انا متزوجه من ٨ سنوات وعندي بنت وولد وزوجي من بلد...

انا متزوجه من ٨ سنوات وعندي بنت وولد وزوجي من بلد ارياف تتبع مركز طوخ وكان متزوج وعنده ولدين قبل ان يتزوجني وحدث مشاكل بينه وبين زوجته وتم الطلاق عن طريق المحاكم وكان دايما بيقول ان والدتها بتدخل وهي اللي خربت البيت والصراحه انا لم اتحقق من اسباب الانفصال هو عنده شقته في بيت عيلته وكان من اتفاق الزواج انه يجيب شقه لي في القاهرة بعد سنتين من الزواج حسب اتفاقنا المهم تزوجنا وعشينا في شقته في بيت العيله وكان من ضمن كلامه ان زوجه الكبير متخدمش حد واني مش حينفع انزل اعمل حاجه خصوصا ان اخواته الاصغر متزوجين من البلد وزوجاتهم من نفس البلد وعلى درايه بعاداتهم وتقاليدهم وعشينا ٣ سنين على اتفاقنا ورزقني ربنا بالبنت وبعد ٣ سنوات توفيت احدي سلايفاتي وكانت اطيبهم الله يرحمها المهم طلب مني اني انزل اساعد سلفتي الاخري في خدمة والده ووالدته وفعلا نزلت وراعيت ربنا فيهم بالرغم من المعامله السيئة من حماتي وسلفتي الا اني استحملت عشان خاطره وبعد فترة اخوه تزوج وفي الفترة ديه انا تعبت وجالي غضروف ومكنتش قادرة اتحرك ومحدش سال فيا ونزلت لاهلي وهما اللي ودوني للدكتور وعالجوني وطبعا لما رجعت قررت ماانزلش عشان اقدر اخدم بيتي وبنتي لاني كنت تعبت فعلا وبداءوا اخواته ومامته يسلطوه عليا وفضلنا في مشاكل اغضب وانزل عند اهلي ويرجع ياخدني ويتعهد انه مش حيطلب مني اني انزل او اعمل حاجه غصب عني ويبقى كويس شويه وبعد كده يرجعو يسلطوه يعمل مشاكل معايا ومن سنتين ربنا رزقني بابني الصغير بعد ما اتولد بدات المشاكل بشكل اكبر لدرجة اني شتمني وضربني وجم اهلي وحصل مشكله كبيرة وهو عمل تعبان وراح المستشفي واهلي عشان يحلوا المشكله خلوني اعتذرت له وبوست راسه وفضلت تحت رجله لحد ما خف وهو رافض يكلمني وبعد ما خف قعدت شهرين في البيت راميني انا والعيال رافض حتي يودي طفل لدكتور كل المسئوليه عليا حتي المصروف مبقاش يسيب فلوس في البيت واهلي حاولوا يصلحوا وهو رفض فطلبت من اهلي انهم ياخذوني واطلب الطلاق وحصل فعلا وانا عند اهلي حاليا من سنه ونص وهو بيبعت مصاريف للعيال وانا لا ورافض يطلق واخيرا عاوزني اتنازل عن كل حقوقي عشان يطلق طالما انا اللي طالبه الطلاق على الرغم من ان زوجته الاولي اخدت حكم الطلاق بالمحكمه وعرفت بعد كده انها حصل معاها نفس المشاكل وانه برضوا ضربها واهانها عشان خاطر اهله السؤال هنا يا فضيلة الدكتور هل شرعا لازم اتنازل عن حقي طالما انا اللي عاوزه اطلق ؟؟؟واسفه على الاطاله ولسيادتكم جزيل الشكر

مساعدة المحامي: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

ضرورة الرد من فضلك