إسأل دكتور شريعة الآن
الدكتور اسحاق الحواري
دكتور شريعة
الأسئلة المجابة 24430 | نسبة الرضا 97.7%
كنت عايزة اسأل سؤال مش عارفة من اختصاص حضرتك ولا...
الرد من العميل
انا كنت مخطوبة سنة ونص وكنت فى حالة كويسة انا واللي كان خطيبي ومبسوطين بس هو كان مديري فى الشغل هو وابوه واخوه وجيه علشان يتكلم مع والدي فى معاد الفرح اتلكك واتخانق معايا وفى الاسبوع اخوه كلم اخويا وقاله كل شئ قسمة ونصيب اخويا حاول يتفاهم معاه لكنه فشل واخوه طلب الشبكة فى اخر المكالمة
الرد من العميل
انا معملتش حاجة علشان يتلكولي هو واهله وحتى لو كان مشكلة مع بابا رغم ان والدي مغلطش بس برده المفروض انا مليش ذنب خصوصا ان والدي ولا زعقله ولا شتمه ولا غلط فيه واخويا فهم اللي كان خطيبي انه يجيب اهله ويجي وده سوء تفاهم ورد عليه وقاله ماشي فوجئت بعدها اخوه بيكلمني بيطلب مني عهدة الشغل بحجة ان عميل عايزها وانا نضفتها وادتهاله بكل حسن نية تاني يوم كل شئ قسمة ونصيب منتهى الغدر وعلشان هما غدارين فاكرين الناس كلها غدارة زيهم فطلبوا العهدة الاول لحسن ابوظها لما اعرف انهم عايزين يسيبوني مع اني كنت هديهالهم حتى لو كان قال كل شئ قسمة ونصيب
الرد من العميل
هما بعد ما طلبوا الدهب فى المكالمة دي متصلوش تاني
الرد من العميل
ومسألوش عليه مع اني كنت مجهزة الدهب وكل حاجة كان جايبها علشان ياخودها وفضلت استنى استنى ومجاش ولا اتصل فى الاخر الناس قالولي مش من حقه ياخد الدهب هو اللي سايب بس انا فى قرارة نفسي شايفة انه مفرقش معاه الحالة اللي كنت فيها بعد اللي حصل لاننا كنا كويسيين جدااااا مع بعض قبل الاسبوع ده ومتخانقناش اصلا طول السنة ونص غير مرتين تلاتة والخناقة مقعدتش اصلا ومش بنفتكرها وبعد ما اخترت كل حاجة ومرتبة نفسي على الجواز وفرحانة ومبسوطة اتفاجأ ان هو بيغدر بيا واخوه يجي يقول كل شئ قسمة ونصيب والخطوبة بتبقى فترة تعارف
الرد من العميل
حسيت بظلم وشايفة ان طالما الدهب فارق معاه لدرجة ان اخوه طلبه فى الاخر المكالمة وقبلها بيوم يطلبوا عهدة الشغل دي ناس مش هاممها انا يحصلي ايه المهم الدهب والعهدة فمرضتش ابعت الدهب بالعكس انا شايفة اني لو ادتهوله يبقى بكافئه
الرد من العميل
الدهب مش عوض بالنسبالي بالعكس انا كل اللي بفتكره الايذاء النفسي اللي اتعرضتله اثناء الاسبوع اللي سابنى فيه لانه كان بيكلمني وحش والايذاء النفسي اللي حصلي بعد مكالمة اخوه لحد دلوقتى الموضوع ده حصل من 3 شهور بالظبط وانا لسه مش عارفة ارجع ذي الاول بس انا مش عايزة يحس انه طالع كسبان طالما اللى فارق معاه الفلوس بس
الرد من العميل
هل ده صح ولا لا
الرد من العميل
حاجة كمان انا كنت بشتغل معاهم ولما الموضوع ده حصل كان فى نص الشهر ولما اخوه نهى الموضوع اكيد انا مش هروح الشغل ومع ذلك محدش كلمني علشان النص شهر اللي انا اشتغلته ومجوش اخده الدهب معنى كده ان هم معتبرين الشغل والخطوبة مع بعض واعتبروا ان كفاية عليها الشبكة ومبعتوش النص شهر اللي هو شغلي وتعبي وده حاجة وده حاجة تانية اصلا لما بفتكر بضايق علشان فهمت متأخر اوي ان هما كانوا جامعين مبين الاتنين ولا كنت باخد حقى من ود باباه واخوه فى الخطوبة ولا كنت باخد حقى كشغل كان معاملتهم كلها استغلال
إجابة الخبير: الدكتور اسحاق الحواري
الدكتور اسحاق الحواري
دكتور شريعة
الأسئلة المجابة 24430 | نسبة الرضا 97.8%
١- لا يجوز لك العمل في مكان مختلط كما ذكرت وعليك التوبة الى الله تعالى.
٢- أن الشبكة قبل العقد فيها تفصيل، اذا كان جزءا من المهر فهو حق للخاطب، واذا كان من الهدايا فيرجع الى سبب الترك، فاذا كان بسبب الخاطب فهو حق المخطوبة واذا كان بسببها فهو حق للخاطب.
٣- وأما بالنسبة لراتبك فلا علاقة له بالذهب.
والله تعالى أعلم وأحكم.
يمكنك تحميل تطبيق جواب لمتابعة استفسارك مباشرة مع الخبير ، كما يمكنك التواصل مع خبراء مختصين في مجالات مختلفة. بالإضافة إلى مواضيع أخرى يومية من خلال الضغط على هذا الرابط
تحميل تطبيق جواب
الرد من العميل
شكراً الف شكر
إجابة الخبير: الدكتور اسحاق الحواري
الدكتور اسحاق الحواري
دكتور شريعة
الأسئلة المجابة 24430 | نسبة الرضا 97.7%
إسأل دكتور شريعة
الدكتور اسحاق الحواري
دكتور شريعة
الأسئلة المجابة 24430 | نسبة الرضا 97.7%
- 100% ضمان الرضا
- انضم الى 8 مليون من العملاء الراضين
