السلام عليكم انا بصراحه مش عارفة ابدء سؤال ازاى...

السلام عليكم انا بصراحه مش عارفة ابدء سؤال ازاى او اوضح ايه بس بالمختصر انا متزوجه من حوالى ١٥ سنه ولدى ٤ اطفال كنت بحب زوجى حب جنون لاكن حاليا لا اشعر باى حب اتجاه نتيجة لافعاله متراكمة في قلبي ع مدار السنين مش قدرة انسي ولا اقدرة اسامح ولا عارفة اعيش حياة هادية .... حولت كتيير اتعايش عشان البيت والاولاد بس حقيقي مش قدرة اعصابي تعبت مش قادرة اديه حقه كازوجه وخايفة لنقطه دى تكون حرام عليا عشان بحرمه من حقوقه بس صدقا مش قدرة استحمل وطلبت منه انه يتزوج عشان مايبقاش حرام عليا ..... هو برضو بيحاول يبقي كويس عشان البيت والعيال وبيطلب منى انى اكون كويسة والل انا عايزاه هيعملهولى ... بس انا خلاص مش عايزة حاجه ولا في حاجه هتبسطنى .. انا عايزة اعيش لوحدى حسة انه خنقنى .. وهو موجود بحس ان في جبل ع صدرى كتم الهوى عنى بتقل فزيع وتوتر غير طبيعى .. او مابيخرج من البيت بحس ان الجبل ده انزاح وبكون مرتاحه .. انا دلوقت مش عارفة ايه الصح وايه الغلط ولا عارفة اعيش كويس وديما عصبية وبتعصب ع الاولاد ومش عندى طاقة قعد معاهم ولا اتابع مشاكلهم ومذكرتهم .... مش عارفة اعمل ايه عشان ارتاح ... واية الحل في حالتى دى .... علما انى حاولت اتناسي واسمحه ونعيش كويس بس مش قدرة حسة انى عايشة مخنوقة وبمثل ومش عايشة بطبيعتى .. ممكن راي حضرتكم انا نفسي اعيش براحه بدون قلق ولا توتر بس مش عارفة ازاى .... وكل مااطلب منه يسيبنى لوحدى فترة من الوقت بياخد كلامى بستهزئ ويقولى انتى هبله ويفضل الوضع كما هو عليه يااعيش وامثل وكتم جوايا ... يااكون صريحه انى مش طايقاه ولا عايزة اعيش معاه . وحتى اما بقوله كده بياخد كلامى بستهزئ مش مصدق ان ده فعلا حقيقي الل جوايا ... ونقطه انا خايفة منها لو حصل انفصال وضع الاولاد هيكون ايه هل هيصرف عليهم ولا لاء ؟؟! ولو قلتلى استحمل عشانهم انا استحملت بقالى ٥ سنين مستحمله عشانهم وقول معلش اهى عيشة وخلاص هعمل ايه ... بس اعصابي تعبت ومش قدرة استحمل اكتر من كده .. نفسي اعيش مرتاحه .... مع انى عارفة ان مافيش حد مرتاح وكل البيوت فيها ويمكن مشكلتى تكون تافه بس بالنسبة لى خلاص كده انا مش قدرة استحمل تانى ...