السلام عليكم ورحمه الله وبركاته. أنا أسمى صافيناز...

السلام عليكم ورحمه الله وبركاته. أنا أسمى صافيناز وكنت سالت حضرتكم كذا مره وانا واثقه بأنكم بتفدونى.. أنا مش عارفه إبداء منين والله بس أنا حبداء مشكلتى مع بابا أنا بكره جداااااااا فوق الوصف من بعد وفاه امى وهو كان بيزعق كتير اوووووووى ليا وبخيل علينا ومش بينزل خالص من بيت وانا بنزل اجيب كل حاجة وديما بيكلم صحابه ويقولهم إنه ام واب فى بيت وهو اصلا كداب جدا أنا عمرى ما حسيته ام ولا اب أنا بتمنى موته كل يوم عن إلى قابله ولو حد عايز اى حاجه يكلمنى أنا ومحدش بيروحله ومالهوش صحاب تماما قاعد فى بيت كتير جدا لدرجه ان وشه اسود وشكلة علطول مكشر وكلام ديما بيطلع فيها كميه طاقة سلبيه كل حاجه بتطلع لما اموت ختعملو ايه مع أنه لو مات عادى حنكمل إلى احنا بنعمل كل حاجه أنا واخويا ديما يقول حتتحرقى حتعجزى وكلام من النوع ده لحد ما تعبت حاولت اتكلم معاه بيزعق كتير انى ازاى اتكلم أنا المفروض اقول حاضر مع العلم سنى 32 سنه وهو 68 سنه ومع انى برضه بنت باره لامها وأبوها برغم كل القرف ده ويسمع كلامه فاى حاجه علشان ربنا فقط. مش علشان حب فيه وكمان عشان الدنيا تمشى بس الى ضايقنى اكتر أن اخويا عنده تلعثم من صغره وهو طوال الوقت بيقوله يا فاشل يا إلى معندكش شخصيه مع صحابك برضه مع العلم اخويا والله محترم جدا اقسم بالله،، اقسم بالله اخويا فعلا غلبان ومحترم فوق الوصف بس أنا مش عارفه اتصرف ولا عارفه اكلم.حد مالناش حد مع العلم برضه أن ابويا عميد بحرى مهندس على معاش يعنى الحمدالله بيئه اجتماعية كبيرة بس هو ديما بحس بيه أنه ضعيف مع الناس وأنه حاسس بدنى مع الناس أنا بجد مش عارفة اتصرف اخويا حاسه ببضيع منى وانا بكره جدا لدرجه انى بدعى عليه بالموت ونفسى يموت عشان نفرح حتى على الأقل الفرحه مش عايزه تخش بيتنا نهائيا طول الوقت سلبببببببببببى طوال الوقت نكد والله والله مافيش ضحك تماما بيهرب من حياته بابا ويتفرج على مسلسلات تركى ويعيش فيها يومنا يبقى اسود لو حد من الممثلين مثلا مات ارجوكم ارجوكم ساعدوني أنا عارفه انى كلام مش مترتب بس جوايا كتير اوى ومش عارفه اتصرف وشكرا على حسن استماعكم ليا ♥️