معرفش انا مريضه ولا شديدة المرض انا محتاجه حد...

معرفش انا مريضه ولا شديدة المرض انا محتاجه حد يقولي مالي بعمل تصرفاتي دي ليه انا ارتبطت بشخص اكتر من ٨ سنين بحبه وجدا كمان انا واثقه من ده خلال فتره ارتبطنا حصل تجاوزات كنت بسيبه وبرجعله وكنت بخونه كتير جدا لدرجة تجاوزت مع ناس تانيين انا كنت مستحقره نفسي كنت بتوب وبرجع وبتوب تاني سلسله طويله من القذاره دي بس الاصعب من ده اللي اكتشفته كنت معاه وقالي انه يعرف كل حااااجه عني من يوم ما عرفني عن طريق تليفوناتي كان بينزل عليهم برنامة بيفتح الكاميرا وبيشوف كل حاجه كنت بعملها رسايلي كان بيبقي عارف اني بخونه انا معرفش استمر معايا ٨ سنين ليه لما كان عارف كده انا بدأت اكون وحشه اوي كده من ٣ سنين تقريبا والله معرفش السبب معرفش بعمل كده ليه انا رغم اني كنت عارفه اني قذره الا اني اتعريت قصاد نفسي قدامه حسيت اني اتفضحت قصاد نفسي رغم اني عارفه اني وحشه بس كتير كنت بحاول اتصلح وبرجع تاني للاسوء هو خلاص كده انا بقي ميؤس مني؟ مش هتصلح انا مش مرتبه كلام ولا احداث ولا اي شئ انا بس تعبت كان اهون عليا اموت ولا اسمع اللي سمعته امبارح يشهد الله انه حتي مأنهيش روحني لحد البيت عشان متعبش ف الشارع بس انا اتعريت قصاد نفسي حساني توهت كتير كنت بطلب من ربنا يساعدني في اني ابطل القرف اللي بعمله وكتير اكتر كنت بحس لا انتي ربنا خلقك وحشه كده انا تعبانه والله تعبانه اوي