بقالي متجوزه ٩ سنين حصلي ٧ مرات حمل وكان بيحصلي...

بقالي متجوزه ٩ سنين حصلي ٧ مرات حمل وكان بيحصلي اجهاض في الشهر الخامس . وبعد المرور على دكاتره كتير واشاعات كتير اكتشفوا ان عندي انواع معينه من الاجسام المضاده هيا اللي بتسبب الاجهاض وكان الاجنه كلها ذكور . وكان لازم علشان اوقف الاجسام المضاده دي اخد دواء يوقف عمل المناعه في الجسم علشان متنتجش اجسام مضاده وهو الكورتيزون .  و فعلا اخد كورتيزون بكميات وقفت المناعه تماما والحمد الله حملي كمل على خير وربنا رزقني ببنت .والدكتور كان شاكك ان كل اجهاضي بيحصل لو الجنين ذكر بس . بس ماكنش هيقدر يحدد ده طول فتره حملي . بعد ما خلفت بشهرين اكتشفت ان بسبب وقف عمل المناعه جسمي كون خلايا سرطانية في الغدد الليمفاويه . والنوع ده بالذات من السرطان بيجي بسبب نقص المناعه . وخدت علاج كيماوي ولسه متعافيه في اخر شهر ١١ اللي فات الحمد الله. وعندي متابعه بإشعه بالصبغه ومسح ذري على الجسم كل ٣ شهور لمده سنه. سؤالي انا عرفت اني حامل في الاسبوع الخامس من يومين . والمفروض اني اروح لدكتور الاورام وبعده دكتور النساء اللي هوا بالتبعيه دكتور الاورام هيمنع الكورتيزون علشان المناعه ماتنزلش ويتكرر اللي حصلي تاني خصوصا اني لسه ماعدتش فتره الامان بتاعت التعافي التام من السرطان وهيا بتبقى خمس سنين متابعه . ودكتور النساء هيطلب ان اخد الكورتيزون علشان الحمل يكمل . انا مش عارفه اعمل ايه ؟ ايه حكم الاجهاض علشان مافيش اي دكتور من الدكاتره بتوعي بيقولي انه موافق على الاجهاض الا بالرجوع لدار الافتاء

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

تم كنابه كل السؤال