مرحبا، انا مرتبطة بشخص في علاقة غرامية من ٣سنين...

مرحبا، انا مرتبطة بشخص في علاقة غرامية من ٣سنين احنا طلاب في نفس الكلية والدفعة اعمارنا قاربت لل٢٤ المشكلة اني ماحس حبيبي ينتمي لهذي الفئة العمرية كفكر وتصرفات.. تصرفاته كأنه مراهق وهو عصبي جداً مايعرف يتحكم بعصبيته وردود افعاله سريعة وغير منطقية وعنده حكم سريع على الأمور والاشخاص يعني شخص أبداً غير عقلاني ودائماً ظنه سيء بالناس، انا اعرف انو يحبني و وعدني كذا مرة انو يتغيير واحسه صادق بلحظة الي يعطي الوعد لكن بعدين ومع اي خلاف بينا ينسى كل كلامه و وعوده بل بالعكس لو كان مسويلي شي طلبته انا قبل يرجع يسوي عكسه بوقت الزعل لهذا اني ماحس انو رجل ناضج واعانده بكثير أمور لان ماشوف رأيه صائب وهو يعصب ويزعل وحته توصل معه انو يهددني بالفراق والانفصال لو اني ماسمعت كلامه وانا مو عبثاً ما اسمعه بس لأني اعرفه شخص عجول ويعطي حكم سريع بدون تفكير وتأني وبدون حته لا يعرف رأيي او بشنو انا افكر وهو دائماً يسمعني كلمة انو انا الرجال وكلامي تسمعي وبدون نقاش ومعارضه وعناد وانا اعانده لأني اشوفه هو مامحترم كلمته وماملتزم بيها ولا بوعوده فكيف راح احترمها انا؟ من بعد هذي العلاقه الطويله اكتشفت انو والده عنده هذي الاطباع من العصبية المفرطة وغير المبررة الى ردات الفعل القوية الي لاتستوجب الى حب فرض السيطرة الكاملة وسلب المقابل حق النقاش والرد وكل الأمور السلبية الي بي هي متوارثة عن والده وعن افعاله الي يقوم بيها فالبيت ومع والدته وبالمقابل والدته امرأة سلبية ترضى على نفسها الإهانة وتسكت بل وتقنع ابنائها انو تصرفات والدهم معها هي الطريقة الصحيحة للتعبير عن الحب وبالتالي هو ديعاملني بنفس الطريقة ويقول لأني احبج.. بالأضافة انو يتأثر كثير بكلام الناس علي ورأيهم بي فلي يمدحة ممكن يسويله اييي شي حتى لو كان هالشي على حساب علاقتنا رغم اني متأكدة انو يحمل الي مشاعر حب حقيقية لكن طريقة تعبيره عنها هي الخاطئة واتصور اهتمامة برأي الناس نابع من انعدام التقدير له في عائلته لانه يتعب لأجلهم كثيير ومايجد منهم كلمة طيبة بل دائماً يحاسبو وينتقدو وسالبين منه حق التدخل واعطاء رأيه بأي شي وخاصة والده، بالنتيجة هو دائماً يحاسبني على اتفه الأمور ودائماً يربط المواقف الي تصير معنا حالياً بالمستقبل لما نتزوج ونكون في نفس البيت كثير يفكر ويشيل هم هذا الشي ولما اسأله يكول لان ماريد يصير بينا اي مشاكل بالمستقبل عايش بخوف وقلق دائم من المستقبل كأنو ميريد يعيش الي عاشه مع اهله مرة ثانية فيتخييل أمور مالها وجود اصلاً ويحاسبني عليها كثير حاولت اقنعه انو الوضع يختلف تماماً لمه نتزوج وانو لازم نعيش اللحظة هذي ومنفكر كثير بلي جاي لكن خوفه هزم ثقته بيا وبحبنا.. ماعرف اذا كان تحليلي صحيح وكل تصرفاته ناتجة من عقد سببها اهله وتعاملهم السيء بين بعضهم واله وهل هالشي له حل وممكن بهالعمر يگدر يبني ثقته بنفسه ويكون شخصية قوية ومستقلة ماتتأثر بكلام الناس حته لا يستغلو ويعرف يحدد أولوياته ويقول لا لشيء ممكن يضره وانو يبدأ يفكر بالحب والعلاقات تفكير سليم مستقل بعيداً عن بيئته الي خلقت بداخله هذي العقد وممكن يبدأ يفهمني ونقدر نبني اسره اساسها الحب والتفاهم ام ان الوقت فات وراح يبقى يمشي على الأساسيات الي متبعها والده وجده واعمامه مع قناعته انو هكذا تكون الرجولة؟؟ .. اني جداً احبه ومستعده اسوي اي شي حته اساعده يتحرر من هذي العقلية ويكون انسان حر بتفكيره و ذو شخصية قوية ومستقلة يثبتها بأفعال الرجولة الصحيحة مو مجرد بقول (انا رجال) ناقصني احس معه بشعور الأمان اني مع رجل حقيقي مو مجرد مراهق يحب يفرض شخصيته ارجوكم ساعدوني ودلوني عالطريقة الصحيحة وهل تحليلي منطقي وصحيح او لا.. شكراً جزيلاً