السلام عليكم مش عارفة ابدأ واقول ايه بس انا اتربيت...

السلام عليكم مش عارفة ابدأ واقول ايه بس انا اتربيت ف بيت فيه تفكك اسرى شوية وعلطول خناقات وصوت عالي ومقارنات وقليل من الاهتمام والحب هما دلوقتى بيحاولو يعوضونا عن اللى فات وانا عذراهم بس مش قادرة اسامح الصراحة ومشكلتى الاساسية والدتى مش عايزة اكون زيها خالص بس ف الاخر بحس انى بروح للى بهرب ومش عايزة اكونة وباخد نفس النتيجة من سلبية واهمال وغيرة اتزوجت واحد شخصيتة قوية شوية عشان مش عايزة زوجى بسخصية ضعيفة زى والدى بس المشكلة انى بقيت انا اللى بشخصية ضعيفة او نقدر نقول منعدمة عشان مش عايزة اكون زى امى يعنى حاسة انى اخترت بمزلجى اكون كده بس مش مبسوطة برده المهم انا عندى اكتر من مشكلة اولا مع رقية بنتى ف الاول كنت كويسة بنسبة كبيرة معاها وانشطة وخروج طبعا مع غدم وجود الاب بسبب انشغاله الدائم بس لما ربنا رزقنى بليلى البنت التانية بقيت بطلع ضغوطاتى كلها علي الكبيرة اهانة واحيانا ضرب ف الاول كان قليل بس مع الوقت بقى يزيد بصورة سيئة بحس كتير انى بكرها وبرجع واقول لنفسى بكره تصرفتها مع انها مش بتعمل حاجة مبالغ فيها طفلة عادية وبس بس انا بقيت حادة معاها جدا وبحس انى بقيت بأذيها ضرب وعض وحاولت اخنقها مرتين تقريبا بس ببقى واعية وبعرف انا هوقف امتى بس حاسة انى ف لحظه ممكن أأذيها بجد ومش هعرف اعمل حاجة دى اولا . ثانيا مشكلتى مع زوجى مش حاساة زوجى ف اغلب الاحيان علطول مش بعرف اطلع معاه اللى جوايا وابقى نفسى لانى متأكده انه يأما هيفهمنى غلط ياأما هيمسكها عليا زلة ومشاعرى معاه باردة مش عارفة احتوية واقول كلام حلو حتى لو ف مرة كان جوايا كلام حلو بس انه بيطلع بطلوع الروح فعلا ومشكلتى مع نفسى الاهمال والسلبية والاحساس بالفشل وعدم الثقة بالنفس بس احيانا براجع نفسى واتكلم معاها وفعلا ببقى كويسة بس لمدة بسيطة وبرجع تانى للى انا فيه عشان فقدت الثقة ف التغير النابع من نفسى او اى حد يقولى كلمتين لانى بحسها زى المسكن والمشكلة الاساسية موجودة متحلتش ، فهل كدا انا محتاجة طبيب نفسى ولا يكفى استشارى اسرى ولا حتى بشوية مجهود اقدر اساعد نفسى؟مع العلم ان بنتى الكبيرة بقيت احس انها بقى عندها مشاكل نفسية زى الخوف والتبول اللاارادى والعنف وسرعة الغضب؟ وشكرا مبدأيا لمساعدتكم