من ٢٠٠٩ لي يومنا هذا عطيت زوجي رخصه تجاريه للعمل...

من ٢٠٠٩ لي يومنا هذا عطيت زوجي رخصه تجاريه للعمل فيها او تاجيرها عشان يطلعلي مردود مالي وأجر الرخصه بس كل ماسالته شلون اجرتها سنوي ولا شهري وبكم مايعطيني الجواب االشافي كلا ماادري وامشي وارجع اسال نفس الشي لي من شهر اتصل علي محامي يقول عليج ضبط واحضار لانج ماجره عقار باسمج وقت الجائحه ولم تسددي الاجار لمده ٦ شهور فنصدمت انا مااجرت ولا اعرف شي باالموضوع قتله اكيد زوجي كلمه وانا بعد بدوري بساله يوم سالته قال اي هذا الشخص اعرف وبلغه بدفع جميع المبالغ المطلوبه هذا من جهه طبعاً ماعطيه الرخصه بدون علمي وبدون مبلغ مادي فاتحها سبيل ومن جهه ثانيه كذلك مأجر الرخصه لشركه اعتقد كربائيه او مواد ثقيله لاشخاص ثانيه هنود هذي اللي كل مره اساله عنها مايعطيني اجابه صريحه والحين بعد السالفه السابقه طالبته باالرخصه للشركه الثانيه قتله اذا ماتدري علي اي اساس تقبض الاجار وشنو النسبه او الاجار المتفق عليه عطي رقم صاحب الشركه انا اكلمه كوني صاحبه الرخصه زعل واني مخونته ووووالخ ولي الحين كل ماطلب منه مبلغ دايما ماعندي فتحت معاه الموضوع قتله كلم الهندي ابي الفين الحين لاني عندي بونيان في البيت وناقصني مبلغ طبعا رفض بحجه انه ماخذ منه مبالغ وايد قتله ليش ووين راحت هاالمبالغ يقول ع البيت وعملت اسناني وغيرها من الامور اللي ماني عارفه وين راحت قتله خاف الله فيني وهذي تعتبر اموال اليتيم كون والديني متوفين ووالدتي معطيتني هاالرخصه لتعيني في حياتي وانا عطيتك عشان يرجعلي مردود مالي لكن لم اقبض ولا فلس انا مااقول زوجي خاين ولا اشك فيه لان معروف باالنزاهه بس ليش سوي معاي جذي هل اعتبر الرخصه من حقه وانا وين حقي باالموضوع وطبعا كل مافتحت معاه الموضوع يزعل ويطلع من البيت مايرجع لي اخر الليل شسوي بهذي الحاله انا عارفه لا الشرع ولا القانون يرضي بهاالشي ولا ابي ادخل معاه في مشاكل اخر وعندنا احفاد ابي حديث ديني لبعض المشايخ لعل وعسي يحس بغلطه او اهو حاس بغلطه بس مايبي يعترف وانا محتاره بأمري 🤦‍♀️بس اللي اعرفه مايجوز ياخذ شي مو له وليس بعلمي ارجو الرد علي اكون شاكره لكم 🌹