سلام دكتوره. انا بحب شخص من سنتين طبعا خلال الفترة دي حصلت كذا مشكله منها مشكله افترقنا فيها لمدة ٦ شهور و بعدين رجع يكلمني واتصالحنا و متفقين عالزواج انا اتعرفت عليه من الانترنت و هوا سوري عايش بلبنان يعني ظروفه صعبه جدا ساعدته كذا مره ماديا و مقدرش يتقدملي رسمي بسبب ظروفه انا رحتله لبنان لان ما معه فلوس يجيلي و اتفقت معاه اني حساعده بكل شيء لحد مانتزوج. وحطينا خطط و احلام و اتعلقت بيه اكتر بكتير بعد ماشفته و خرجنا سوا انا مطلقه و هوا كمان مطلق طبعا انا متعقده من عيوب كتير كانت بطليقي و هوا متعقد من طليقته. المهم اني بعد ما عطيته مبلغ كبير. بقوله ياريت تنصح شوي متلي لان جسمك كتير قليل قالي لا اعوذ بالله. انا افتكرت ان قصده اعوذ بالله علي جسمي اضايقت جدا و بعدها عرف ان معايا فلوس فطلب فلوس تاني عشان يسدد ديونه لان عليه ديون كتيررر . قلت له انا مش مسئوله عن تسديد ديونك ولا انا البقره الي حتحلبها حتعطيك مصاري. قالي شو قصدك قلت له لو سمحت ما تحكيني تاني بعد ما هديت. قلت اكيد مكنش قصده يقول اعوذ بالله علي جسمي وقصده عالنصاحه عامه لانه كان معجب بيا كتير لما شافني. حاولت اكلمه تاني لقيته غضب و قالي انا ما بقبل حد يمن عليا ابدااا و مش انا الراجل الي تتسلط عليه إمرأة و بقاله شهر ما بيكلمني و كل ما اكلمه يذكرني بجملتي اني مش البقره الي بتحلب فلوس و انه مش بيتحمل اي منيه من اي أحد. عالطول غضبان و متعصب معي و بيقولي اني السبب في وقف مشروع الزواج. مش عارفة اعمل معاه ايه ولا كيف اصالحه. كل ما بكلمه بفضل ابكي و انهار و بتعب اوي و ضغطي بيوطي و بدوخ. تنصحيني اعمل ايه؟؟؟