الى 8 مليون من العملاء الراضين
المحادثات تتم ضمن هذه البنود
