انا مش عارفه حضرتك هتشوف مشكلتي تافها ولا لأ بس هي...

انا مش عارفه حضرتك هتشوف مشكلتي تافها ولا لأ بس هي أذياني اوي انا عندي 16 وداخله على ال17 في اولي ثانوعي اتحجبت في شهر 8 قبلها كانت ثقتي في شكلي مهزوزه مع ان كلام الناس كله بيقولي ان شكلي حلوه بعد ما اتحجبت كله قالي ان شكلي بقي احلي وكدا انا قبل ما اتحجب كنت بحب شكلي بالحجاب لكن بعده انا ثقتي بنفسي تقريبا انعدمت مبقتش شايفه نفسي حلوه خالص بس شايفه البنات المحجبه حلوه او بضايق لما بشوف واحده بشعرها المهم انا جربت كل الحلول مع نفسي في الاول قولت اكيد عشان التغير يمكن لما اتعود علي شكلي احبه وبعدين قولت لا ده اختبار واقرب من ربنا وقربت وبعدين قولت اخرب اشكال والوان جديده جربت تقريبا مفيش حلول تانيه انا اتكلم مع ناس كتير حوليا كلهم بيقلولي معلش بكره هتتعودي بس انا داخله في 6 شهور مش حبانيايوه فعلا انا وانا صغيره كانو صحابي مش بيحبو يلعبو معايا وكانو بيتريقو عليا اهلي برضو وانا صغيره ملقتش الاهتمام والحب غير بتاع 10٪ كانو كلهم مشغولين بأخواتي لانهم كانو ساعتها بيتجوزو واهلي كامو بيشتغلو كتير عشان مصاريف الجواز وكدا وحتي لما جابو اولاد كان الاهتمام كله للأولاد انا كنت في مدرسه راهبات وكانت معاملتهم حلو اوي اوي لينا وروحت السنادي مدرسه حكومي لان مدرستي لحد اعدادي بس قعدت فيها 11 سنه كونت صحاب اه وكانو ديما يبعدو وكدا وبحاول مخسرهمش لحد ما فلت ايدي السنادي لقتهم كلهم بعدو بس لما حد بيطلب مني حاجه مش بقوله لا لما روحت مدرسه حكومي مروحتش غير 4 مرات بس انا مش متقبله فكره اني سبت مدرستي اللي بيعملونا فيها احسن معامله وروحت مدرسه حكومي وكمان معملتش صحاب اصلا بعد اللي راحو بحس اللي حوليا مختلفين عني ومش شبهي سواء في الدروس او المدرسه حاولت ومعرفتشاهلي برضو كانو ديما يقارنوني بواحده صحبتي اشطر مني في ابتدائي جيت انا في اعدادي ال3 سنين طلعت من الاوائل الحمدلله وفي اولي ثانوي كمان بقفل الشوامل وبجيب فيها دراجات حلوه بالنسبه للنظام الجديد انه صعب ومش بيجي من المنهج وباحد شهادات تقدير ومبحسش انهم فرحانين او مش الفرحه اللي بتوقعها ديما اصلا بيزعقولي لاسباب تافه ومفيش تفاهم تقريبا غير 20٪ وبسكت ومش بتكلم يعني بستني ينامو واعيط لوحدي في الأوضهوكمان بنات خلاتي وولادهم مش قريبين من بعض يعني بحسهم مش متقبلني وبقعد معاهم ساكته ديما في اي زياره او قاعده عائليه وبحس كمان انهم مش بيحبونا او مش بيتمنولنا الخير انا في مواقف كتير اوي اوي من صغري وانا فكراها ومضيقاني وتعباني + اني كلمت دكتور نفساني بتفاصيل اكتر من علي النت وقالي لازم اروح عياده والعلاج هيطول احتمال وانا الموضوع تاعبني اوي اوي ومش عارفه اعيش حياتي طبيعي وجربت كل الحلول اللي في ايدي ومنفعتش