السلام عليكم

السلام عليكم

مساعدة الخبير: هل لديك أي معلومة أخرى تريد أن تطلع دكتور الشريعة عليها قبل أن أقوم بإيصالك به؟

انا مكتوب كتابي، ومن فتره كبيره حصل مشكله بيني و بين أمي و الموضوع كبر اوي و قعدنا فتره منتكلمش بس انا نيتي كنت اصالحها بس هي مكانتش مدياني فرصه و بقت تتعامل معايا وحش من وقت ما ظروف شغلي اتغيرت و مبقتش بديها فلوس كتير أو اجبلها حاجات كتير زي الاول و اخويا ربنا كرمه و بقى معاه فلوس و بيديها فلوس كتير فا هي اتغيرت معايا و انا زعلت جدا لما اكتشفت انها بتحبنا عشان خاطر الفلوس، المهم يعني المشكله كبرت اوي و روحت قعدت يومين عند صحبتي و لما رجعت هي اتصلت بوالدي والدي شغال في السعودية و هو شديد شويه و كدبت عليه و قالتله أن انا سبت البيت ٦ ايام و هي مكانتش تعرب عني حاجه رغم أنها عارفه اني عند صحبتي و دايما ببات عندها أو هي عندي و بابا قرر يحبسني في البيت و انا سكت على اساس يومين و الجو يهدي و هي رضيت بحبسي في البيت شهر بتعاملني اسوء معامله مباكلش معاها و مبشربش معاها و بنام لوحدي و مبخرجش من باب الشقه و لو مخرجتش من الاوضه يومين مبتفتحش باب الاوضه تبص عليا كل ده جوزي ميعرفش حاجه لأنه بره مصر هو وأهله بس حماتي نزلت مصر فا انا قررت اسيب البيت و فعلا مشيت و قعدت شهر بره البيت هي مفكرتش تدور عليا و لما حماتي عرفت اللي حصل خدتني و راحتلها تصالحنا مرضيتش و قالتلها أن بابا قايل أني معدتش في البيت خلاص و حماتي قالتلها انا هكلمه استسمحه و لما كلمته طردها و طردني تقريبا و مشيت مع حماتي من القاهرة روحت قعدت عند جده جوزي في اسكندرية ٦ شهور امي مبتسالش عليا ولا تعرف عني اي حاجه و لما حماتي حاولت أكلها عشان كنت بصعب عليا من العياط و ان امي و اخواتي وحشوني مكانتش بترد و كل لما حد من طرفي يكلمها عشان يصلح تكدب و تسوء صورتي بطريقه انا مش مصدقها و اخيرا انا حاولت اتصل بيها عشان ربنا ميحاسبنيش على قطع صله الرحم رغم أنها خلت اخواتي كلهم يقطعون مبتردش عليا و مش عايزه تكلمني، انا والله كنت تحت رجل امي بمعنى الكلمه و ربنا شاهد عليا كنت براعي ربنا فيها و كل خير كنت بعمله مع أي حد كنت بعمله بنيه أن يتردلي في امي و اخواتي عشان انا بحبهم و بخاف عليهم انا بس خايفه ربنا يحاسبني على قطع صله الرحم و صعبان عليا ابويا الشقيان ده أن هي توصله أن بنته وحشه اوي كده و انا مش كده والله هي دايما بتكدب عليه و دايما بتتكلم عليه وحش قدامنا و قدام الناس رغم أنه راجل بمعنى الكلمة و متدين و بيراعي ربنا في كل تصرفاته و كان بيحبني و انا بحبه جدا بس هي الله يسامحها بوظت علاقتي بيه، انا اسفه اني طولت اوي كده، بس عايزه حل، و شكرا.