متزوجه من 7 سنوات و زوجي كان متزوج آتنين وانفصل...

متزوجه من 7 سنوات و زوجي كان متزوج آتنين وانفصل عنهم قبلي الأولى لها منه ولد والثانيه مكملش شهريين بس معاها عشت عمر صعوبة ومرار وكمان ساعات حلوة منو و معاه لكن الاسوء آكتر إجبار و تحكمات و حرمان من الاهل إني أروح وقت ما اعوز لكن كأنو بيجو و تحكمات إني اربي ابنو كأني امو و هو امو عايشه وهو أصلا زوجي سابو معاها ولما اتجوزنا مقاليش إن شرطو إن في يوم ابنو هيجي يعيش معانا وده سبب زواجنا ومن حوالي سنتين حتى هذا اليوم كل مرة يقولي هجيبو يعيش معايا و أنا عمري 33 و عندي منو ولد وبنت صغيرين جدا 6 و 5سنين وأنا بحب البس بحريتي جوه البيت لأنو بيمنعني برة البس إللي يريحني و رضيت بكل اوامرو و النهارده اختلف معايا تآني عن عيشت ابنو معانا و هو عمرو 13 سنه شاب يعني السؤال أنا رافضه الموضوع و لما قلتلو بكل هدوء أنا رافضه وإنت عارف رأيي قالي لما أقرر سيبينا وامشي وقتها وقلتلو عرفت إن من وقت جوازنا عمرى ما حسيت إن ليا بيت و رجع قالي ده بيت إبني زيكم وأنا شايفه إن البيت حقي وحق أولادي و رغبت عيشت ابنو عندي مش من حقو لأنو ما شرطش ده قبل جوازنا و أنا خايفه جدا من إللي جاي بجد مش عارفه أعمل إيه وخايفه في يوم أكره حياتي كلها واغضب ربنا أرجو الرد عليا أنا قلتلو إن ده الحق وكلام الدين وربنا كده قالي ده مين اللي لا يعرف في الدين ده الكلام ده غلط وإللي قالك حد جاهل وإنتي بتعملي تفكك أسري وإنتي كده إنسانه وحشه وقلتلو يعني لأني بقول الحقيقة والواقع بتقول وحشه هو أنا إللي خليتك تطلق مامتو وتسيبو وهو لسة عندو سنه ليه تعاقبني بذمب ما ليش دعوة بيه وكمان أنا من وقت ما أنجبت أول ولد ليا أجبرتني إني أخد ملابس أخوه إللي من أم تانيه وأفضل احوشهالو لحد ما يكبر ويلبسها و فضل يقولي هنشتريلو برضو وأنا رفضت واعترضت لأنو إبني البكرى ومش حابه انو يلبس حاجه استعملت من غيرو حتى لو انو أخوه بس مش إبني علشان أوافق ومش عارفه برضو هل ليا حق في ذلك و قالي إن ابنو ليه الحق في بيتي و يورث منو كمان إذا توفي هل ده صحيح أنا بسأل علشان ربنا ما يحاسبني بجد لأني لو مرات اب فعلا أو زوجه وحشه زي ما بيقول ما كنتش رجعت لأهل الفقه والدين اسألهم والله على ما أقول شهيد أرجو إجابتي و أرجو الرد إن لما ارفض ربنا فعلا مش هيحاسبني وإن من حقي يكون ليا سكن خاص بيا وإن لو توفي زوجي ابنو ملوش حق يخرجني في يوم من بيتي ويقولي ليا حق فيه و ده ميراثي وليا فيه فلوس زيكم وهل ده يحق ليه في الاساس أم طالما الزوج له طفل من أم أخرى و مطلقه كمان منو يبقى الواجب أو الصح يكتبلو حقو بعيدا عن حقي وحق ولادي هل أنا صح ولا غلط ارجووووووووكم فيدوني بما كتبه الله لحق الزوجيه