السلام عليكم ورحمة الله . أخي عمره ١٨ سنة متوتر...

السلام عليكم ورحمة الله . أخي عمره ١٨ سنة متوتر ومعصب علينا جددا وكاره امه وابوه واخوانه واخواته بس يسبنا ويصرخ علينا ويبكي بحرقه احنا ما سوينا له شي كل ما حاولنا نهرج معاه بهدوء عن الشي الا مضايق فيه مننا يعصب ويزعق كاره الحياة جددا

مساعدة الخبير: هل راجعت دكتور نفسي من قبل؟ أو حاولت أي شئ آخر؟

لا احنا محنا عارفين اشبه

مساعدة الخبير: هل لديك أي معلومة أخرى تريد أن تطلع الدكتور النفسي عليها قبل أن أقوم بإيصالك به؟

اخويا عنده مشكلة من صغره راسه حجمه صغير وقالوا لامي وابويا انه هادا مستحيل يعيش وعاش الحمد لله وسوا له اشعة على راسه كثيرة قالوا ماعنده اي مشكلة بس الجمجمه ضاغطة على منطقة صغيرة في الذاكرة وهوا بالفعل عانى شويه في دراسته كان يستوعب ويحفظ متاخر لمن كان صغير يعني حق سنه أولى ابتدائي الحروف والارقام عرفها امكن في سن الثالث ابتدائي وكانت امي تبذل قصارى جهدها انها تعلمه زي ما تقولي كان عنده صعوبة في التعلم كمل في التعليم عام عادي اذا ان المرشد الطلابي ارشد بابا انه يكمل مع طلاب عاديين وما يوديه مدارس صعوبات تعلم او اعاقة عشان هوا اخويا مافي شي بس عنده صعوبة تعلم وخاف المرشد يصير له عقدة نفسيه لانه راح يكون مع معاقين ويحس انه زيهم .. طبعا عمي كان يعمل مدرس في نفس مدرسة اخويا وبابا وداه معاه عشان يحس انه معاه سند المهم كان الاساتذة يخبىوا عمي بمستواه المتدني وهوا يهزئه ويهزئه والطلاب يتريقوا عليه عشان شويه عنده لدغة وكلامه اخد فترة الين اتعدل ولمن يهرج ما يعرف يقول كلام متصل كان يكبت في نفسه ويزعل وحمل كل الاساءات دي في قلبه ومن ناحية ثانيه كان الناس الطلاب او اي شخص يشوفه برا يتريق على شكله لانه كان راسه صغير وجسمه دبه كنا نشوفه يزعل ويرجع عادي ما يفكر ويضحك ويلعب وقلبه جددددا طيب لمن صار عمره في الثانوي او المتوسط كان طوله مو داك الطول الا زيي اقرانه فبابا وداه طبيب غدد وكتبوله علاج وهوا من وقتها صار يعصب على تهلي دوبكم تعطوني ابر فينكم من اول وكان ياخدها بالزور والقوة والدحلسه الى ان رفض انه ياخدها تماما لانه اخويا اصغر منه كان عنده مشكلة في النمو والطول وكدا وكان ياخد زييه ابر وما شاء الله طول وهوا ما كان ينتظم عليها زي اخويا فما اثرت في طوله فلمن قابل الطبيب الطبيب لامه وعاتبه وقله شوف اخوك كيف طول وانت لا من بعدها صار مصر انه ماااا ياخدها وصار اي شي واي تصرف يفسره بعدوانيه وبس يزعق علينا وكاره امي وابي واخواني واحنا البنات وبس هايج ويكسر الاشياء الا حوله .. نبغا حللللل ضروري